03/10/2022
అచ్చ తెలంగాణ సాంప్రదాయం , ఆడబిడ్డకు సారె పొయ్యడం !
*************************************************************************************************
ఆకాశం విరిగిందా , పువ్వుల వాన కురిసిందా , జన సంద్రం కదిలిందా , బతుకమ్మ ల అభిషేకం తో పుడమి పులకరించిందా
తెలంగాణ గడ్డ మీద కాదు, ప్రవాస తెలంగాణ బిడ్డల బతుకమ్మ పండుగ కోలాహలం బ్రిటిష్ గడ్డ మీద
జగత్ సత్యం , జనమెరిగిన నిజం , మరోసారి ప్రభంజనం !
కల్వకుంట్ల కవిత గారు తెలంగాణ రాష్ట్ర ఉద్యమ సమయం లో స్థాపించన సాంస్కృతిక స్థాపిత జాగృతి సంస్థ , తెలంగాణ జాగృతి ముఖ్య లక్ష్యం సంస్కృతి సంప్రదాయాలను, పండుగలను తెలంగాణ విశిష్టతను ప్రపంచానికి సగర్వాంగా చాటి చెప్పడం , తెలంగాణ జాగృతి విదేశాలలో మొట్టమొదటి సారిగా మొదలైంది యునైటెడ్ కింగ్డమ్ లో , జాగృతి సంస్థ లక్ష్యాన్ని యుకె లో, అధ్యక్షులు శ్రీ సుమన్ రావు బల్మురి అద్వర్యం లో విజయవంతంగా ముందుకు తీసుకువెళ్తూ , 6 వ సంవత్సరం ఘనంగా బతుకమ్మ వేడుకలు లండన్ లో ని ఇల్ఫోర్డ్ లో జరిపారు , ముఖ్య అతిధిగా తెలంగాణ రాష్ట్ర హెల్త్ డైరెక్టర్ శ్రీ గదాల శ్రీనివాస్ రావు గారు విచ్చేసారు
యుకె నలుమూల ప్రవాస తెలంగాణ ఆడబిడ్డలు కాదు ప్రవాస ఆంధ్ర, ప్రవాస నార్త్ ఇండియన్స్ , వేరే దేశస్థులు సైతం ఈ పులా పండుగను జరుపుకోవడనికి , బతుకమ్మను కొలవడానికి ఒకే వేదిక మీదకు వచ్చారు , సుమారు 250 బతుకమ్మలు 4000 జనాలు కుటుంబ సమేతంగా వచ్చారు , తొలుత దుర్గాదేవి అమ్మవారి పూజతో మొదలైన వేడుక , తెలంగాణ జాగృతి యొక్క ఖ్యాతి , సేవ కార్యక్రమలను వివరించాక , పిల్లల సాంస్కృతిక నృత్యాలు , ఆ తరువాత మెగా బతుకమ్మ ఒకే సారి 2000 మంది ఆడబిడ్డలు బతుకమ్మ ని కొలుస్తూ ఉత్సాహంగా బతుకమ్మ పాటలను పాడుతూ , దానికి తగ్గ విదంగా ఆట పాటలతో సుమారు మూడు గంటలు అవిరామంగా సంతోషంగా బతుకమ్మ ఆడుకున్నారు, తరువాత DJ సాంగ్స్ కి అనుగుణంగా దాండియా ఆడారు , యువత, మహిళలతో తో పాటు అతిధి గదాల శ్రీనివాస్ రావు గారు కూడా బతుకమ్మ కోలాహలం లో పాలుపంచుకున్నారు
జాగృతి యుకె అధ్యక్షులు శ్రీ సుమన్ రావు బల్మురి ఎప్పుడు బతుకమ్మ పండుగ కి వచ్చిన ఆడబిడ్డలు సారె పొయ్యడం అనే సంప్రదాయాని పాటిస్తూ ఈ సంవత్సరం కూడా వచ్చిన ప్రతి ఆడబిడ్డకు చేనేత నేతలు నేసిన చీర దానితో బియ్యం , పసుపు కుంకుముల సారె కానుకుగా ఇచ్చారు , ఈ సందర్బంగా ముఖ్య అతిధి శ్రీ గదల శ్రీనివాస్ రావు గారు అతి పెద్ద బతుకమ్మ చేసి వచ్చిన వారికీ మొదటి రెండు మూడు బహుమతులుగా బంగారు వెండి కాయిన్స్ ఇవ్వడం జరిగింది
కార్యక్రమం లో వచ్చిన అతిధులందరికి తెలంగాణ ప్రత్యేక వంటకాలైన బిర్యానీ తో పాటు ఎన్నో పసందైన వంటకాలు ఉచితంగా అందించారు , ఫుడ్ స్పాన్సర్ హైదరాబాద్ దర్బార్ (Hyderabad Darbar) , బతుకమ్మ ఆట పాటల అనంతరం బతుకమ్మలను సాగనంపి ఆడవారందరు ఒకరికొకరు ఆత్మీయ ఆలింగనం చేసుకుని ప్రసాదాలను పంచారు , ఇలాంటి గొప్ప బతుకమ్మ కార్యక్రమం కేవలం జాగృతి యుకె శాఖ మాత్రమే చేయగలదని దానికి స్ఫూర్తి కవిత గారు , మరి జాగృతి యుకె బృందం సహాయ సహకారాలు , తెలంగాణ గడ్డ మీద పుట్టిన ప్రతి ప్రవాస తెలంగాణ బిడ్డ కి జాగృతి యుకె అండగా ఉంటుందని , కేవలం పండుగులే కాకుండా ఎన్నో సేవ కార్యక్రమాలను పరిధి లో చేయడమే కాదు లోకల్ రోటరీ క్లబ్ ని కలుపుకొని ఎన్నో స్వచ్చంద సేవ చేస్తూ ముందుకు వెళ్తున్నామని అధ్యక్షులు సుమన్ రావు బల్మురి తెలిపారు
వంశీ మునిగంటి , సుమన్ రావు బల్మురి వ్యాఖ్యానం , మరియు DJ సాయి బతుకమ్మ సాంగ్స్ , చిన్నారుల నృత్యాలు మరో కొసమెరుపు.
