სტრატეგიული კომუნიკაციების სააგენტო Publicity Group საზოგადოებასთან ურთიერთობის, კომუნიკაციებისა და მედია სერვისების მომწოდებელი კომპანიაა, რომელიც როგორც ადგილობრივ, ისე საერთაშორისო დონორ ორგანიზაციებთან თუ კომპანიებთან თანამშრომლობს საზოგადოებასთან ურთიერთობის, მარკეტინგისა და ინტერაქტიული კომუნიკაციების, ივენთ მენეჯმენტისა და მედია სერვისების მიმართულებით. Publicity Group-ის სახით სხვადასხვა ტიპის ორგანიზაციები სანდო და პროაქტიულ პარტნიორს იძენენ მედიასთან და საზოგადოებასთან ურთიერთობების საკითხებში, რაც ხელს უწყობს მათი ორგანიზაციების რეპუტაციის მართვას.
ბოლო სამი წლის განმავლობაში Publicity Group-ის ბიზნეს სექტორის კლიენტებს შორის იყვნენ ისეთი ორგანიზაციები, როგორებიცაა: UNICEF, UNDP, JSI, IOM, Hoffmann-La Roche და სხვა, ასევე, მიიღო USAID-ის და EUR-ის მიერ დაფინანსებული პროექტები. გარდა ამისა, საქართველოში რეგიონული მედიის განვითარებისთვის კომპანიამ არაერთი გრანტი მოიპოვა OSGF-სა და აშშ-ს საელჩოსგან. Publicity Group-ის მიერ წარმოებული ბრენდებია:
· «PR Hypermarket» - პიარისა და მარკეტინგული კომუნიკაციების საკონსულტაციო მომსახურება, სადაც კომპანიის პერსონალი კლიენტებისათვის საზოგადოებასთან ურთიერთობის პროგრამებს ახორციელებს.
· «PUBLICITY.GE», პირველი და ერთადერთი პრესრელიზების გამავრცელებელი არხი საქართველოში, რომელიც საშუალებას აძლევს ნებისმიერ ორგანიზაციას, ჰქონდეს მედიაანონსების, პრესრელიზისა და ვიდეო რელიზის, რეკლამის გავრცელების საშუალება და ასევე, უფასო ონლაინ ნიუსრუმი მედიასთან მარტივად ურთიერთობისთვის.
· «REGIONS.GE», პირველი და ერთადერთი რეგიონული საინფორმაციო პორტალი საქართველოს რეგიონების შესახებ, რომელიც აგროვებს ახალ ამბებს და სხვადასხვა რეგიონული გაზეთებიდან და რეგიონების ამბებს თავის საინფორმაციო პლატფორმაზე აერთიანებს.
