15/08/2026
Wax badan ayaa qarsoon
Su'aallaha Dul Hogganaya Kiiska Hooyada Hargeysa.
Inta aynaan waraysiga Cusbitaalka Fallanqayn dhawr xog ah oo aan hubinay aan idinla waddaagno.
1. Hooyada iyada ayaa mararka qaar raadin jirtay dawada ilmaheeda. Daryeel, wehel ku filan iyo dhaqaalle intaba ma haysan. Arrimaha isku buuqa keeni kara.
2. Cusbitaalka lacagaha laga qaado dadka ICU-ga ama xaladaha Haliska gala malaha wax jaan go'an. Shaybaadh iyo daawoyin badan ayaa kolba qofka loo diraa. Shaqaale gudaha ayaa noo xaqiijiyay in culays dhaqaalle hooyada saarna, marar badana awoodi la'ayd warqadaha kolba loo dirayay.
3. Cusbitaalku markay dhacdadu dhacday way xadiddeen kiiska. Horrey markii Kelyaha laga cawday bukaano ayay ka hadal siiyeen oo ay dhexmareen. Hadana qoyska in ay tacsida kala qayb galleen oo ay Taleefana kula hadleen way sheegen. Markii MRI-ga celiska laga hadlayay marna qalad ma qiran ee difaac beenay galleen. Waa sababta natiijada ay shaaciyan aan loogu kalsoonan karin.
Maxaa Qaldan?
1. Maamulka Cusbitaalka oo hadlayay ayaa yidhi: "Muddo 7 cisho kahor ah hooyadas waxay noo timiday iyadoo caadi ah oo caafimad qabta, hooyadas iyadoo Uurleh ayay halkan timid, ilmahedana iyagoo Caafimad qaba ayay umushay."
Hadaba hadii maamulku qirayo in ay Caafimad qab ku timid, wixii dhibaato ah ee ku riixay in ay is-disho sow qayb k**a noqon karto wixii ay iyaga kala kulantay? Hooyo ugub ah oo caafimad qabtay sidday sheegen maxaa ku keeni kara in ay is disho?
2. Kiiska maanta dhacay, maanta la aasay ee hadana isla maanta la baadhay, ee hadana kuwii laga cabbanayay ay natiijada shaaciyeen muxuu noqon karaa? Maxaa diidday dhinac saddexaad in ay baadhis sameeyan oo ay natiijada shaaciyaan? Sow uma eka: "Nin Dawee la leeyahay Dembi uu badh leeyahay.."
3. Hooyoyinka dhalla ee carrurtoda qaybta gaarka la galiyo waxaa la dejiyaa qolal lagu magacaabo: "Post partum rooms". Halkaas ayaa nafaqo lagu siiya ehelkooduna ku ilaaliyaa. Hooya dhawr saac la waayay ee aan la ogaan sow ma muujinayso in ay dhex deganayd bukaanka guud; siddee se Cusbitaalka oo shaqaalle Caafimad iyo amni leh u oggaan waayay qof isku dhex dal'dalay, oo arroortii loo ogaaday.
Gabo-Gabo: Soomalida qof la kufsadaa la moosa oo laga heshiiyaa; wax cusub ma aha in ay waalid xidhiidhan oo ay is fahmaan, ee Hannaanka qaldan ee aysan danyartu daawo jaban iyo xubnaha maamulka midna ku gaadhi karin siddee loo sixi karaa?
