08/04/2026
എസ് ഡി പി ഐ സംസ്ഥാന വൈസ് പ്രസിഡന്റായിരുന്ന തുളസിധരൻ പള്ളിക്കൽ മുസ്ലീം ലീഗിൽ ചേർന്ന വാർത്തയെ ആക്ഷേപിച്ച് ആഘോഷിക്കുന്ന ജമാ അത്തെ ഇസ്ലാമിക്കാരെ കാണുമ്പോൾ ചിരിക്കാതെന്ത് പറയാനാണ് 😂😂😂😂
വെൽഫെയർ പാർട്ടിയുടെ കേരള ഘടകത്തിൽ നിന്ന് ആർ എസ് എസ് പാളയത്തിലെത്തിയ നേതാക്കന്മാർ ഒരു യാഥാർഥ്യമായി മുന്നിലുള്ളപ്പോഴാണ് എസ് ഡി പി ഐ യിൽ നിന്ന് മുസ്ലീം ലീഗിലേക്ക് പോയ മനുഷ്യനെ ചൂണ്ടി ജമാ അത്തെ ഇസ്ലാമിക്കാർ എസ് ഡി പി ഐ യ്ക്കെതിരെ ആക്ഷേപം ചൊരിയുന്നത് എന്നോർക്കണം 🤌🤌🤌
എന്തായാലും വെൽഫെയർ പാർട്ടി വിട്ട് നേതാക്കൾ നേരേ സംഘപരിവാർ പാളയത്തിലേക്ക് ഓടിക്കയറിയത് പോലെ തുളസീധരൻ പള്ളിക്കൽ സംഘപരിവാറിലേക്ക് ഓടിക്കയറിയില്ല .. അദ്ദേഹം പോയത് മുസ്ലീം ലീഗിലേക്കാണ് ....
രാഷ്ട്രീയ പാർട്ടി നേതാക്കൾ അവർ നിലകൊണ്ടിരുന്ന പാർട്ടി വിടുന്നതും അവർക്കിഷ്ടമുള്ള ഇതര പാർട്ടികളിലേക്ക് പ്രവേശിക്കുന്നതുമൊക്കെ സ്വാഭാവികമാണ് ... അതിൽ അത്ഭുതമൊന്നുമില്ല ... എന്നാൽ തെരെഞ്ഞെടുക്കുന്ന പാർട്ടി ബി ജെ പി ആയാലാണ് പ്രശ്നം ..
വെൽഫെയർ പാർട്ടി സംസ്ഥാന കമ്മറ്റിയംഗവും തൃശൂർ ജില്ലാ പ്രസിഡന്റുമായിരുന്ന കെ ജി മോഹനൻ വെൽഫെയർ പാർട്ടി വിട്ട് നേരേ ചെന്ന് കയറിയത് ബി ജെ പിയിലാണ് .. വർഷങ്ങൾ വെൽഫെയർ പാർട്ടിയുടെ സംസ്ഥാന നേതൃത്വത്തിലുണ്ടായിരുന്ന അയാൾ എന്ത് രാഷ്ട്രീയ ബോധ്യത്തിലാണ് ബി ജെ പിയിലെത്തി എന്നതൊരു രാഷ്ട്രീയ ചോദ്യമാണ് ...
വെൽഫെയർ പാർട്ടി ഗുരുവായൂർ മണ്ഡലം വൈസ് പ്രസിഡന്റായിരുന്ന സരസ്വതി വെൽഫെയർ പാർട്ടി വിട്ട് ബി ജെ പിയിലെത്തി ....
ഒടുവിൽ അനീഷ് പാറമ്പുഴ എന്ന വെൽഫെയർ പാർട്ടി - ഫ്രറ്റേണിറ്റി നേതാവ് വെൽഫെയർ പാർട്ടിക്കെതിരെ അതീവ ഗുരുതരമായ ആരോപണങ്ങൾ ഉന്നയിച്ചു കൊണ്ട് പട്ടിക ജാതി മോർച്ചയിലൂടെ ആർ എസ് എസ് പാളയത്തിലെത്തി ...
കേവലം വെൽഫെയർ പാർട്ടിയുടെ അണികളല്ല ആർ എസ് എസ് പാളയത്തിലേക്കൊഴുകിയിരിക്കുന്നത് .. വെൽഫെയർ പാർട്ടിയെ നയിച്ചിരുന്ന നേതാക്കളാണ് ...
ആർ എസ് എസ് പാളയത്തിലെത്തി നിൽക്കുന്ന അനീഷ് പാറമ്പുഴ വെൽഫെയർ പാർട്ടിയിൽ വഹിച്ചിരുന്ന പദവികൾ നോക്കൂ .....
1 വെൽഫെയർ പാർട്ടിയുടെ വിദ്യാർത്ഥി - യുവജന സംഘടനയായ ഫ്രറ്റേണിറ്റി മൂവ്മെന്റിന്റെ സംസ്ഥാന വൈസ് പ്രസിഡന്റ്
2 വെൽഫെയർ പാർട്ടി കോട്ടയം ജില്ലാ സെക്രട്ടറി
3 വെൽഫെയർ പാർട്ടി ദലിത് - ആദിവാസി സമിതി സംസ്ഥാന കോഡിനേറ്റർ
4 വെൽഫെയർ പാർട്ടി സംസ്ഥാന സോഷ്യൽ മീഡിയ കമ്മറ്റി അംഗം.
5 വെൽഫെയർ പാർട്ടി PR കമ്മറ്റിയംഗം
6 വെൽഫെയർ പാർട്ടി കോട്ടയം ജില്ലാ കമ്മറ്റിയംഗം ...
വർഷങ്ങളായി വെൽഫെയർ പാർട്ടിയുടെ വ്യത്യസ്ത പദവികളിൽ നിലകൊണ്ടിരുന്ന അനീഷ് പാറമ്പുഴ , കടുത്ത ഇസ്ലാമോഫോബിയയും പ്രചരിപ്പിച്ച് വെൽഫെയർ പാർട്ടിയിൽ നിന്ന് രാജി വച്ച് രാജിയ്ക്ക് കാരണമായി വെൽഫെയർ പാർട്ടിക്കെതിരെ രാജ്യ വിരുദ്ധ മുദ്രയടക്കം ചാർത്തിയാണ് നിലവിൽ ആർ എസ് എസ് പാളയത്തിലെത്തി പുഞ്ചിരിച്ച് നിൽക്കുന്നത് ...
വംശഹത്യ പ്രത്യയ ശാസ്ത്രത്തിനെതിരെ ഉയർത്തിയ ന്യൂന പക്ഷ രാഷ്ട്രീയത്തിന് ആശയപരമായ കരുത്തുണ്ടായിരുന്നുവെങ്കിൽ നേതാക്കൾ തന്നെ വംശഹത്യ ഹത്യ പ്രത്യയ ശാസ്ത്രത്തിൽ ആകർഷിക്കപ്പെടുമായിരുന്നോ എന്നതും ഒരു രാഷ്ട്രീയ ചോദ്യമാണ് ..
മുസ്ലീം - ദലിത് പക്ഷ രാഷ്ട്രീയം മുന്നോട്ട് വയ്ക്കുന്ന ഒരു മുസ്ലീം ഭൂരിപക്ഷ പാർട്ടിയിൽ ദീർഘകാലം ചേർന്ന് നിന്ന വ്യക്തികൾ ഒരു സുപ്രഭാതത്തിൽ സവർണ്ണ സാംസ്കാരിക ദേശീയത ലക്ഷ്യം വയ്ക്കുന്ന വംശഹത്യ പ്രത്യയ ശാസ്ത്രക്കാരുടെ കൂടാരത്തിൽ ചെന്ന് നിന്ന്, ഇന്ത്യ കണ്ട ഏറ്റവും വലിയ വംശഹത്യയുടെ സംഘാടകനായ നരേന്ദ്ര മോദിയുടെ ചിത്രം പതിച്ചിരിക്കുന്ന മെമ്പർഷിപ് കാർഡും പിടിച്ച് പുഞ്ചിരിച്ച് നിൽക്കുന്ന കാഴ്ചയോളം അശ്ലീല കാഴ്ച വേറെയുണ്ടോ? ...
ആർ എസ് എസ് പാളയത്തിലേക്കുള്ള ഇടത്താവളമായി നവ രാഷ്ട്രീയ പ്രസ്ഥാനമായ വെൽഫെയർ പാർട്ടി മാറുന്ന കാഴ്ച കേരളം കണ്ടതാണ് ... അങ്ങനെ ഒരു നാറിയ ചരിത്രമുള്ള വെൽഫെയർ പാർട്ടിക്കാരാണ് തുളസീധരൻ പള്ളിക്കൽ എസ് ഡി പി ഐ വിട്ട് മുസ്ലീം ലീഗിൽ ചേർന്നതിനെ ആക്ഷേപിക്കുന്നത് എന്നതാണ് കോമഡി ...
അല്ലയോ ജമാ അത്തെ ഇസ്ലാമിക്കാരേ പഴയ എസ് ഡി പി ഐ നേതാവ് പോയത് നിങ്ങളുടെ നേതാക്കൾ പോയത് പോലെ ബി ജെ പിയിലേക്കല്ല എന്ന മിനിമം ബോധമെങ്കിലും നിങ്ങൾക്കുണ്ടാകുന്നത് നല്ലതാണ് 🤌🤌
ശ്രീജ നെയ്യാറ്റിൻകര
