27/12/2025
36,000 രൂപ പെൻഷൻ കിട്ടും, നിക്ഷേപം 55 രൂപ മുതല്, അറിയാം കേന്ദ്രസര്ക്കാര് പദ്ധതിയുടെ നേട്ടങ്ങള്...
പെൻഷൻ പദ്ധതികളുടെ ഭാഗമാകുന്നത് ഭാവി ജീവിതത്തെ ഒരുപരിധി വരെ സാമ്പത്തിക സുരക്ഷയുള്ളതാക്കി മാറ്റാൻ കഴിയും. എന്നാല് സ്ഥിര വരുമാനമില്ലാത്തവർ എങ്ങനെ പെൻഷൻ പദ്ധതിയുടെ ഭാഗമാകുമെന്നാണ് പലരുടേയും ചോദ്യം.
അതിനുള്ള ഉത്തരമാണ് പ്രധാന്മന്ത്രി കിസാന് മാന്ധന് യോജന (PM-KMY). പദ്ധതിയിലൂടെ കുറഞ്ഞ നിക്ഷേപത്തില് ഉറപ്പായ പ്രതിമാസ പെൻഷൻ നേടാൻ കഴിയും. പദ്ധതിയുടെ കൂടുതല് വിശദാംശങ്ങള് നോക്കാം.
പ്രധാന്മന്ത്രി കിസാന് മാന്ധന് യോജന
രാജ്യത്തെ കര്ഷകര്ക്ക് ഉറപ്പായ പെന്ഷന് ലഭ്യമാക്കുന്നതിനാണ് പ്രധാന് മന്ത്രി കിസാന് മാന്ധന് യോജന പ്രവർത്തിക്കുന്നത്. പദ്ധതിയുടെ ഏറ്റവും വലിയ പ്രത്യേകത എന്നത് കുറഞ്ഞ നിബന്ധനകളാണ്. ഈ പദ്ധതിയുടെ ഭാഗമാകുന്നതിനുള്ള ഏക നിബന്ധന ഉപയോക്താവ് പിഎം കിസാന് സമ്മാന് നിധി യോജനയില് അംഗമായിരിക്കണമെന്നതാണ്. കൂടാതെ എന്പിഎസ്, ഇഎസ്ഐസി, ഇപിഎഫ്ഒ പോലുള്ള മറ്റു സര്ക്കാര് പദ്ധതികളുടെ ആനുകൂല്യം കൈപ്പുറ്റന്നവരും ആയിരിക്കരുത്. ഡോക്ടര്, എന്ജിനിയര്, വക്കില്, ആദായനികുതി ദായകര് എന്നിവര്ക്കും പദ്ധതിയുടെ നേട്ടം ലഭിക്കില്ല. പ്രതിമാസം 3,000 രൂപ പെന്ഷനാണ് പദ്ധതി വാഗ്ദാനം ചെയ്യുന്നത്. അതായത് വര്ഷത്തില് 36,000 രൂപ.
പ്രായപരിധിയും നിക്ഷേപവും
പ്രധാന്മന്ത്രി കിസാന് മാന്ധന് യോജനയില് ചേരാനുള്ള ഏറ്റവും കുറഞ്ഞ പ്രായം 18 വയസാണ്. പരമാവധി പ്രായം 40 വയസ്. 55 രൂപ മുതല് 200 രൂപ വരെയാണ് പദ്ധതിയിലെ നിക്ഷേപതുക. ഈ തുക പദ്ധതിയില് ചേരുമ്ബോഴുള്ള പ്രായത്തിന് അനുസരിച്ച് മാറും. 18 വയസിലാണ് പദ്ധതിയില് ചേരുന്നതെങ്കില് 55 രൂപയാണ് നിക്ഷേപ തുക. 30 വയസാണെങ്കില് 110 രൂപയാണ്. 40 വയസിലാണ് കിസാന് മാന്ധന് യോജനയില് ചേരുന്നതെങ്കില് 200 രൂപയാണ് നിക്ഷേപ തുക.
പെൻഷൻ എപ്പോള് ലഭിക്കും..?
കർഷകന് 60 വയസ്സ് തികയുമ്ബോള് സംഭാവന അവസാനിക്കും. അതിനുശേഷം, പെൻഷൻ ആരംഭിക്കും. വരിക്കാരന്റെ മരണമുണ്ടായാല്, പങ്കാളിക്ക് പെൻഷന്റെ 50% (പ്രതിമാസം 1,500 രൂപ) ലഭിക്കും. 60 വയസിന് മുമ്ബാണ് ഉപയോക്താവ് മരിക്കുന്നതെങ്കില് നിക്ഷേപം തുടരാനും പങ്കാളിക്ക് സാധിക്കും. പിഎം-കിസാൻ ആനുകൂല്യങ്ങള് സ്വീകരിക്കുന്ന കർഷകർക്ക് അവരുടെ സംഭാവനകള് നേരിട്ട് ഓട്ടോ-ഡെബിറ്റ് ചെയ്യാൻ തിരഞ്ഞെടുക്കാം.
എങ്ങനെ പദ്ധതിയില് അംഗമാകാം..?
പദ്ധതിയില് അംഗമാകുന്നതിന് നിങ്ങള് 2 ഹെക്ടറില് (5 ഏക്കര്) താഴെ കൃഷി ചെയ്യുന്നവര് ആയിരിക്കണം. കർഷകർക്ക് ഏത് സംസ്ഥാനത്തുനിന്നും ചേരാം, പെൻഷൻ ഫണ്ട് കൈകാര്യം ചെയ്യുന്നത് എല്ഐസി ആണ്. നിങ്ങള് പദ്ധതിയില് നിക്ഷേപിക്കുന്ന തുകയ്ക്ക് ആനുപാതികമായ തുക കേന്ദ്ര സര്ക്കാരും അക്കൗണ്ടില് നിക്ഷേപിക്കും.
1. അടുത്തുള്ള പൊതു സേവന കേന്ദ്രം (CSC) സന്ദർശിക്കുക.
2. ആധാർ, ഭൂവുടമസ്ഥ വിവരങ്ങള്, ബാങ്ക് അക്കൗണ്ട് വിവരങ്ങള് തുടങ്ങിയ രേഖകള് സമർപ്പിക്കുക.
3. പ്രായത്തിനനുസരിച്ച് നിങ്ങളുടെ സംഭാവന പദ്ധതി തിരഞ്ഞെടുക്കുക.
4. ബയോമെട്രിക് പ്രാമാണീകരണം ഉപയോഗിച്ച് രജിസ്റ്റർ ചെയ്യുക...
