CMRS Group

17/03/2026

【🟠留名等睇老細一人一部快活橙做獎勵🟠】
恭喜恭喜🎉大快活團隊喺IAB Digital Awards 2025憑「快活橙」campaign奪得Best Small Budget Campaign銀獎🥈，見證CMRS同客戶團隊喺⏱️72小時內締造嘅橙色奇蹟！

是咁的：猶記得新手機發佈當日，公司同事們不約而同大叫：新顏色Cosmic Orange就係大快活嘅顏色！CMRS第二朝嗱嗱聲炮製「快活橙」貼文上線，此後大抽呢件事嘅meme圖亦相繼瘋傳；我哋再跟隨客戶團隊零秒敲定有獎遊戲方案，吸引媒體報導迅速升溫，並且收到大量食客嘅UGC撐場，完美作結！

踏上頒獎台，要再次感謝大快活團隊嘅信任！小編在此呼籲，老細請賜予成條得獎team一人一部快活橙手機以示鼓勵🥳！
(而老細很有可能以「Budget有點太Small」為由而拒絕🤦)

23/02/2026

【 第四彈- 機場玩樂大曬馬】
人日生日快樂！今日係開爐好日，不過亦有唔少人駁住個年假飛出去行個大運✈️。無論去邊都好，機場都係必經之地，亦都係所有旅程嘅第一個「景點」🧳。嘆完獨家餐飲，再去櫻花園打個卡，都係絕佳行程！旅行書冇教你嘅機場食玩買，就等機場嘅FB同IG為你精讀一下！作為香港國際機場嘅社交媒體伙伴，我哋將機場嘅各項設施化為生活小情節，無論係朝早接機咖啡去水腫，抑或情侶禁區整手工藝等上機，我哋都一一拍成Reels同大家分享📹，派貼士之外，更加主打共鳴感！

今日就睇住片先，等有假可以飛時，我哋機場見：https://www.instagram.com/hongkongairport/reels/

22/02/2026

【 第三彈- 站站有獎密馬】
同親戚朋友拜年你就年年都要做，同虛擬人拜年你又試過未？其實有一位虛擬女生一直喺我哋身邊，佢就係港鐵嘅AI Tracy！Tracy喺越嚟越多嘅港鐵站現身，每日都幫嚟自各地嘅乘客解決問題🚉。今年不如同佢打聲招呼👋，互相祝賀！今年CMRS就幫Tracy換上新年裝，策動咗一個拜年活動。你只要喺鰂⿂涌、啟德、羅湖、機場、柯⼠甸、中環、⾦鐘、銅鑼灣同尖東合共九個站，行埋Tracy身邊講句馬年快樂，就可以進入「⾺年轉⼤運」小遊戲🕹️，贏Smart Phone，全年車飛等等大獎！活動去到2月26號，Tracy約定你車站見！

詳情上港鐵官網睇睇：https://www.mtr.com.hk/ch/customer/main/cny-2026.html

21/02/2026

【 第二彈- 唔係咁易中招吓馬】
恭喜發財，利是逗來🧧！逗利是逗到正月十五，呢幾日係唯一攞正牌「搶錢」🤑嘅日子，個個都各出奇謀，盆滿缽滿！不過，千祈唔好忘記，呢個世界仲有好多人一年365日都諗緊計搶你錢㗎：講緊嘅係近年越嚟越猖狂嘅電騙騙徒！所以 投委會錢家 IFEC Chin Family近日亦夥拍CMRS用AI生成咗一對「型男索女👄」——第一秒就靚，小心睇多兩眼🕵️，就慢慢變成最奸險猥瑣嘅騙徒喇！一連串嘅內容提醒大家，對住陌生人都係小心為上！

即刻重溫，同時進補一下防騙知識 : https://www.facebook.com/reel/1377333374143169

20/02/2026

【 第一彈 - 行Mall掃馬】
今日係好多朋友嘅開爐日，但亦係Happy Friday！今晚放工就去行一行新地商場食餐好嘅開年飯🍽️！我哋今年幫手將PayMeow變成騎師🏇，跑入全港28個指定新地商場派利是！一入場，搵到PayMeow嘅宣傳品，掃一掃QR code，就可以進入小遊戲，抽出最啱自己嘅紅運馬，隨即搶埋高達港幣388元嘅大利是！
再次多謝客戶HSBC PayMe夥拍我哋嘅設計團隊，精製一匹匹得意馬仔，幫香港人跑出好運！

利是派到2月28號，小編已經每日一刷，抽晒咁多隻紅運馬旺足成個馬年喇！大獎嘅名額不定期更新，無論幾時開始起步都唔遲，一樣有機會搶中大利是，小編恭喜定你先喇！

詳情即刻去客戶嘅相關貼文睇一睇: https://www.facebook.com/HSBCHK/posts/pfbid028Qv3Y8VHdTFXc2WLPGgeaFBNug5MCwMr9sgoaBo1Mnd6fxfmUcjtPBpAw3mt2dg9l

16/02/2026

【2026 AI方案 - 巧如靈蛇 動如奔馬】
總結蛇年，AI呼聲處處，每日都有新po描述AI嘅突破。市場每日都蛻變一次──喺嘩嘩聲嘅同時，有冇開始覺得資訊好雜亂，甚至有啲「識講唔識用」？
蛇年，我哋出盡力分析每一段雜訊，將AI同實際品牌需求緊密扣連；馬年，我哋將研究成果化為即買即用嘅AI方案，涵蓋三個主宰未來嘅領域：

1.⁠ ⁠SNAP — 用AI掘更有意義嘅market insight
對品牌有用嘅社交對話每日成千上萬，但市面上大部分工具發掘到嘅只係冰山一角。SNAP專有嘅進階演算法，可以將數百萬條做智能分類，並呈現清晰透徹嘅解讀，例如真客戶偏好，隱藏痛點，新興趨勢。告別掘data嘅年代，直接以chat base嘅方式去搵出每一個「點解」。

2.⁠ ⁠GEO/AIO — 重塑Digital Visibility
消費者逐漸習慣zero-click search，乜都唔click，睇完AI-overview就完事。所有冇喺呢啲「短答案」出現嘅品牌，排到幾前都未必有用！你準備好由SEO 轉打GEO未呢？我哋嘅 GEO/AIO 策略確保AI更深入理解同提及你嘅品牌，將能見度轉化為brand trust同actual growth。

3.⁠ ⁠OpenArt — 解鎖創意
2026嘅圖同片，要更多元化、更高質、即製即用。AI 內容創作中心 OpenArt，涉獵最廣最新嘅Generative引擎，度身生成社交圖像同影片故事。

21/11/2025

【你嘅上一次Last Day係開心定唔開心✉️？】
你經歷過幾多個Last Day呢？回想返你過去嘅每一個Last Day，係「心很累」多啲抑或係「希望在明天」多啲？
人生流流長，希望點止在明天吖？如果識打算，肯理財，希望每一日都會出現！好似我哋最近為 投委會錢家有道IFEC The Chin Family 創作嘅故事一樣，主人翁Last Day後努力裝備自己，再用埋投委會嘅理財工具📱幫手mon實財政，逐步實踐甜品大計🧁🎂🍰。感謝投委會繼續畀機會我哋，拋開繁瑣嘅銀碼同經濟公式，純用理想同青春，去講一個理財嘅故事。
其實又唔使真係等到Last Day先開始理財嘅， #理財始於現在 ，即刻睇睇片了解下： https://www.facebook.com/reel/1166172534958359

#遞信去整餅 #散水餅可以自己整 #又慳一筆 #未來始於理財

31/10/2025

【期間限定 全球最「得物無所用」嘅AI上線🎃】
其實咁冇用嘅AI係邊個諗出嚟㗎🤦‍♂️？
近排小編隔籬位嘅同事揼咗個AI，叫我試下用。叫佢揼份proposal sell朱古力🍫雪糕，佢直情改咗個產品做南瓜🎃雪糕；連叫佢代我打封辭職信，都寫到一陣南瓜味🤯！講緊嘅係CMRS Group特備Halloween限定嘅「已讀亂回南瓜AI」。 任何你畀佢嘅指令，佢都會以南瓜強迫症患者嘅觀點處理。呢個AI你可以任用，費用全免: https://hellomynameispumpkin-chatwithpumpkin.hf.space/

對於呢個一言不合就南瓜嘅自家製AI，小編完全諗唔明可以點樣好好相處。但隔籬位同事話，有一句「驅瓜咒語」🧙‍♀️可以破解佢嘅南瓜強迫症，修理好佢，但小編仲未估到咒語係咩...大家各自努力了！希望大家鍾意呢個零實用性嘅萬聖節禮物，Happy Halloween！

13/08/2025

【為你介紹PayMeow的幕後車隊🏎️💨】
「Box! Box!」F-1電影入面，主角一邊賽車，一邊會傾聽佢嘅車隊喺電台上面嘅提示訊息。而喺正在踩衡油出緊街嘅 campaign入面，支撐住PayMeow馳騁超市賽道嘅，就係我哋嘅製作團隊喇！由造型、戰車設計、場景營造，到對白設計同配音，都由同事同客戶日日夜夜緊密配合。務求將「一分鐘掃貨」應有嘅爽感同極速帶到大家眼前！
再次感激HSBC團隊嘅信任， PayMe激賞方程式 已經全速開跑喇！大家一齊跟住PayMeow嘅車尾，今個月密啲Pay，希望喺決戰嘅超市賽道見到你啦！

即睇片 : https://www.facebook.com/HSBCHK/videos/715100624817961

#小心甩尾呀 #我要做車手 #你條片係喵嚟呀

10/07/2025

【阿活開IG🎊！一人一碟阿活咖喱賀一賀佢】
隆重宣布，我哋做咗阿活嘅同事喇！拜謝大快活團隊嘅賞識，揀選CMRS Group成為阿活突襲社交媒體嘅好拍檔！
除咗個個都熟悉嘅曹美女之外，大快活IG一樣有美女，即刻㩒入👉 https://www.instagram.com/hkfairwood/ 就知小編冇呃你。

除咗將美味帶到你面前，我哋好希望將大快活員工團隊之間嘅暖心好事記錄落嚟！點解工友要「擔泥」？點解媽媽們要「返工等放學」？熱血又暖心！

再次多謝大快活 Fairwood 團隊嘅支持！仲要衷心感謝 Marketing-Interactive嘅精彩報導！密切留意，我哋會繼續炮製超正嘅內容畀你！😋

#大快活 #食得開心

Hong Kong fast food chain Fairwood has appointed local agency CMRS Group to handle its Instagram account, following a competitive pitch in April.

03/07/2025

【遲咗講 隆重宣佈我哋攞Content AOTY】
酒精累事。Agency of the Year當晚小編飲多咗，除咗上台開開心心攞獎，同好多同業乾杯，同埋入Photo Booth影咗張人生四格後，就咩都唔記得咗喇——連出Post都唔記得。

贏到今年Marketing Interactive嘅Content Marketing Agency of the Year銅獎，辛苦晒一班同事，同時亦恭喜一眾Agencies of the Year，期待我哋明年又飲過！