31/08/2021
कोल्हापुरातून आता डायरेक्ट करा राधानगरी दाजीपूरची जंगल सफारी...🐃🐅🐿🐇🐍🌲🌳🌴
राधानगरी अभयारण्य हे जागतिक वारसा स्थळ म्हणून प्रसिद्ध असून येथील पर्यटनाला चालना मिळावी या उद्देशाने कोल्हापूर वन्यजीव विभागाने हा उपक्रम सुरु केला आहे. त्यासाठी 15+2 सीटर बस घेण्यात आली आहे. ही बस आठवड्यातून सहा दिवस बुधवार ते सोमवारी (मंगळवारी सुट्टी) दररोज सकाळी 7 वाजता वन विश्रामगृह, ताराबाई पार्क, नाना नानी पार्क समोर,कोल्हापूर येथून राधानगरी,दाजीपूर पर्यटनासाठी निघेल.एका पर्यटकाला नाममात्र 300 रुपये फी मध्ये एकवेळ चहा, नाश्त्यासह दिवसभर जंगल सफारीचा आनंद लुटता येणार आहे.
राधानगरी अभयारण्यात हत्तीमहाल, फुलपाखरु उद्यान, राऊतवाडी धबधबा, माळेवाडी डॅम बोटिंग व दाजीपूर निसर्ग माहिती केंद्र व गवा सफारी या सर्व ठिकाणांना भेट देता येणार आहे. आठवड्यातून एक दिवस या बसमधून शासनातर्फे अनाथ, दिव्यांग व्यक्ती, विद्यार्थी यांना देखील मोफत जंगल सफारी करता येणार आहे. या बसच्या बुकिंगसाठी विभागीय वन अधिकारी(वन्यजीव) यांचे कार्यालय, सिमंतिनी अपार्टमेंट, रमणमळा, कोल्हापूर दूरध्वनी क्रमांक-0231- 2669730 येथे कार्यालयीन वेळेत संपर्क साधावा.
