23/11/2019
Tout Ayisyen vle chanjman, men majorite Ayisyen pa prè pou chanjman an.Tout Ayisyen vle yon vi miyò, men, men majorite Ayisyen renmen lè moun lonje ba yo, majorite Ayisyen pa renmen travay, ni kole zepòl. Tout Ayisyen vle ale lekol, majorite Ayisyen pa renmen ale lekol, pa renmen wè élèv ki ap briye.Tout Ayisyen renmen pròpte, men majorite Ayisyen ap jete fatra nan lari sou kont lamèri ak SMCRS.Tout Ayisyen ap di fò sistèm nan chanje, fò sa chanje, fò gen lavi miyò, men majorite Ayisyen pa krè nan chanjman, ni yo pa prè pou chanjman. *Konbyen Ayisyen ki prè pou peyi a chanje, ki ap chanje tèt yo avan* koman chanjman pral posib, si nou pa chanje mantalite nou avan.*Eske se JoMo ki problèm nan oubyen Opozisyon an ?* Pou mwen non, se nou tout ki problèm nan, wi se nou ki gen problem konsyans lan, se nou tout ki pou chanje, se nou tout ki pote chanjman nan lespri nou, kiltive'l andedan nou, aprè nou peyi reyalite nan vi a.*Eske se JoMo ki problèm nan oubyen Opozisyon an?* Wi, Prezidan problem paske se li ki tèt peyi, se li pou travay pou pote chanjman lakay chak grenn Ayisyen. Opozisyon an se problèm nan, paske yo pa janm defann enterè pèp la vre, yo sèlman pou defann yon ti group moun, pandan y'ap itilize mas pèp la, ki pa janm *konnen kisa y'ap defann lè yo pran lari, kanpe dèyè barikad.*Pou gen chanjman, nou bezwen yon lidè responsab, yon lidè onèt, ke boujwazi salòp yo ak blan malfektè yo pa'p ka achte pou yon viza ak yon Nissan patrol . Nou bezwen yon lidè, ki konn peyi, ki prè pou peyi a, ki pa pèdi tèt li ak fanmi li pou sove yon pèp k'ap soufri anba men blan an ak boujwazi.*An nou leve kanpe, leve kanpe pou nou KRAZE AYITI REBATI'L se yon baz de konsyans ak moral kote lalwa pral respekte, kote kote ap gen jistis pou tout pitit sòyèt.* Ayisyen desten nou nan men nou, desten peyi a nan men'n.Ing.Agro. Rameau Livera
