07/08/2025
தேசிய கைத்தறி நாள் இன்று: ஆகஸ்ட் '07
இந்திய வரலாற்றில் முக்கியத்துவம் வாய்ந்த சுதேசி இயக்கம் 1905-ம் ஆண்டு ஆகஸ்டு 7-ந் தேதி தொடங்கப்பட்டது. உள்நாட்டுப் பொருட்களின் உற்பத்தியை ஊக்குவிக்கும் வகையில் தொடங்கப்பட்ட சுதேசி இயக்கத்தை நினைவுகூரும் வகையிலும், கைத்தறி நெசவாளர்களை சிறப்பிக்கும் வகையிலும் 2015-ம் ஆண்டு முதல் ஒவ்வொரு ஆண்டும் ஆகஸ்டு 7-ந் தேதி தேசிய கைத்தறி நாளாக கடைப்பிடிக்கப்பட்டு வருகிறது.
நாட்டின் பொருளாதார செயல்பாட்டில் விவசாயத்திற்கு அடுத்து மிகப்பெரிய அளவில் வேலைவாய்ப்பினை வழங்கும் தொழிலாக கைத்தறி தொழில் விளங்கி வருகிறது. தமிழ்நாட்டின் கைத்தறி பிரிவு, ஆயிரம் ஆண்டுகளுக்கும் மேலான வரலாற்று சிறப்புமிக்கதும், நெசவாளர்களின் மிகச்சிறந்த கைத்திறனுக்கான பாரம்பரியத்தையும் கொண்டது.
ஆனால் இன்று நெசவாளர்களின் நிலை அந்தோ பரிதாபம்.
எங்களின் வாழ்வாதாரத்தை உயர்த்திய கைத்தறி மத்திய, மாநில ஆட்சியாளர்களின் அலட்சியத்தாலும் மக்களின் ஆதரவின்றி கைத்தறி தொழில் நலியுற்றது.
கைத்தறி தொழில் நலிவுற்றதால் தொழில் புரிந்த அனைவரும் வறுமையில் தள்ளப்பட்டு வேறு தொழிலை நாடிச்சென்றனர். குறிப்பாக கூலி தொழில், இரவு காவலர் சமையல் வேலை மற்றும் பந்தி பரிமாறும் வேலைக்கு சென்று போதிய வருமானமின்றி தன் குடும்பத்தை மிக சிரமப்பட்டு நடத்தி வருகின்றனர் என்பது மிக வேதனையான நிகழ்வாகும்.
நம் மானத்தை காக்க ஆடைகளை நெய்து மனித குலத்திற்கு பெருமை சேர்க்கும் நெசவாளர்களை ஆதரிக்க கைத்தறி வேட்டி, சேலை மற்றும் லுங்கிகளை உடுத்துவோம் என்று இந்நாளில் உறுதி ஏற்போம்.
கைத்தறியாளருக்கு கைகொடுப்போம்!
கைத்தறித் துணிகளை உடுத்துவோம்!!
கைத்தறி நெசவாளர்களை வாழ்த்தி வணங்குகின்றேன்
💐💐💐🙏🏿
