Sniper Marketing

02/02/2023

佢堂眉同而家金拱門（aka McDonald's）run 緊嗰個 #戚起條眉就知你想點 campaign 夾晒！應該兩邊 MarComm 有 co-ordinate 過！🤔

02/02/2023

呢個 influencer 都算叻囉，專登揀 #壽司郎 瀨嘢嘅時候出呢條 reel

https://www.instagram.com/reel/CoHazzvD1eF/

In case 你唔知發生咩事：https://bit.ly/3HoQhhv

1,283 Likes, 11 Comments - 東京コスパグルメ【公式】 () on Instagram: "�【スシロー】 📍全国 期間限定で鬼金棒とのコラボラーメン！ (開催場所) 全国スシロー店舗 (開催期間) 2/1(水)〜2/12(日) ※ 但し販売予定....

18/11/2022

成個 account 畀人攞咗⋯⋯⋯ 😨

// In some cases, the Journal wrote, the contractors, working for Allied Universal, accepted bribes to take control of user accounts. //

Meta Platforms fired or disciplined more than two dozen employees and contractors who took control of user accounts, according to The Wall Street Journal.

04/11/2022

【 從啊姐幫獅子銀行賣廣告論 TVB 嘅觀眾係咪完全唔中 TA 】


TVB LinkedIn 出 post _ 客事件，引出咗好多 marketing / advertising 大腕留 comment（ 細佬我真心學到嘢 ），當中有唔少人不約而同指出，TVB 係「老人台」、「老化」、「老土」、「廣告客戶需要 target 年輕、購買力強受眾群」，所以落 TVB「唔中 TA」云云。呢啲講法理論上係無得錯，亦有好多例子佐證。但「老人台」、「受眾老化」係咪就一定唔中 TA、無得做呢？


咁啱呢幾日獅子銀行出咗隻新廣告，但你既見唔到 Mirror 亦見唔到 Error，汪啊姐拍住老公家英哥一齊介紹「流動理財 – 簡易版」，字體大大隻啱晒長者嗰啲。再睇睇個 post 嘅 copy，左一句「老友記」、右一句「爸爸媽媽爺爺嫲嫲」，送「限量版精美手機繩」但「60 歲或以上人士」先有得攞…… 我諗無人會覺得個 campaign 係諗住 target「年青有購買力嘅受眾」掛（ 除非你一口咬定個 campaign 剩係 target 年青人，等佢哋返屋企教長老用簡易版手機 app 理財啦）？


既然 target「老友記」，咁落 TVB 咪「中晒 TA」囉？但你估獅子銀行會唔會落 TVB ？我就無政協副主席數廣告嗰鋪癮，如果你見到不妨話返畀我知，不過我估獅子銀行應該唔會落 TVB（ 即管睇吓我有冇估錯）。


老唔一定等於無錢、無消費力


獅子銀行嘅廣告反映咗一件事，就係喺廣告客戶眼中，老唔一定等於無購買力、無 growth potential。相反，香港人口老化已經係老生常談，target 銀髮族群嘅生意 / 產品亦已經唔係新鮮事。後生仔雖然一向被認為更捨得使錢，但面對樓價高企、薪資滯脹等經濟壓力，喺有一大嚿退休金、mortgage 攪掂晒，人生步入「收成期」嘅銀髮族面前，未必必然就係更有購買力嘅受眾。


如果獅子銀行「中 TA 」都唔落 TVB，咁說明咗啲咩？


對於產品、服務以年青人為主要受眾嘅 advertisers 嚟講，TVB 當然係「唔中 TA」，但如果「中 TA」都唔落，咁說明啲咩？Advertisers 唔信 / 唔睇電視台 ratings（ 收啦仲講 CPRP ）？落電視廣告計唔返 ROI？（ 其實咁樣出 video post 都未必一定計到，大家都係打開 app store / play store 直接搜尋，然後下載隻 app rather than click 佢條 link，甚至 device 都唔係同一部 ）


定抑或主因係，以 TVB 現時嘅 branding，無客想 1. partner with 佢哋；2. 承擔被狙擊嘅風險，以及；3. 黐埋去佢哋度，令自己個 brand look bad、自降身價？


汪啊姐點講都算係 TVB 嘅 icon，用得汪啊姐拍廣告，都唔落埋 TVB？咁都仲唔明白呢個係形象嘅問題？


賣吓保健品、日常生活百貨嘅小商戶，啲貨去到就 okay，唔需要諗得太多；但銀行的話，呢個問題就不得不考慮清楚……


有啲嘢，要肯面對現實，先會睇得清楚……

03/11/2022

【 預告 Similar Audience 即將停用 】Google Ads 宣布由明年五月起，將不會再 generate 新的 similar audience segment 及相關 reporting，而以 similar audience 作 targeting 的廣告亦將運行至明年八月一日止。同時 Google 建議用開 similar audience 嘅 advertiser opt-in 「Optimised Targeting」、「Audience Expansion」，或者「Smart Bidding」。


Google 解釋今次嘅決定係因應 third-party cookies 即將 phased out，佢哋希望將 similar audience upgrade 成更 powerful 嘅 solutions（例如上述 optimised targeting、audience expansion 以及 smart bidding），善用 advertisers 嘅 first party data，直接對準大家嘅 business goal 去做 optimisation。但…… 乜 similar audience 唔係一直已經用緊我哋嘅 website traffic 啦咩？佢究竟喺度解釋緊啲乜嘢（定係食咗誠實豆沙包）？


其實不如直接啲，話畀 advertisers 聽，你想我哋用多啲 Google 嘅 automation & machine learning predictions、唔想我哋嘅 ad setting 愈 set 愈刁鑽啦……


#又剝我哋棚牙

31/10/2022

【 匪夷所思 】你班 marketer 做咩落廣告唔睇 ROI？攪到人哋 media 覺得匪夷所思吖！

傳送門：https://www.linkedin.com/posts/tvb_tvb-jade-drama-activity-6988790510651932672-FDAw

18/07/2022

都仲未係十二子玩晒嘅⋯⋯⋯ 理論上⋯⋯⋯ 🤔

十大IG品牌內容廣告銷售額最高KOL (2022年第二季) Top 5

男團MIRROR有四位成員排名十大以內，其中盧瀚霆排名第一，姜濤及呂爵安分別排名第四及五位，而張敬軒及鄭秀文分別排名第二、三位。

1. 盧瀚霆
IG Followers: 84萬
品牌內容: 高靈潔, 三星......

2. 張敬軒
IG Followers:94.4萬
品牌內容: Dermacept HK, Cre8HK by AIA......

3. 鄭秀文
IG Followers: 84.9萬
品牌內容: 安盛, 百佳超級市場......

4. 姜濤
IG Followers: 84.9萬
品牌內容: Darlie HK, HSBC......

5. 呂爵安
IG Followers: 60.3萬
品牌內容: 拍住賞, 戶戶送......

*IG Followers截至2022年6月

閱讀更多: https://bit.ly/3P2fPDM

想知道更多有關社交媒體廣告開支數據, 請致電Esther Wong (2836 6792) 或 Jonas Wong (2151 3395) ，或透過 https://bit.ly/3170la0 安排一個免費分享會！

29/06/2022

Shi…… t

#小編大發現：Facebook Post 被改成 IG 格式😱？
唔知係咪好多人都已經中咗？我哋成為被選中嘅細路去測試 Facebook Post Format！上星期五開 Facebook 覺得硬係有啲古怪，Facebook Post 一向都係先出字再顯示圖/影片，但而家上下倒轉先圖後字同 Instagram 有9成似，Link Post/ Video Post 都變哂得齋字冇圖同廣告 Post 不變，有趣嘅係同一Account 用兩部 iPhone 睇嘅樣唔同一部上字下圖另一部上圖下字。
之前做過UX/UI分享關於先圖後字與 User Behavior 嘅關係，以Gen Z/嚟緊嘅Gen Alpha 大部分都以 Visual 行先嘅世代先圖後字會更迎合到佢地嘅習慣，亦同一眾新興嘅 Social Platform 更相似，Fine tune product 絕對係好事(不過大家應該想佢tune 下啲 Ad先），呢個格式可唔可以留低都好難講，但如果 Facebook 同 Instagram 嘅定位唔同但佢地嘅 differentiation 又愈嚟愈少嘅時候大家會覺得係好事嗎？如Instagram Post 可加 Link 你又 Buy 唔 Buy？

#我係小編

24/05/2022

// 身為父親嘅 kidult 會覺得已經收順咗，同埋以後仔女老婆整到佢啲 figure / 首版全部都報出 5 位數價錢 😝

認真：用公關角度諗完全冇錯，但呢間嘢會唔會定位主要客路唔係 mass，反而係行 niche 路線？//

#冰火版真天魔透明公仔

【 #小編隨噏 ：談談LaLa遇襲官方聲明 📝】
尋晚成條timeline 除咗廣告之外都係LaLa身首異處嘅相片，所有玩具模型、親子至地區及各大傳媒及群組都出嚟判一判、評一評。由事發經過相片、影片及疑似其家長個人Acc出嘅 Post都成為大家熱烈討論嘅話題，當然亦引起各大小編嘅火速抽水 Post（眼見最快嘅係DDED之後再見IKEA ）。官方亦於深夜火速就該事件發出聲明（見下圖），今次就以品牌形象談談LaLa遇襲嘅官方聲明。
聲明以書面語寫出三個重點，以免大家唔係好明以下分享下我哋嘅個人見解（口語版）。第一點：唔關我哋事嫁，喺事主父母主動課金話賠，我冇用把刀迫佢嫁，佢想用錢解決唔通我唔肯咩？第二點：你哋班人用隻25cm去當我隻巨大化版？我成本幾多當然唔同你講，仲有我一早Mark咗個價，願者上釣唔好話人，同埋LaLa我唔係整嚟俾人玩ga，放係地下睇ga咋，唔受力唔通我寫哂出嚟咩？我可能有保險賠但我又唔通呢度講埋？第三點：我上年放係路中心到而家都冇人中招，邊會係我嘅問題，大家咁大反應我咪諗下整唔整多個牌拉多條線圍一圍lor。最後再加埋會同事主跟進，但冇講跟進啲咩，可能過唔到數再傾傾付款方式，分開父母嘅消費劵都仲要賠兩萬幾，但都起碼幫輕下。以上都係純熟個人猜測，可能官方唔係咁諗ga。
講返正題，出聲明基本上係澄清事件，但其實好多點都唔洗澄清，因冇咩位可以出咗聲明就冇事或者多咗新正據或論點去反轉大眾對佢哋嘅睇法。反而從 Media Value 出發佢有幾百萬 Media Budget 都做唔到呢個效果，雖然 kkplus 上唔到Google trend（反而朗豪坊同天線得得B上到）但佢呢一晚紅過 Mirror 應該好好利用個勢，我會建議反賠返錢俾當事人精神上嘅損失，LaLa成本加埋賠償最多10萬但起碼可贏返少少掌聲同洗走一啲負評，傳媒會再報導一次又多啲 Media mention，因我估 kkplus 好難再有呢個機會（它不是「燉」），請個PR出呢份稿都要啲錢都唔差在賠埋俾人唔會贏哂但都唔洗輸晒名氣（本身有冇我冇Research過），而家紅咗仲要係賣玩具（Collectable toys）可諗諗身為父親嘅 kidult 仲會唔會再嚟？
最後想大家關心下死咗嘅LaLa，成件事最慘係佢，上年到而家都冇人買都企得累想休息一下，點知呢次一瞓就一睡不起
#我係小編


#關公

30/03/2022

對於 嚟講張枱咁樣唔算好亂啫⋯⋯⋯

又 WFH 咗差唔多兩個月，上星期我有一日返咗 office 攞啲嘢。

面對冷冷清清嘅辦公室，行到自己座位面前，有一種既熟悉又陌生嘅感覺。咁耐無見過自己張枱，先發覺原來我張枱都真係幾亂。

可能喺人哋眼中，你個位都有好多垃圾。但每次執枱，有啲嘢你就係唔捨得掉。

就好似我呢四張釘喺 partition 上面嘅「藍卡」。

當年我經常都要上大陸搞 event，喺搭飛機上上海北京，或者搭和諧號上廣州時，我哋幾個同事都會攞出一張當屆 event 嘅「藍卡」，將所有 onsite 同事嘅大陸電話號碼逐一輸入手機嘅電話簿內。

藍卡係一張手掌咁大，密密麻麻印滿咗 onsite 同事手提電話嘅卡紙。以前就算係幾大型嘅 event，move in 嘅時間一般都只有三兩日。嗰幾日不斷東奔西跑，手機響個唔停。遇上緊急情況，你根本無時間再慢慢搵某個同事嘅電話。所以當時好多同事都習慣 onsite 前先將其他同事嘅電話號碼輸入手機。

嗰時係我哋做 event 都仲會帶多兩塊手機後備電池嘅年代。

每次完 event 返到香港，同事放低藍卡後，就會開始搵另一張卡 —— 公司嘅醫療卡。咩坐骨神經痛、椎間盤突出，或者普通嘅感冒發燒都總會喺你完 show 後一次過爆發。

呢啲時候你不禁會為自己嘅專業精神而鼓掌，同時亦會為完 show 先嚟病而感到無奈、為公司份團體醫療保險而感到鼓譟。

相信每位搞 event 嘅朋友都會有自己一套習慣，甚至係「迷信」。無論係專門買嚟 onsite 用嘅黑色 T-Shirt、黑波鞋，定係開 show 前必定要食嘅一間茶記。轉眼間，已有兩年幾未有搞過大型實體活動。

喺會場東奔西跑，長期繃緊嘅緊張心情已成回憶。

每次見到枱頭呢幾張藍卡，見到每屆 event 唔同 onsite 同事嘅名都會勾起我唔少回憶。

可能喺人哋眼中，你個位都有好多垃圾。但對你嚟講，呢啲「垃圾」卻盛載住你同同事出生入死嘅回憶。呢啲垃圾可以係而家掛喺 partition 嘅幾個 event staff pass，亦可以係幾份過期嘅小冊子、catalogue。而家隨手翻開一頁，你同同事可能得啖笑，但你哋心底裡卻知道呢十幾頁紙代表咗你哋連續幾個月嘅 OT、廿幾三十個食到厭嘅飯盒，同埋幾次差啲做到入醫院嘅經歷。

隨便翻開你枱面嘅一件「垃圾」，其實都可以有血有肉。

今時今日，當大家獨自喺屋企埋頭苦幹咁覆 email、開 call，同計緊 virtual event 嘅 ROI 同 budget plan 嘅時候，你對自己健康嘅 budget plan 又準備好未？你又記唔記得公司張醫療卡放咗喺邊？Package 又包啲咩？面對突如其來嘅住院同手術開支，你又有無 contingency plan?

如果你擔心突發事件會令你大失預算，又或者擔心失業會無晒醫療保障，咁你就要留意 FWD Hong Kong & Macau 推出嘅更衛您（優越版）醫療計劃，因為呢個計劃會承保一系列住院同手術開支，提供高達每年52萬港元嘅保障限額，並保證續保^至100歲（實際年齡），畀已經有公司團體保險嘅你多一重保障。呢個計劃仲有提供多個第三方專業健康支援服務，包括第二醫療意見服務、國際 SOS 24小時環球支援服務等*。就算意外失去工作 (或等緊返新工嘅真空期)，你都可以繼續好好照顧健康，免除家人擔心。立即了解更多: https://bit.ly/3txmRrJ

面前滿路挑戰，風雨飄颻，為自己嘅健康提供多一個選擇，咁先可以繼續同戰友、同家人製造更多回憶。

上述產品資料不包括保單的完整條款及受相關計劃之條款及細則約束，有關上述產品特點、保障權益及完整之條款、不保事項及主要產品風險詳情，請參閱富衛網站、相關產品小冊子及保單條款。
更衛您（優越版）醫療計劃為香港特別行政區政府自願醫保計劃 (「VHIS」) 的認可靈活計劃，由富衛人壽保險（百慕達）有限公司 （於百慕達註冊成立之有限公司）承保。自願醫保計劃認可產品編號：F00032-01-000-03。
以上內容由富衛贊助刊登，資料由富衛提供。iDoMarketingHK 並沒有獲富衛授權進行及/或提供任何保險相關的產品及/或服務，亦不會提供任何保險上的意見及建議。讀者應自行評估此文章內容所載的全部數據或尋求獨立的專家意見。
此廣告僅旨在香港使用，並不能詮釋為在香港境外出售、遊說購買或提供富衛的保險產品。本推廣的銷售及申請程序必須在香港境內進行及完成手續。
^ 富衛將保證於每個保單週年日續保至受保人100歲（實際年齡），惟只要富衛保持為註冊自願醫保的產品提供者，富衛保證條款及保障將按不差於續保時由政府公布最新版本的標準計劃條款及保障。富衛保留於續保前30日提供預先通知修改條款及保障的權利，但須事先獲得政府的批准和重新認證。
* 此保障／服務為自選性質，並不屬於自願醫保認可產品 - 更衛您（優越版）的條款及保障（認可產品編號: F00032-01-000-03）。您有權選擇拒絕此保障／服務。若您不希望獲得此免費額外保障／服務，請透過書面通知富衛。