19/06/2026
#رسائلكم 🌙🌠
بنات جيت نحكيلكم حكايتي وباش تدو عبرة، مزالني تحت تأثير الصدمة.. عندها يوم واحد مابكيت ما عيطت، قد ما نشرحلكم حجم الجرح لي في قلبي ما يتوصفش! 💔😭
نختاصرو الأحداث.. عرفت شاب من ولاية أخرى عندي معاه خمس سنين، الحمد لله جامي تلاقينا وكنا على تواصل يومياً نعرف كلش عليه، باعتلي تصاور أهله، وكان كل وقت يخاف عليا.. نعم الناس! يقولي: "أنتي يما" بحكم #يماه 👵 متوفية ربي يرحمها. المهم واثقة فيه وهو تان، جامي قالي بعتيلي نشوف ولا.. علاقة من حديد حتى وندابزو حدها يومين متفوتش ونتصالحو، كان الرجل المثالي لي تتمناه أي بنت! 😔✨
المهم قد ما نحكيلكم ما تتوقعو مثالية العلاقة، مالفين نحكو أبال مرات واتس بحكم أنا غلقت حسابي على الفايسبوك.. صرالو مشاكل مع صاحبو بسبتي، وعلى العادة نحكو واتساب.. عندو هو زوج أرقام، عمري عيطت فيهم ولقيته يحكي، كل الأمور كانت طبيعية. 👌
بصح لبارح جيت نبعتله واتساب في رقمه لي مالف نحكو فيه، غلطت وبعت في الرقم الثاني.. والصدمة؟! ترد عليا بنت! 💔 منقدرش نحكيلكم ذاك الشعور لي حسيت بيه.. المهم حكيت معاها وطلع نفس الشخص، وهو خطيبها وتعرفو في 20 سنة! 😂😭
وهو لدروك ما رد عليا ما قدر يواجهني.. العبرة يا لبنات، عمركم لا تأمنوا فيهم يالوكان تهدري حتى مع أمو! هو كان يبكيلي ويقولي: "نجي نخطبك ودابزت والديا عليك" (والديه جامي شافوني أكيد).. تخيلو حط يدو على المصحف وحلف بلي يحبني وما يسمحش فيا! باه تعرفوا مستوى النفاق لي فالبشر.. وحسبي الله ونعم الوكيل. 🤦♀️❌
