12/05/2026
Madi 12 me 2026
Edikasyon: yon delegasyon sitwayen rejyon lavizit ( Segen, Makari...) rankontre ak Direktè depatmantal edikasyon sidès la.
Depi nan lanwit 29 Janvye pou rive jiska 10 me 2026, gwoup teworis Viv Ansanm yo pa sispann atake popilasyon rejyon lavizit lan, jiskaske yo rive paralize lekòl sou tout rejyon an. Rankont sa fèt nan objektif, pou timoun yo pa pèdi ane lekòl la. Delegasyon Segen an akonpaye ak òganizasyon byen èt kolektif te diskite ak Direktè depatmantal edikasyon an Mesye Mascary Levêque pou n konnen kilè lekòl ap relouvri nan rejyon lavizit.
Selon Direktè depatmantal levasyon an ak lòt kad direksyon an ki prezan, li fè konnen te gen dezisyon ki pran pou fè enspektè zòn yo fè yon evalyasyon pou tout lekòl ki afekte pa kriz la, epi bay rekòmandasyon pou tout lekòl nasyonal depatman sidès sitou nan komin : Bèlans, Marigo, Kay -jakmèl, Jakmèl kapab resevwa timoun yo san difikilte. Yon dezisyon malerezman, popilasyon an pat jwenn okenn nòt enfisyèl pou sansibilize paran timoun yo, e pou montre tout mezi yo kapab pran si lekòl pa vle resevwa timoun sa yo. Kanta pou timoun ki prale nan nevyèm Ane fondamantal yo, youn nan manm delegasyon an pwopoze lide pou gen kou ki bay sou fòm seminè pou ede konble vid yo, men se yon pwopozisyon ke direksyon an pa enmezi pou bay yon repons klè sousa.
Yon lòt bò, delegasyon klè sousa li egzije pou direksyon depatmantal edikasyon sidès sòti yon nòt ki dwe pibliye nan laprès pou enfòme tout paran deplase yo pou yo kapab ale nan nenpòt lekòl nasyonal ki nan depatman Sidès lan pou kontinye ane lekòl la, e anplis direksyon an dwe enfòme direksyon jeneral ministè edikasyon nasyonal, nesesite pou lekòl nasyonal nan depatman lwès yo ta kapab akeyi timoun ki sòti nan rejyon lavizit yo ( wo Makari, Segen, wo Bèdoranj ak wo Mabriyòl) lan.
Pou fini, kanta pou paran yo ki pa deplase avèk timoun yo nan rejyon an, direksyon an sijgere pou lekòl ta kapab relouvri se yon konsètasyon lajman laj ant plizyè aktè tankou: Lapolis, Pwoteksyon sivil, lame, BSAP, lameri e tout lòt aktè yo nan sosyete sivil la pou gade fezabililte a, paske selon responsab yo nan direksyon depatmantal edikasyon an, lekòl yo fèmen pou koz ensekirite san yon otorizasyon klè bò kote enstans ki la pou jere koz sekirite piblik yo l ap difisil direksyon depatmantal edikasyon sidès pran yon desizyon pou retounen lekòl timoun ki rete nan rejyon lavizit yo. Tout fwa Delegasyon an klè sousa, tout tantiv fèmen lekòl nan kominote a se siy ki montre zòn nan livre, donk nou vle lekòl relouvri nan kominote a rejyon lavizit ( wo Makari, Segen, wo Bèdoranj, wo Mabriyòl), san pèdi tan.
