N Line Media • ენ ლაინ მედია

28/10/2025

The Vineyard Dolidze’s portfolio features wines made in qvevri using traditional methods, as well as European-style dry, naturally semi-dry, semi-sweet, and sweet wines.

read more: nlinemedia.co.uk

28/10/2025

The Vineyard Dolidze’s portfolio features wines made in qvevri using traditional methods, as well as European-style dry, naturally semi-dry, semi-sweet, and sweet wines.

The vineyard complex includes two cellars. The first cellar houses 21 qvevris for crafting wine using traditional methods and features an enoteca where wines from each vintage are stored and aged. The second cellar is used to craft and age European-style wines.

read more: nlinemedia.co.uk

28/10/2025

In terms of viticulture and winemaking, Guria is one of the most intriguing and traditional regions of Georgia. The unique qualities of the wines produced from grapes grown in this area are attributed to its unique natural conditions, distinctive mountainous terrain, water-rich river valleys, warm climate, soil characteristics, and, most importantly, its varietal diversity.

26/10/2025

ხელნაკეთი შოკოლადის ხაზი დაქიშვილების საოჯახო მეღვინეობისგან

ყველაფერი ექსპერიმენტებით დაიწყო. თავიდან, გოგი დაქიშვილის მეუღლე ილონა შოკოლადს საოჯახო დღესასწაულებისთვის ამზადებდა. საკმაო გამოცდილების დაგროვების შემდეგ, გადაწყვიტეს ამ მიმართულებისთვის პატარა წარმოების სახე მიეცათ და დღეს, თელავში, ერეკლე მეფის გამზირის #2-ში არსებულ Dakishvili Family Wine and Chocolate Boutique-ში, ღვინოებთან ერთად, ხელნაკეთი „ცოცხალი შოკოლადი“ დაგხვდებათ. ტკბილეულის ხაზს ახალხან ფრანგული დესერტი – მაკარონი და იტალიური ორცხობილა – კანტუჩინი დაემატა, რომელთა შეძენა ამავე ბუტიკშია შესაძლებელი.

შოკოლადის სახეობებიდან ყველა – ფილები, მინი ფილები, ტრიუფელი, ბომბონები – მხოლოდ ნატურალური ინგრედიენტებით მზადდება. არ შეიცავს კონსერვანტებსა და ხელოვნურ დანამატებს. თითოეულს შენახვის განსაზღვრული ვადა აქვს. გამოირჩევა ძალიან დახვეწილი, მრავალფეროვანი გემოებით და შესაბამის ღვინოსთანაც საუკეთესო მისადევნებელია.

ფილები:
შავი შოკოლადისგან (კაკაოს შემცველობა 73%) დამზადებული სამი სახეობის ფილა – ჩილით, ფსტით, ჰიმალაის მარილით.
შოკოლადის ტრიუფელების სამი სახეობა:
დამზადებული ცქრიალა ღვინით, ბრენდით, ვისკით.
შოკოლადის ბომბონები სხვადასხვა გულსართით: კრემით, ჩირეულით, თხილეულით, ფსტით.
შავი და თეთრი შოკოლადის მედიანტები:
შეკმაზული ჩირით და თხილეულით.

26/10/2025

მაჭარი – ქართული სიტყვის ახალი სიცოცხლე

დაქიშვილები ყველა ღვინო მხოლოდ ხანგრძლივი ფიქრის, კვლევისა და წლების დაკვირვების შედეგად იქმნება. ეს ეხება ტრადიციულ ცქრიალა ღვინოებსაც და პეტ-ნატებსაც. კახეთი არასოდეს ითვლებოდა ასეთი ღვინოების რეგიონად, ამიტომაც არც ცქრიალებს აყენებდა ვინმე, არც პეტ-ნატებს. საფერავისგან დაყენებული ვარდისფერი ცქრიალა ღვინო – ეს ექსპერიმენტი გოგი დაქიშვილის ხანგრძლივი ფიქრის შედეგი იყო და პირველი გამოცდილებაც, რომელიც საკმაოდ წარმატებული აღმოჩდა ადგილობრივი და საექსპორტო ბაზრებისთვის. ღვინო ქვეყნის ფარგლებს გარეთ, მათ შორის, საფრანგეთში, დიდ ბრიტანეთში, უკრაინაში, შეერთებულ შტატებში გავიდა და პოპულარულიც გახდა. ამას მოჰყვა მეორე ექსპერიმენტი – ცქრიალა ღვინო მწვანე კახურისგან.

ცქრიალა ღვინოებსა და პეტ-ნატებს დაქიშვილები ფრანგული ჯიშებისგანაც ამზადებენ – შარდონე და პინო ნუარი, რომლებიც სოფელ კონდოლსა და აკურაში აქვთ გაშენებული.

26/10/2025

ღვინის დიდი ოჯახი

დაქიშვილების წინაპრები საქართველოში 1750-იან წლებში, კავკასიის მთების ჩრდილოეთიდან, ჩეჩნეთის არგუნის ხეობიდან ჩამოვიდნენ და კახეთის რეგიონის ჩრდილოეთით, პანკისის ხეობაში დასახლდნენ. ხელი მიჰყვეს სასოფლო-სამეურნეო საქმიანობას. გააშენეს ვენახებიც. 150 წლის შემდეგ, 1900-იანი წლების დასაწყისში, დეკანოზმა სიმონ დაქიშვილმა საეკლესიო მსახურებისთვის ღვინის დაყენება დაიწყო. ასე იქცა მეღვინეობა გვარის ნიშნად და სინონომად.

თავისი პირველი მეღვინეობა, რომელიც მხოლოდ სამი სახეობის ღვინის წარმოებით იყო დაკავებული, გოგი დაქიშვილმა 2002 წელს დააფუძნა. მეღვინეობას აკვანი ერქვა იმის ნიშნად, რომ სწორედ საქართველოა ღვინის სამშობლო და აკვანი. მოგვიანებით, მეღვინეობამ სახელწოდება შეიცვალა და Vita Vinea ეწოდა. წლების შემდეგ, როდესაც საქმიანობაში გოგი დაქიშვილის ოჯახის წევრებიც ჩაერთნენ და მეღვინეობაც საოჯახო ბიზნესში გადაიზარდა, Dakishvili femily Selection შეიქმნა.

მეღვინე ოჯახის საქმიანობა სოფლების შალაურისა და კისისხევის მარნებში მიმდინარეობს. ორივე სოფელი ეკოლოგიური სისუფთავით გამოირჩევა. შალაურის მარნის ახლოს ტყე იწყება და ზამთარში, მეღვინეების ოჯახს გარეული ცხოველებიც კი სტუმრობენ. ეკოლოგიური ფაქტორი ჩვენთვის ძალიან მნიშვნელოვანია, – აღნიშნავს გოგი დაქიშვილი – როდესაც ადამიანი კარგად გრძნობს თავს, უფრო უკეთესად აყენებს ღვინოს და მეტად კონცენტრირებულია თავის საქმეზე.

26/10/2025

ბაბანეურის გარდა, Dakishvili Family Selection-ის ვენახები შალაურსა და კისისხევში – ეკოლოგიურად სუფთა გარემოში, მთებითა და ტყეებით გარემოცულ სოფლებშია გაშენებული. ასევე, კონდოლში, კურდღელაურსა და ახმეტაში. ტერუარს და ღვინოებში ინდივიდუალურ, ლოკალურ ხასიათს დაქიშვილები განსაკუთრებულ მნიშვნელობას ანიჭებენ. ამ საოჯახო მეღვინეობის სათავეებთან გოგი დაქიშვილი, მისი მეუღლე ილონა და შვილი – თემური დგანან. სამივე პროფესიით ენოლოგია. ოჯახი, რომლის ყველა წევრი ასევეა ჩართული საქმიანობაში, ყოველთვის იყენებს თანამედროვე ცოდნასა და მეთოდებს, ითვალისწინებს ბაზრის მოთხოვნებსა და ტენდენციებს ისე, რომ არც წინაპართა ტრადიციებს ივიწყებს.

რა არის ჩვენი ძლიერი მხარე? – საოჯახო მეღვინეობა. ამას ისიც ემატება, რომ ოჯახის სამი წევრი პროფესიონალი მეღვინეები ვართ და ჩვენი სინერგიით ვაძლიერებთ წარმოებას ხარისხის ნაწილში, – ამბობს გოგი დაქიშვილი. არტიზანული ღვინოების დამზადებით ვართ დაკავებული. წლიურად 50 ათასი ბოთლი და არა მეტი. ამით ხაზს ვუსვამთ, რომ ჩვენი წარმოება ლიმიტირებული და ექსკლუზიურია. გვაქვს როგორც ქართული ტრადიციული, ისე კლასიკური მეთოდით დამზადებული ღვინოები. წლების განმავლობაში, ბევრი ცდისა და ექსპერიმენტის შედეგად ჩამოვაყალიბეთ ჩვენი ღვინის სტილი, რომელიც გამოირჩევა ხარისხით, სანდოობით და მოსწონს როგორც ქართველ, ისე უცხოელ ღვინის მოყვარულებს.

26/10/2025

Dakishvili Family Selection-ის არტიზანული ღვინოები, რომლებიც მსოფლიოსთვის იქმნება

ღვინო უნდა იყოს ელეგანტური – გამოხატავდეს ყურძნის ჯიშურობას (პირველადი არომატები), დაყენების ტექნოლოგიის შედეგად ჰქონდეს განვითარებული მეორეული არომატები და რა თქმა უნდა, მესამეული არომატები, რომლებიც ბოთლში ჩამოსხმის შემდეგ უვითარდება. სწორედ ასეთია კომპლექსური ღვინო. ეს არის მისი ღირსების მაჩვენებელი. ამას ყოველთვის ვითვალისწინებთ და განსაკუთრებით ვუფრთხილდებით.

Dakishvili Family Selection-ის ბრენდის ქვეშ იწარმოება ქვევრის ტრადიციული – რქაწითელი, ქისი, საფერავი, Cuvee Amber, Cuvee Red, კლასიკური – შარდონე, ქისი, მწვანე-შარდონე, მწვანე-ქისი, სადესერტო ღვინო – ჩიტისთვალა, ქისი, საფერავი, ცქრიალა – პინო ნუარი, შარდონე, პეტ-ნატი – ქისი, მწვანე, შარდონე.

24/10/2025

24/10/2025