https://www.facebook.com/108453652041921/

HK.Chiller, North Point (2026)

25/08/2025

【宵夜大推北角串燒小店｜開業至凌晨三點】

今次嚟到北角建基大廈嘅「串燒王」，雖然只係地舖小店，但價錢親民之餘味道都好惹味，仲要開到凌晨，夜晚肚餓睇波叫宵夜就岩曬la
———————————————
🔥 肉類串燒
雞軟骨 $28/2串 - 燒得香脆有嚼勁，中辣調味啱啱好，送酒一流！
雞皮 $28/2串 - 大推雞皮，燒到脆卜卜，油脂香氣撲鼻，邪惡但好滿足～
一口牛 $38 - 牛肉咬落都腍身，燒到外焦內嫩，牛味濃郁～

🦐 海鮮類
鹽燒大海蝦 $45 - 海蝦外皮燒至香脆，入面肉質新鮮彈牙，鹽燒簡單帶出鮮味
魷魚須 $35 - 魷魚鬚爽口彈牙，燒到微焦帶香，點少少辣粉更惹味～
清酒花甲 $58 - 花甲雖然唔算好大粒，但係份量超足，而且入面既肉係好飽滿，清酒煮過後帶淡淡酒香～

🌿 其他小食
豆卜 $13 - 依家燒烤愈黎愈鍾意叫豆卜，外脆內軟，，一口一個好過癮！
錫紙娃娃菜 $38 - 娃娃菜清甜多汁，食串燒必叫娃娃菜！
鰻魚炒飯 $70 - 炒飯乾身有鑊氣，而且仲有連埋雞蛋一齊炒，鰻魚粒份量足，醬油調味鹹香適中～

🔸味道：8/10
🔸環境：7/10
🔸服務：7.5/10
🔸性價比：9/10
———————————————
📍 串燒王
北角英皇道99號建基大廈地下2號舖
———————————————
👉🏻
👉🏻
👉🏻

#香港美食 #北角美食 #串燒 #宵夜 #平民美食 #建基大廈 #啤酒伴侶 #朋友聚會 #地道小店 #海鮮串燒 #抵食之選

07/07/2025

【九龍灣夏日蜜桃主題餐點｜必食白桃乳酪梳乎厘】

呢間餐廳過去已經食過唔同既分店，今次見到佢新出左個夏日主題，好似幾好食又幾打卡able就去試左一下，餐廳裝修以簡約木系風格為主，採光充足，座位寬敞舒適，仲有好多花花同熊公仔，最啱同閨蜜嚟打卡同傾計～

———————————————
🌟 伯爵茶白桃布拉塔芝士沙律 $92
布拉塔芝士比較淡味但又帶少少奶香，白桃上面有少少伯爵茶香好特別，再配埋唔同菜式，味道清新有層次。

🌟 盛夏果漾白桃乳酪梳乎厘 $168
招牌梳乎厘每次黎都必食，空氣感十足，搖吓個碟會duang duang咁震～白桃乳酪醬甜度適中，帶微微果酸，最意外係竟然有成粒桃係度，粒桃真係原粒，入面已經去左核淨係有少少忌廉。除左原粒桃外都仲有更多蜜桃粒，成個擺盤都好靚，打卡一流。

🌟 漢堡扒全日早餐 $132
份量十足嘅All Day Breakfast！漢堡扒 juicy 有肉香，而且超厚超大件，佢仲有個肉醬配送非常出色。最有驚喜係舊多士，有少少似西多士，但係比西多士更好食，入面好軟熟仲好香。煎蛋岩岩好仲有流心蛋黃，其他配料仲有沙律、煙三文魚、煙肉、牛油果。

🌟 白鳳梳打 $52
用咗日本白桃製成，味道清甜自然，氣泡感適中，飲落好refreshing～

🌟 流雲白桃沙冰 $68
沙冰打得細滑，白桃味濃郁得嚟唔會太甜，熱辣辣天氣飲真係透心涼！

🔸味道：9/10
🔸環境：9/10
🔸服務：8/10
🔸打卡指數：10/10
———————————————
📍 PHI Coffee & Pancake
九龍灣宏照道38號企業廣場5期MegaBox 5樓3-4及9號舖
———————————————
👉🏻
👉🏻
👉🏻

#香港美食 #九龍灣美食 #梳乎厘 #日式甜品 #白桃 #閨蜜聚會 #假日好去處 #相機食先 #打卡

04/07/2025

【尖沙咀高質串燒店｜人生有限杯日式居酒屋體驗】

今次嚟到尖沙咀The Hart嘅「人生有限杯.串燒店」，之前已經試過佢哋旺角分店，水準相當唔錯，尖沙咀呢間環境更加有feel！成間店充滿日式居酒屋氛圍，木系裝修加上柔和燈光，好適合同朋友飲酒傾計～

———————————————
🌟 $10/串系列
蜜糖粟米 - 粟米燒到微焦，蜜糖香甜得嚟唔會太膩，咬落仲好juicy！
蜜糖菠蘿 - 菠蘿燒過後更加香甜，蜜糖帶出天然果甜，清新解膩～
翠玉瓜 - 外層微焦內裡多汁，簡單燒已經好好味！

🌟 $15/串系列
雞軟骨 - 燒得香脆有嚼勁，椒鹽調味啱啱好，送酒一流！
墨魚鬚 - 墨魚鬚彈牙爽口，帶微微焦香，點少少檸檬汁更加提鮮～

🌟 $20/串系列
雞皮 - 超大塊雞皮燒到脆卜卜，油脂香氣撲鼻，邪惡但好滿足！

🌟 $28/串系列
免治雞肉棒 - 雞肉混入軟骨增加口感，蘸埋蛋黃醬汁更加滑溜～
菠菜卷 - 煙肉包住嫩滑菠菜，鹹香得嚟又健康，創意配搭！

🌟 其他招牌小食
鵝肝多士(2件) $58 - 鵝肝香濃滑溜，多士脆身，一啖咬落去層次豐富，呢個非常推薦
九肚魚 $68 - 炸到金黃酥脆，魚肉嫩滑，點埋泰式辣醬更加惹味～
味醂魚乾 $38 - 甜香有嚼勁，慢慢咀嚼越食越有味～
芝士年糕 $38 - 外脆內流心，芝士味濃郁，拉絲效果一流！
白酒忌廉煮蜆 $68 - 蜆肉飽滿冇沙，忌廉汁香滑帶酒香，忍唔住飲埋啲汁～
蒜蓉燒蠔(兩隻) $48 - 蠔肉肥美，蒜香十足，燒到剛剛好唔會太乾～

🌟 特色飲品
手打檸檬茶 $28 - 檸檬清香，甜度適中，解膩首選！
桔仔薄荷鴨屎茶 $28 - 清新薄荷味配上桔仔酸甜，鴨屎香茶底好特別～

🔸味道：9.5/10
🔸環境：8/10
🔸服務：9/10
🔸打卡指數：8/10
———————————————
📍 人生有限杯.串燒店
尖沙咀赫德道4號The Hart 3樓
———————————————
👉🏻
👉🏻
👉🏻

#香港美食 #尖沙咀美食 #串燒 #居酒屋 #日式料理 #鵝肝多士 #芝士年糕 #朋友聚會 #宵夜好去處

12/06/2025

【將軍澳宮廷風中菜｜樂天皇朝精緻點心】

今次嚟到將軍澳中心嘅「樂天皇朝」，上一次食都比較耐之前，每次黎都係必食佢既特色小籠包，今次同朋友都有專燈叫返籠黎食！
———————————————
🌟 蟹粉小籠包 (6件) $142
小籠包皮薄餡靚，一咬開就爆出滿滿嘅蟹粉湯汁，蟹味濃郁得嚟唔會腥。

🌟 松子鮮果桂魚 $252
桂魚炸到外脆內嫩，魚肉依然保持嫩滑多汁。醬汁酸酸甜甜好開胃，仲有松子增加口感，擺盤精緻好似藝術品！

🌟 肉碎欖菜乾煸四季豆 $88
四季豆炒得乾身爽脆，肉碎同欖菜嘅鹹香完全滲入豆角入面，鑊氣十足！雖然係簡單小炒，但做得非常出色。

🌟 京味炸醬拉麵 $76
拉麵反而係最有驚喜，主要係炸醬鹹香帶微甜，配料有青瓜絲增加清爽感，份量仲幾大碗～

🔸味道：8.5/10
🔸環境：8/10
🔸服務：9/10
🔸打卡指數：8/10
———————————————
📍 樂天皇朝
將軍澳唐德街9號將軍澳中心地下G31號舖
———————————————
👉🏻
👉🏻
👉🏻

#香港美食 #將軍澳美食 #中菜 #點心 #蟹粉小籠包 #松子桂魚 #京味拉麵 #宮廷風 #家庭聚餐 #朋友聚會 #將軍澳中心 #樂天皇朝 #將軍澳中心 #小籠包 #八色小籠包

28/05/2025

【北角隱世小炒｜性價比高川菜】

今次喺北角和富道發現呢間「粵湘食」，真係隱世平民美食！餐廳主打正宗川菜同粵式小炒，價錢親民之餘份量十足，最驚喜係見到有烤魚連打邊爐嘅選擇，啱晒同朋友嚟聚餐～

———————————————
🌟 金湯酸菜魚(例) $168
酸菜魚湯底金黃濃郁，酸辣度恰到好處！魚肉片得薄身嫩滑，完全冇骨，吸晒酸菜湯嘅精華。酸菜爽脆開胃，仲有啲金菇配菜，份量仲好大份，$168真係超值！

🌟 鐵板水晶粉 $118
水晶粉炒得乾身有鑊氣，上枱時鐵板滋滋聲超誘人～配料有肉絲、雞蛋同蔬菜，粉條Q彈有嚼勁，醬汁鹹香帶微甜，係道令人停唔到口嘅主食！

🌟 麻辣雞煲半隻 $158
雞煲麻辣香氣撲鼻，半隻雞份量十足！雞肉煮得入味又嫩滑，麻辣度可以按個人喜好調整。煲底有大量配菜吸盡精華，最正係個麻辣汁撈飯一流～

🌟 手撕包菜 $78
呢道經典川菜做得相當出色！包菜手撕成大小適中嘅塊狀，炒得爽脆得嚟又帶啲焦香。蒜蓉同辣椒嘅份量恰到好處，微辣開胃，仲保留到包菜本身嘅清甜，$78呢個價錢份量都幾大碟～

🔸味道：9/10
🔸環境：7/10
🔸服務：9/10
🔸性價比：9/10
———————————————
📍 粵湘食
北角和富道86-88號銀輝大廈地舖
———————————————
👉🏻
👉🏻
👉🏻

#香港美食 #北角美食 #川菜 #小炒 #酸菜魚 #麻辣雞煲 #手撕包菜 #平價美食 #隱世小店 #朋友聚餐 #烤魚 #打邊爐 #水晶粉 #北角 #銀輝大廈

24/05/2025

【北角海景浪漫西餐｜菜式有多種配料精心炮製】

今次專登同男朋友揀咗520呢個特別日子，嚟到北角匯二期嘅「君子餐廳」食飯慶祝！餐廳坐擁北角開揚海景，環境優雅浪漫，仲有柔和燈光同舒適座位，真係約會嘅好地方～我哋揀咗set dinner，整體食物質素唔錯，即刻同大家分享！

———————————————
🌟 忌廉蘑菇湯
湯身濃郁順滑，飲到濃濃蘑菇香，仲有細碎蘑菇粒增加口感，味道調配得剛剛好，唔會太膩。

🌟 法式白酒煮青口
青口份量適中，肉質鮮嫩。最出色係個白酒汁底，酒香同牛油香平衡得好好，我連個汁底都忍唔住飲左幾啖！

🌟 焗法國鱸魚伴蜆肉忌廉汁
鱸魚外皮焗至金黃香脆，魚肉厚身三大件。蜆肉新鮮無沙，忌廉汁香濃幼滑，不過魚肉略嫌醃得鹹咗少少。配菜嘅瓜菌吸滿醬汁，出奇地夾！

🌟 油封法國鴨腿
鴨腿煮到極之軟腍，輕輕一切就骨肉分離，肉質嫩滑多汁。旁邊嘅酸甜果醬完美中和油膩感，配菜薯仔吸收晒肉汁精華～

🔸味道：9/10
🔸環境：8/10
🔸服務：8/10
🔸打卡指數：8/10
———————————————
📍 君子餐廳
北角渣華道123號北角匯二期2樓206號舖
———————————————
👉🏻
👉🏻
👉🏻

#香港美食 #北角美食 #西餐 #法國菜 #君子餐廳 #打卡餐廳 #約會餐廳 #情侶餐廳 #海景餐廳 #紀念日餐廳 #北角匯 #北角 #白酒煮青口 #油封鴨腿

23/05/2025

【啟德Airside空中花園餐廳｜墨西哥風味菜式】

今次嚟到Airside 6樓嘅BELLAVISTA，餐廳連接住空中花園，環境開揚舒服，有種城市綠洲嘅感覺！食物主打國際菜式，質素相當唔錯。
———————————————
🌟 Mexican Beef Taco $145
Taco牛肉餡超級juicy，搭配傳統墨西哥配料：新鮮牛油果醬、爽脆洋蔥同蕃茄，加上sour cream同檸檬汁，酸酸甜甜超開胃。

🌟 Salmone Pizza $170
餅底係簿身麵包，鋪滿香濃芝士，上面嘅煙三文魚份量十足！面頭鋪滿新鮮火箭菜同橄欖粒，鹹香中帶啲清新，口感層次豐富～

🌟 Fish & Chips $175
咁多個菜式呢個反而係最有驚喜，炸魚外皮好薄身，咬落超級香脆！入面嘅魚肉保持到嫩滑質地，魚味好突出，完全冇雪藏味。伴碟嘅粗薯條外脆內軟，點埋他他醬真係絕配～

🌟 Tiramisu $88
傳統意式提拉米蘇，咖啡同酒香平衡得好好。忌廉部份口感輕盈，手指餅吸滿咖啡酒，甜度剛好唔會膩～

🌟 Berries Smoothie $75
混合多種莓果打製，果味略嫌唔夠突出，甜度再低少少會比較好。

🌟 Strawberry Smoothie $75
草莓味道相對清甜自然，質地順滑～

🔸味道：8.5/10
🔸環境：8/10
🔸服務：8/10
🔸打卡指數：8/10
———————————————
📍 BELLAVISTA
九龍城啟德協調道2號AIRSIDE 6樓L605號舖
———————————————
👉🏻
👉🏻
👉🏻

#香港美食 #九龍城美食 #國際菜 #西餐 #打卡餐廳 #朋友聚會 #週末好去處 #啟德餐廳 #啟德 #空中花園 #墨西哥風味

16/05/2025

【佐敦隱世高質餐廳｜浪漫藝術感之夜】

今次發現佐敦嘅隱世餐廳「HARA」，門面低調但就驚喜十足！餐廳光線柔和帶浪漫情調，牆上掛滿藝術品，好適合情侶約會或慶祝紀念日～食物質素超出預期，即刻同大家分享！
———————————————
🌟 Hokkaido Scallop Carpaccio $128
帶子鮮甜得嚟帶微微海水味，薄切口感好柔軟。面頭青瓜同青蘋果粒爽脆清新，加上大大粒蟹子爆開嘅口感，酸甜平衡做得好好，係一道好開胃嘅前菜！

🌟 Grilled Sausage Platter $168
德國腸拼盤非常有驚喜！4款腸每款都超重肉汁，咬落去肉味濃郁，有啲鹹香啲、有啲香味濃啲，味道層次豐富。配埋正宗德國酸菜，酸爽感令成個拼盤更加開胃～

🌟 Crevette Rose Spaghetti $198
虎蝦新鮮彈牙，蝦味香濃。最正係意粉煮得岩岩好，煙韌有咬口，醬汁掛滿每條意粉，番茄同忌廉嘅比例平衡，食落好滿足！

🌟 Baby Lamb Chop $268
羊架三大件都煎得恰到好處，肉質超嫩又多汁，一切開就見到完美粉紅色。三款醬汁各有特色：薄荷醬清新、紅酒汁濃郁、芥末醬微辛，我最鍾意配薄荷醬，同羊架好夾！

🌟 Fun In The Sun $55
Mocktail酸酸甜甜好開胃，味道清新得嚟唔會太假甜，杯身裝飾都好靚，打卡一流！

🌟 Cafe De Latte $42
咖啡香濃順滑，牛奶比例啱啱好。

🔸味道：9/10
🔸環境：9/10
🔸服務：8/10
🔸打卡指數：9/10
———————————————
📍 HARA
佐敦官涌街3-5號煒亨大廈地舖
———————————————
👉🏻
👉🏻
👉🏻

28/04/2025

【北角海景浪漫西餐｜晚市套餐$158起】

今次去咗北角匯嘅「RIVA 灣 Bar & Grill」，餐廳環境舒適，仲有海景位可以望住維港夜景，好適合約會或慶祝特別日子！試咗佢哋嘅晚餐套餐，套餐有前菜、主菜、甜品同飲品，配上夜景黎講性價比都唔錯，同大家分享下～
———————————————
🌟 餐湯/沙律
套餐可以揀餐湯或沙律，今次餐湯係西蘭花忌廉湯，忌廉味比較濃郁但都會食到西蘭花味，湯身好滑身，仲有少少香草調味。

🌟 黑松露雜菌意大利燴飯 $158
黑松露香氣撲鼻，忌廉汁濃郁得嚟唔會太膩，雜菌份量適中，飯粒煮得剛好有咬口，面頭嘅芝士更加提升整體味道！

🌟 低溫煮原隻法國黃油燒春雞 $248
燒春雞雖然細隻但肉質超嫩，低溫煮令到雞肉保持多汁，皮脆肉滑，面頭仲有灑鹽做裝飾，整體擺盤都幾精緻。

🌟 燒藤茄 $48
藤茄燒過後帶少少焦香，酸酸地嘅味道好開胃，仲可以平衡返主菜嘅濃郁感～

🌟 炸雞中翼 $24
雞翼醃得入味，炸得外脆內嫩，一咬開仲有肉汁爆出嚟，熱辣辣上台超香！

🌟 是日精選甜品 - 芝士蛋糕
芝士蛋糕唔會太大件，口感綿密，芝士味濃郁但唔會太甜。

🔸味道：8/10
🔸環境：8/10
🔸服務：8/10
🔸打卡指數：8/10
———————————————
📍 RIVA 灣 Bar & Grill
北角北角邨里1號北角匯一期1樓111號舖
———————————————
👉🏻
👉🏻
👉🏻

27/04/2025

【銅鑼灣江湖川菜館｜推薦$168酸菜魚份量大又足料】

今次去咗銅鑼灣登龍街嘅「不二江湖菜」，餐廳裝潢充滿江湖氣息，紅燈籠、木桌椅，一入去就感受到濃濃嘅川味風情！今次試試咗幾款招牌菜，與大家分享下～
———————————————
🌟麻辣香鍋
鍋底$28，再根據你所選既配菜加錢，我就叫左肥腸($40)、黑毛肚($40)、雞腎($30)、娃娃菜($22)、油麥菜($22)一共5款配菜，麻辣底超香調味亦都好唔錯好惹味，而且佢份量都超大份，唯一美中不足係底部油會比較多，如果倒走少少油會好d。

🌟 不二酸菜魚 $168
好有驚喜，出面其實唔少專食酸菜魚既都2百蚊起跳，呢度$168之餘份量超多亦都整得好好。酸菜好好食，夠曬酸，魚片都有好多全部都滑身冇骨，入面亦都有d小配料好似菇、萵筍等，鍾意食酸菜既真係好推薦要試試呢間。如果想要寬粉好似都係加$28，不過我怕太飽今次冇加到。

🌟 鮮脆魚皮 $48
魚皮對比之下我覺得佢唔太夠入味，但係佢份量都幾多，同埋魚皮都幾寬身幾大塊，一般出面都係幼身果度，佢呢度係條條都粗大，而且咬落去都係非常脆身。

🌟 鴨屎香檸檬茶 $32
鴨屎香調得很不錯，份量都算大杯，食辣野叫返去岩岩好

🌟 百香果梳打 $28
百香果味都濃，相對會甜少少，我會比較推薦大家叫鴨屎香檸檬茶

🔸味道：9/10
🔸環境：8/10
🔸服務：8/10
🔸打卡指數：7/10
———————————————
📍 不二江湖菜
銅鑼灣登龍街31-35號玉山大廈地下2號舖
———————————————
👉🏻
👉🏻
👉🏻

23/04/2025

【將軍澳食Pizza首選餐廳｜特色長條型芝士】

今次去咗將軍澳澳南海岸嘅「The Pizza Pig」，作為將軍澳友都食過好幾次，Pizza真係必點！
———————————————
🌟 Five Cheese (M) $188
黎到Pizza Pig一定要食招牌pizza，佢仲有分唔同Size，我3個人食就叫左份中，但我見到隔離台叫大一整份pizza真係好長好過癮。我選擇呢款Five Cheese芝士味真係好濃郁，特別係果陣奶香真係好正，面頭會有部份藍芝士粒搶少少味，多種芝士混合真係超滿足。

🌟 Tuna Tartare $148
呢份同平時食開有d唔同，牛油果粒同tuna係粒粒分明，入面仲有少量蓮藕脆片，我略嫌入面有薑粒搶味，不過整體都唔錯仲好打卡able。

🌟 Seafood Risotto $198
份量唔算好多，但我個人幾鍾意呢種唔算煮得好熟既Risotto，飯粒好有咬口。面頭仲有蜆肉、青口、蝦同魷魚。

🌟 Caesar Salad $128
正常份量，生菜非常鮮甜，醬汁同芝士比例剛好，仲有脆脆麵包粒增添口感。

🌟 Creamed Spinach $68
呢個忌廉波菜反而比想像中大份，忌廉汁好香好夾，菠菜煮得剛好唔會太爛。

🌟 Mango Mule $62
叫左杯mocktail係有芒果同青瓜味，感覺好Fresh但又唔會太甜，好適合夏天飲用。

🔸味道：9/10
🔸環境：9/10
🔸服務：8/10
🔸打卡指數：8/10
———————————————
📍 The Pizza Pig
將軍澳澳南海岸唐俊街23號MONTEREY Place地下G10-11號舖
———————————————
👉🏻
👉🏻
👉🏻

HK.Chiller

25/08/2025

07/07/2025

04/07/2025

12/06/2025

28/05/2025

24/05/2025

23/05/2025

16/05/2025

28/04/2025

27/04/2025

23/04/2025

Address

Website

Alerts

Contact The Business

Shortcuts

Share

Category