14/09/2026
🇺🇸🇮🇷 გამოქვეყნდა გასაიდუმლოებული კადრები ირანის თავზე 3 აპრილს ჩამოგდებული აშშ-ის სამხედრო-საჰაერო ძალების F-15E Strike Eagle-ის კატაპულტირებული პილოტების ევაკუაციის სპეცოპერაციიდან—-
⚫️ ვიდეოზე ასახულია სპეციალური ოპერაციის ძალების მებრძოლთა დაშვების მომენტი F-15-ის შეიარაღების სისტემების ოპერატორის, საძახისი ნიშნით „ბრავო-44“-ის ევაკუაციისთვის. ასევე, კადრებში ჩანს ავიადარტყმის მომენტი ირანული შეიარაღებული ფორმირებების ერთ-ერთ საგუშაგოზე, რომელიც გზაზე იყო განთავსებული ამერიკელი პილოტების სამძებრო და დაკავების ოპერაციის მიმდინარეობისას. საინტერესოა, რომ დაშვებისას გამოყენებული “შავი ქორის” შვეულმფრენის ზუსტი მოდიფიკაცია უცნობია….
🟥 აშშ-ის განცხადებით, სამაშველო ოპერაციაში სულ 21 თვითმფრინავი მონაწილეობდა, ხოლო უშუალოდ ირანის ტერიტორიაზე სპეციალური ოპერაციების სარდლობის 92-მდე სამხედრო მოსამსახურე დაეშვა.
🔻 შეახსენებთ, რომ ამ ოპერაციის მსვლელობისას აშშ იძულებული გახდა, საკუთარი MC-130J COMMANDO II ტიპის სპეცთვითმფრინავები (რომლებიც საველე აეროდრომზე გრუნტში ჩაეფლნენ) და მათ მიერ გადაყვანილი MH-6M LITTLE BIRD-ის ტიპის ვერტმფრენები გაენადგურებინა, რადგან მოვლენების ადგილიდან მათი სწრაფი ევაკუაცია შეუძლებელი იყო….
🇺🇸🇮🇷 Reuters-ის ინფორმაციით, ირანში სამაშველო მისია ლამის ჩაიშალა მას შემდეგ, რაც ინფილტრაციისთვის გამოყენებულმა ორმა სპეციალური ოპერაციების თვითმფრინავმა (MC-130 COMMANDOS II-მა) მექანიკური გაუმართაობა განიცადა ( სავარაუდოდ, სახელდახელოდ მოწყობილ საველე დასაფრენ ადგილზე დაშვებისას შასები დაუზიანდა) და აფრენა ვერ შეძლო.
🔹 ამან სამაშველო ძალების ნაწილი ირანის ტერიტორიაზე ჩარჩენის საფრთხის წინაშე დააყენა, რაც ერთ-ერთმა ამერიკელმა მაღალჩინოსანმა მისიის ნამდვილ „შოკისმომგვრელ“ მომენტად შეაფასა.
დროის სიმცირისა და გამოაშკარავების რისკის ზრდის გამო, აშშ-ის სარდლობამ მიიღო გადაწყვეტილება დამატებითი საჰაერო ხომალდების გაგზავნის შესახებ, რათა ქვედანაყოფის ევაკუაცია ეტაპობრივად განხორციელებულიყო.
🔹 გავრცელებული ინფორმაციით, სამაშველო ჯგუფს რამდენიმე დაძაბული საათის განმავლობაში მოუწია ლოდინი, სანამ სარეზერვო გეგმა წარმატებით არ შესრულდა.
🔹 ევაკუაციის დასრულების შემდეგ, ამერიკულმა ძალებმა ადგილზე გაანადგურეს დაზიანებული 2 MC-130 COMMANDO II-ის თვითმფრინავები და მათ ბორტზე არსებული MH-6 LITTLE BIRD-ის 4 მცირე ზომის შვეულმფრენი , რათა მტრის ხელში სენსიტიური აღჭურვილობა არ ჩავარდნილიყო.
▪️ სიბნელის საფარქვეშ, აშშ-ის სპეციალური ოპერაციების ძალების დაახლოებით 100-მა სამხედრომ ირანის სიღრმეში შეაღწია და ისპაჰანის სამხრეთით მდებარე რთულ, მთიან რელიეფზე გადაადგილდებოდა.
▪️ მათ 7000 ფუტის (დაახლოებით 2100 მეტრი) სიმაღლის ქედი გადალახეს, რათა მიეღწიათ ჩარჩენილ მფრინავამდე და მასთან წარმატებული კონტაქტი დაემყარებინათ.
▪️ F-15E STRIKE EAGLE-ის ეკიპაჟის წევრს, შეიარაღების ოფიცერს კოჭი ჰქონდა ნაღრძობი და კატაპულტირების შემდეგ, გადარჩენისა და თავის არიდების ტექნიკის გამოყენებით, მთის წვერზე მდებარე ნაპრალში იმალებოდა.
▪️ სანამ სამაშველო ძალები უშუალო მოქმედებაზე გადავიდოდნენ, მან საკუთარი ვინაობის იდენტიფიცირება მოახდინა, რათა ამერიკელი სამხედროები ირანულ მახეში არ აღმოჩენილიყვნენ.
⛑️ მესამე დღეს ცენტრალურმა სადაზვერვო სამმართველომ (CIA) პილოტს ისპაჰანის პროვინციაში მიაკვლია. ამერიკული მოიერიშე თვითმფრინავები დარტყმებს ახორციელებდნენ ირანულ კოლონებზე, რათა მათ პილოტის ადგილსამყოფელთან მიახლოების საშუალება არ მიცემოდათ.
