22/05/2026
Dhacdo argagax leh iyo Cusbitaalka Burco.
Maalintii axada oo bishu ahayd 17/05/2026 Gabadh danyar ah oo dhiikar ku kacsan yahay uurkeeduna yahay 9bilood ayaa la keenay Cusbitaalka Burco, gabadhan oo qoyskoodu ka bixin kari wayeen lacagtii daawada dhiikarka gabadha lagaga dajinayay ayaa aakhirkii gashay xaalad aad u culus ka dib marki ay maamulka cusbitaalka burco ka caawin waayen lacagta daawada dhiikarka lagaga dajinayo.
Gabadhi iska bixin kari wayday shilimaadka dhiikarka lagaga dajinayo ayay dhakhaatirta cusbitaalku soo jeediyeen in ilmaha uurkeeda ku jira iyo nafteda la kala reebo oo ilmaha laga so saaro, qoys iska bixin kari waayay lacagta daawada dhiikarka miya iska bixin kara lacagta Qaliin ilmaha lagu soo saaro (Caesarean operation) , waa maya, gabadhan oo la hor keenay xafiiska agaasimaha si uu indhihiisa ugu arko xaalada argagaxa leh ee ay ku sugan tahay iyo sida silica leh e ay u naf baxayso ayaa aakhirkii geeriyootay iyada oo aan waxba loo qaban.
