12/05/2026
India PM Modi-an Fuel renchem tur leh in atanga hna thawk turin mipuite a sawm
​Khawvel pumah energy man a san chhoh zel avanga foreign exchange reserve-ah harsatna a thlen loh nan, Prime Minister Narendra Modi chuan mipuite chu fuel renchem tur leh in atanga hna thawk (Work from home) turin a ngen a ni.
​Fuel hman tlem nan COVID-19 hripui len laia kan tih thin ang khan in atanga hna thawh leh online meeting-te uar thar leh turin PM Modi chuan a sawi a. "Tun dinhmunah hian kan ram foreign exchange humhim hi kan ngaihpawimawh ber tur a ni," a ti.
​Chutah chauh ni lovin, mipuite chu vantlang lirthei (public transport) hmang uar turin a sawm bawk. India hi khawvelah hian oil la lut hnem ber pathumna a ni a, mahse tun dinhmunah petrol leh diesel man tihsan tumna an la nei rih lo a ni.
​Foreign exchange renchem nan bawk hian rangkachak (gold) lei tam lo tur leh, a tul lohah chuan k*m khat chhung chu zin chhuah loh hram turin a ngen bawk. Tin, chhungkaw tinte chu hriselna atana tha leh ram hmangaihna lantirna a nih avangin eirawng bawlna hman (cooking oil) hmang tlem tur leh, loneitute pawh fertilizer hmang tlem deuh turin a ngen bawk a ni.
