22/04/2026
◾ اختطاف و تكسير زيد ماضي (وبشر الصابرين) 🤫.
◾ معبر رفح مسكر اليوم عشان اعياد ولاد شلومو 🫤.
◾صحيفة فاينانشال تايمز البريطانية قالت ان مجلس السلام بحث مع شركة إماراتية إدارة إعادة إعمار غزة و إنشاء ميناء جديد😳.
◾ ترامب مدد وقف اطلاق النار مع ايران بس محددش وقت يغني لا فال اسبوع ولا سبوعين😞.
◾فش وفود لا امريكية ولا ايرانية راح تسافر باكستان اليوم وهينا حنشوف ايش حيصير الساعات الجاي 🤨.
◾الكل شاكك في نوايا ترامب وانه راح يغدر ب ايران ويقصفها،طول عمرك غدااار يا ترامبو 😑.
◾جيش ولاد العرص بيحتفلوا في رفح و شمال غزة عشان أعيادهم ونازلين يفرقعوا العاب نارية😬.
◾وصلت شاحنة تجارية محملة بكولا Rc 😊.
◾فاتت شاحنات محملة بكدا صنف بضايع🙃.
◾بقلك جهزوا 600 موظف لمتابعة انتخابات بلدية دير البلح
و جهزوا 12 مركز اقتراع في دير البلح، منها 3 ابنية 9 خيام😏.
◾ خماش رفضوا ان تتولى شركات امن خاصة مسؤولية تأمين الانتخابات البلدية ف دير البلح وبتقول بدي شرطتي تأمن الانتخابات ولسا المشكلة ما انحلت😒.
◾بقلك مباحث التموين بخان يونس وقفت 7 موزعين غاز لمخالفتهم التسعيرة المعتمدة😆.
◾ #اللجنة المصرية راح توزع ٢٧٠ الف علبة حليب وحفاظات اطفال على كل محافظات #القطاع🫂.
◾ رشقة ١٢٥٠ شيكل من الغذاء العالمي 🤫.
◾يلي نزله اخر دفعة قبل 40 يوم تم ترشيحك ل3 شهور
هاي مش دفعتك هاي اسماء جديد ولمرة 1 دفعتكم خلال أيام قريبا🙂.
◾لما تضغط #600* وبعدها بجيك خانة ادخال رقم الهوية
بطلعلك في اي مركز اقتراع اسمك لما تصير انتخابات .. الكود ملوش علاقة بتعبية رصيد جوال 🤪.
◾يومية معلم اليونيسيف صارت 50 شيكل بدل من 65 ،بيخسفوها بدل ما يزودوها 🙂↔️.
◾أسعار الذهب في سوق غزة عيار 21 بيصير البيع بالشيكل على أساس1 دينار = 4 شيكل سعر الشراء (للمواطن):كاش: 98 – 105 دينارتطبيق: 115 دينار سعر البيع (لو بدك تبيعي ذهبك):
نقداً: 95 دينار للجرام تطبيق: 105 دينار🤑.
◾طبق البيض ب٧٠، يا بلاش🧐.
◾بفلم يُنصح بلبس الملابس الصيفية من أول مايو (1/5/2026)🤓.
◾قبل الحرB كان سعر الكهرباء الرئيسي 0.5 شيكل الكيلو والمولد البديل ب 3.5 ،، اليوم كله نار بالمولدات البديلة 🤐.
◾ بالقريب حيجيك رسالة توجه...
صاحب هوية رقم ** توجه لاستلام 2 مصيدة وسم للفئران غدا الساعه 11-12 الحضور إلزامي لصاحب الهوية والتسليم ليوم واحد 😯.
◾الجو دافي اليوم وشمس 🌞.
◾فيران بيضا فاتت ع الخط مع الفيران والعرس الموجودة 😶.
◾طوشة في منطقة اليرموك بغزة و طخ ورمي قنابل 😵.
◾ #الزواج قطّاع و #الطلاق بالجُمله في #غزة 🤐.
◾جوز الزغاليل ب ٣٩ شيكل 😜.
◾بنت وصلت لمشفى الأقصى راسها مفتوح وحالتها مستقرة بعد ما ابوها ضربها برأسها 😑😑.
◾زلمة مروح من صلاة الفجر وضاوي كشاف جواله، اجا واحد حرامي ابن حرام سحب الجوال وشرد .
الاربعاء 22/4/2026
لكل شخص اجت عينه ع البوست 😘🥰😍.
