22/09/2026
【強迫症福音！IG 終於可以自由調動排版 🧩】
以前做 IG 小編，最痛苦嘅其中一件事，就係要「排 Grid」！
有時為咗令到個版面靚啲、色調一致，或者想將最重要嘅宣傳海報置頂，我哋要用一堆第三方 App 左拼右拼，計好晒邊日出邊張圖。萬一中間突然要插個突發 Post，成個排版就即刻亂晒大坑，強迫症發作真係想死。😩
但係黎到 2026 年 9 月，Instagram 終於聽到大家嘅訴求！佢哋靜靜雞推出咗一個神級新功能：Grid Reordering（版面重新排序）。
依家你只需要入去「Edit Profile（編輯個人檔案）」，或者直接長按你任何一個 Post，你就可以好似玩拼圖咁，隨意 Drag and Drop（拖曳）調動所有 Post 嘅先後次序！
呢個 Update 對於我哋中小企黎講，簡直係超級懶人福音，點解？
1️⃣ 重點推廣永遠當眼： 你可以將今個月主打嘅產品、最靚嗰幾張圖，全部拉晒去最頂嗰行。客一入黎就見到最好嘅嘢。
2️⃣ 唔洗再刪除舊 Post： 以前為咗排版靚，好多老闆會忍痛 Archive（隱藏）啲數據好好但顏色唔夾嘅舊 Post。依家？將佢拉落底就搞掂，唔洗犧牲啲 Like 數。
3️⃣ 隨心所欲出 Post： 唔洗再諗「今日出呢張會唔會整壞個 Grid」。你有靈感就即刻出，出完再去排版度拉返啱個位。
做 Marketing 最緊要係彈性。有咗呢個功能，大家可以將專頁當做一個真正嘅「網上櫥窗」，隨時轉款。老闆們，今晚一於的起心肝，入去執執個門面啦！
#懶人行銷
