अंगिका मंच

14/10/2025

अपनी दादी – नानी से हम सबने इसे जरूर सुना होगा!!

चान मामा, चान मामा ! हँसुआ देॅ।
सेहो हँसुआ कथी लेॅ ? घँसवा कटावै लेॅ।
सेहो घँसवा कथी लेॅ ? गैया केॅ खिलावै लेॅ।
सेहो गैया कथी लेॅ ? गोरबा परवावै (लदवावै) लेॅ।
सेहो गोबर कथी लेॅ ? एँगना लिपवावै लेॅ।
सेहो एँगना कथी लेॅ ? गेहुँमा सुखावै लेॅ।
सेहो गेहुँमा कथी लेॅ ? अँटवा पिसावै लेॅ।
सेहो अँटवा कथी लेॅ ? पुड़िया पकावै लेॅ।
सेहो पुड़िया कथी लेॅ ? भौजोॅ केॅ खिलावै लेॅ।
सेहो भौजो कथी लेॅ ? लाल बेटा जनमावै लेॅ।
लाल बेटा कथी लेॅ ? गुल्ली-डंडा खेलै लेॅ।
गुल्ली-डंडा टुटी गेल, भौजो के बेटवा रूसी गेल।

03/09/2025

नमस्कार!

अंगिका मंच के इस नये सफर में आपका हार्दिक स्वागत है।
यह मंच अंग प्रदेश की सांस्कृतिक धरोहर, लोक भाषा, साहित्य, गीत, और परंपरा को बढ़ावा देने हेतु बना है।
आप सभी से अनुरोध है कि अपनी रचनाएँ, गीत, कहानियाँ, कविता एवं अंगिका संस्कृति से जुड़ी बातें यहाँ जरूर साझा करें।

हमारी कोशिश है:
- अंगिका भाषा के प्रचार-प्रसार में सबको जोड़ना
- नई पीढ़ी को अपनी मातृभाषा की पहचान दिलाना
- कला, साहित्य और गीत के माध्यम से संवाद बढ़ाना

आइए, अपनी धरोहर को सुरक्षित रखें और अंगिका की आवाज को दूर-दूर तक पहुँचाएँ!
अंगिका मंच — ‘हमर संस्कृति, हमर पहिचान।’

आपका सहयोग और सुझाव हमारे लिए महत्वपूर्ण है।
अंगिका मंच के साथ जुड़े रहें, सक्रिय रहें!

25/04/2024

अंगिका गीत गीता
-विजेता मुद्गलपुरी
_________________
धृतराष्ट्र उवाच-

धर्म थल कुरुक्षेत्र में की भेॅ रहल संजय कहोॅ।
पुत्र अरु पाण्डव हमर की केॅ रहल संजय कहोॅ!

धर्म थल ताप थप जहाँ पर
इन्द्र ब्रह्मादिक तपल
जे जगह कुरु तप करी
पुनि यग के कर्ता बनल।
से जगह कैसे अपावन भेॅ रहल संजय कहोॅ!

की सुयोधन पर
धरम थल के असर कुछ भी परल?
था कि पाण्डव के निवृति
युद्ध से कुछ भेॅ रहल?
या सुलह के बात कोनो भेॅ रहल संजय कहोॅ!

हम व्यथित अंधा प्रशासक
हम दुखित लाचार हम।
हम सदा सत्ता मुखी छी
मोह के विस्तार हम।
हठ हमर अब नाश कुल के केॅ रहल संजय कहोॅ!
धर्मथल कुरु क्षेत्र में की भेॅ रहल संजय कहोॅ!

23/04/2024

हनुमान जयंती की हार्दिक शुभकामनाएं 🚩
जय श्री राम 🙏जय हनुमान 🙏

22/04/2024

20/04/2024

तोरा दरकार की.?
०००००००००००००००००
खाय छै सरकारोॅ के, लै छै सरकारोॅ के,
तोरा दरकार की?
नहरोॅ के पानी में पैसै के धार छै
सड़कोॅ के माटी में एकोॅ के चार छै
कुच्छु जों बोलोॅ तेॅ नन्हैं केॅ तार छै
चुपचाप बैठी रहोॅ पैभेॅ तों पार की?
तोरा दरकार की?

माय बहु छोड़ी केॅ घरो दुआरी पर
सभ्भे कोय जान दै रेहू बुआरी पर
तोहें भोड़ं दास, पोठियौ नसीव नै,
लै छै लिये दहो, धुनभोॅ कपार की?
तोरा दरकार की?

साहब के कुर्सी पर बैठलोॅ एतवार छै
सभ्भे जलपानोॅ लेॅ गेलोॅ बाजार छै
टानै के लूर नै फानै छौ सभ्भै पर,
बड़का के बड़ोॅ बात करभेॅ तों मार की?
तोरा दरकार की?

मेमोॅ लग जाय छोॅ सागौ केॅ पांगी लेॅ
फाईलोॅ तों बढ़ियां रंग हुनकै से मांगी लेॅ
कहै छिहौं नै चलोॅ हुनका विरोधोॅ में
ठोर दोनों बन्द करोॅ सुनभेॅ फटकार की?
तोरा दरकार की?

रोगी केॅ अस्पताल जाना बेकार छै
डाक्टर के डेरा पर भीड़ो भरमार छै
रासन दोकानी पर लगलोॅ कतार छै
ब्लैकै सें किनी लेॅ करभेॅ तकरार की?
तोरा दरकार की?

बाबू के किरिया करनी तेॅ करनै छौं
लौब्वा बोलाय केॅ माथो मुड़ानै छौं
बाभन केॅ भोज आरो पलंगी दान करी
की लेॅ की करै, झूठे परचार की?
तोरा दरकार की?

तनीसन कारी छै भोकन बिलारी छै,
रतन केू दस हजार दैके तैयारी छै।
दोनों चुल्होॅ नारी केॅ मुन्नी के ठीक करोॅ
$घरोॅ पर घोॅर मिलै एक नै हजार की-
तोरा दरकार की?

की भेलै हौ रक्त, कहाँ गेलै देस भक्त?
सभ्भे तेॅ ताकै छै दिल्ली के ताज तख्त!
तोहें बौरैलोॅ छौॅ गाँधी के बातोू में,
आजू सें कहलोॅ करौ- ‘‘जय जय सरकार की’’
तोरा दरकार की?

15/04/2024

-पंडित जगन्नाथ चतुर्वेदी

14/04/2024

पढ़ें संत कबीर का ये अंगिका भजन..