Hijazi Online

08/05/2026

കടം വാങ്ങി ബിസിനസ് തുടങ്ങുകയോ?

ഇക്കാലത്ത് പലരും ബിസിനസ് തുടങ്ങാൻ വേണ്ടി മുന്നോട്ടു വരാത്തത് മൂലധനം ഇല്ലാത്തതുകൊണ്ടാണ്.
ചിലർ അതിനെ മറികടക്കാൻ വേണ്ടി കടം വാങ്ങി ബിസിനസ് തുടങ്ങുന്നു. ബാങ്കിൽ നിന്ന് ലോണെടുത്തോ വട്ടി പലിശക്ക് പണം കടം കൊണ്ടോ, മറ്റോ ചെയ്ത് ബിസിനസ് തുടങ്ങുന്നു.
അത്തരക്കാർ പലപ്പോഴും പരാജയപ്പെടുകയും വീടും പറമ്പും വരെ അന്യാധീന പെടുകയും ചെയ്യുന്ന കാഴ്ചകൾ ധാരാളമായി കണ്ടുകൊണ്ടിരിക്കുകയാണ്.
കഞ്ഞിക്കുള്ളതേ കടം കൊള്ളാവൂ എന്ന് പറയാറുണ്ടല്ലോ!
കടം വാങ്ങിയിട്ടല്ല ബിസിനസ് തുടങ്ങേണ്ടത്. അവരവർക്ക് മുടക്കാൻ കഴിയുന്ന സംഖ്യക്കുള്ള ബിസിനസ് മാത്രം തുടങ്ങുക, അതിന് കഴിയുന്നില്ലെങ്കിൽ കഴിയുന്നതുവരെ കാത്തിരിക്കുകയാണ് വേണ്ടത്.
കയ്യിലുള്ള പണത്തിന് ഏറ്റവും ചെറിയ ബിസിനസ് എങ്ങനെ തുടങ്ങണം എന്ന് പഠിക്കേണ്ടതാണ്.

08/05/2026

ബാങ്കിങ്ങും ബിസിനസും!

ഇന്ന് വളരെ കൂടുതൽ കേൾക്കുന്ന ഒരു പദമാണ് ബാങ്കിംഗ്. ബാങ്കിംഗ് എന്നാൽ യഥാർത്ഥത്തിൽ പണം കൈമാറ്റം ചെയ്യുന്നതിന്റെ പേരാണ്. വ്യത്യസ്തനാണയങ്ങൾ കൈമാറ്റം ചെയ്യാം, രൂപ ഡോളറായോ റിയാലായോ കൈമാറ്റം ചെയ്യുന്നതിനെയൊക്കെ ബാങ്കിംഗ് എന്ന് വിളിക്കാം.
എന്നാൽ ഇന്ന് നമ്മുടെ നാട്ടിൽ പൊതുവേ അറിയപ്പെടുന്ന ബാങ്കിംഗ്, നിക്ഷേപം സ്വീകരിച്ച് അതിൻറെ പലിശ നൽകുകയോ, പണം കടം കൊടുത്ത് അതിൻറെ പലിശ ഈടാക്കുകയോ ചെയ്യുന്ന സംവിധാനം കൂടി ഉൾപ്പെട്ടതാണ്. അതില്ലാത്ത ഒരു ബാങ്കിംഗ് നമ്മുടെ ഇന്ത്യാ രാജ്യത്തെ സങ്കൽപ്പിക്കാനേ കഴിയില്ല.
അപ്പോൾ ബാങ്കിംഗ് ഒരു ബിസിനസ് അല്ല എന്ന് വേണം പറയാൻ.

08/05/2026

കൂട്ടു കച്ചവടം!

സ്വന്തം നിലക്ക് ഒരു ബിസിനസ് തുടങ്ങുന്നതിനുള്ള മൂലധനം ഇല്ലാത്തവർ ചിന്തിക്കുന്ന പല മാർഗങ്ങളുണ്ട്.
ലോണെടുത്ത് ബിസിനസ് തുടങ്ങുക.
എന്നാൽ, കയ്യിൽ പണമില്ലാതെ ലോണെടുത്ത് തുടങ്ങുന്ന ബിസിനസുകൾ എല്ലാം പരാജയപ്പെടുന്നതായിട്ടാണ് കാണുന്നത്.

മറ്റൊരു മാർഗം, കൂട്ടു കച്ചവടമാണ്. നാം കാണുന്ന ബിസിനസിലേക്ക് മറ്റുള്ളവരെ കൂടി ക്ഷണിക്കുകയും ലാഭകരമായി അത് നടത്തിക്കൊണ്ടുപോകാൻ കഴിയുമെന്ന് ഉറപ്പുവരുത്തുകയും വേണം. അങ്ങനെയായാൽ ലാഭം കിട്ടുമ്പോൾ ചെറിയ പങ്കു മാത്രമാണ് കിട്ടുന്നത്, എങ്കിൽ കൂടി നഷ്ടം വന്നാൽ എല്ലാവരും വലിയ പരിക്കില്ലാതെ രക്ഷപ്പെടും!

എങ്ങനെയാണ് അത്തരമൊരു സംരംഭം തുടങ്ങുന്നത് എന്നതിനെക്കുറിച്ച് നന്നായി പഠിച്ചതിനുശേഷം മാത്രമേ മുന്നോട്ടുവരാവൂ.

26/04/2026

ബിസിനസും പരസ്യവും

പരസ്യമില്ലാതെ പല ബിസിനസുകൾക്കും നിലനിൽക്കാൻ കഴിയുകയില്ല എന്നത് ഒരു യാഥാർത്ഥ്യമായി അംഗീകരിച്ചേ തീരൂ. അതുകൊണ്ടുതന്നെ പരസ്യം മറ്റൊരു നല്ല ബിസിനസായി മാറിയിരിക്കുന്നു. ബിസിനസിന്റേതായ എല്ലാ ഗുണഗണങ്ങളും മൂല്യങ്ങളും ചിലപ്പോഴൊക്കെ മൂല്യച്യുതികളും പരസ്യ രംഗത്തെയും ബാധിച്ചിരിക്കുന്നു എന്നത് സത്യമാണ്.
പലപ്പോഴും പരസ്യവും പരസ്യ രംഗങ്ങളും പരസ്യ ബിസിനസും മറ്റു ബിസിനസ്സുകളെ പോലെ തന്നെ ഇടപാടുകാർക്ക് ഗുണം ചെയ്യുന്ന കാര്യങ്ങളാണെന്നതിൽ സംശയമില്ല.
എന്തെന്നാൽ താന്താങ്ങൾക്ക് യോജിച്ചതും, ഇഷ്ടപ്പെട്ടതുമായ ഉൽപ്പന്നങ്ങൾ തെരഞ്ഞെടുക്കാൻ ഇടപാടുകാരനെ അത് പ്രാപ്തമാക്കുന്നു.
അതോടൊപ്പം തന്നെ പരസ്യ ബിസിനസിനായിരുന്നാലും മറ്റേത് ബിസിനസിനായിരുന്നാലും, ശരിയായ രീതിയിൽ ചെയ്യാതിരുന്നാൽ അത് ഇടപാടുകാരെയും തങ്ങളുടെ ബിസിനസിനെയും ഗുണകരമായിട്ടല്ല ദോഷകരമായിട്ടായിരിക്കും ബാധിക്കുക.
ഇല്ലാത്ത ഗുണങ്ങൾ പറഞ്ഞു പിടിപ്പിക്കാനും ജനങ്ങളെ വിശ്വസിപ്പിച്ച് ഉൽപ്പന്നങ്ങൾ വാങ്ങിപ്പിക്കാനോ, സേവനങ്ങൾ സ്വീകരിപ്പിക്കാനോ പരസ്യത്തിന് കഴിഞ്ഞേക്കും.
അങ്ങനെ ചെയ്യുക വഴി ഇടപാടുകാർ വഞ്ചിക്കപ്പെടുന്നു. ബിസിനസുകാരനെ താൽക്കാലികമായി ചില ലാഭങ്ങൾ ഉണ്ടാക്കാൻ കഴിഞ്ഞെന്നുവന്നാലും അതൊരിക്കലും നിലനിൽക്കുന്ന ഒന്നല്ല. ഗുണമേന്മയില്ലാത്ത ഉൽപ്പന്നം വാങ്ങി ചതിയിൽപ്പെട്ട ഒരാൾ പിന്നീട് ആ ഉൽപ്പന്നം കാണുമ്പോൾ തന്റെ സുഹൃത്തുക്കളായോ, ബന്ധുക്കളെയോ, മറ്റു അഭ്യർത്ഥയാകാംക്ഷികളെയോ കാര്യം ധരിപ്പിക്കാൻ വഴിയുണ്ടല്ലോ!
ഇടപാടുകാരന് വരുന്ന നഷ്ടത്തിന് പുറമേ ബിസിനസുകാരനെ തൻറെ ബിസിനസ് പുരോഗമിക്കുന്നതിന് അത് ഒരു വലിയ തടസ്സമായി മാറുന്നു. അതിനാൽ പരസ്യം ചെയ്യുമ്പോൾ ഉൽപ്പന്നത്തിന്റെയോ സേവനത്തിന്റെയോ യഥാർത്ഥ ഗുണങ്ങളെ മാത്രം എടുത്തു പറയുക, യഥാർത്ഥമായ ഗുണങ്ങളെ എടുത്തുപറയുകയോ തോന്നിപ്പിക്കുകയും ചെയ്യുന്ന വാചകങ്ങളോ ചിത്രങ്ങളോ ചിഹ്നങ്ങളോ ഉപയോഗിക്കാതിരിക്കാൻ പ്രത്യേകം സൂക്ഷിക്കുക. ഇടപാടുകാരനും ബിസിനസുകാരനും ഏറ്റവും ഗുണകരമായ പരസ്യ സംവിധാനം ഇത്തരം സുതാര്യവും സത്യസന്ധവും നീതിയുക്തവുമായ പരസ്യ സംവിധാനം മാത്രമാകുന്നു.

26/04/2026

ബിസിനസിൽ വഞ്ചനയോ?

താൻ വഞ്ചിക്കപ്പെടാൻ ആരും ഇഷ്ടപ്പെടുകയില്ല. ഈയൊരു സ്വഭാവം മനുഷ്യൻറെ പ്രത്യേകതകളിൽ ഒന്നാണ്. നിരന്തരം വഞ്ചിക്കപ്പെട്ടുകൊണ്ടേയിരിക്കുന്നവർ മൃഗതുല്യനായതുപോലെയുണ്ട്. അല്ലെങ്കിൽ വഞ്ചകൻ അവരെ മൃഗതുല്യരായി കണക്കാക്കുന്നു എന്നർത്ഥം.

ബിസിനസുകാരൻ മനുഷ്യനെ മൃഗതുല്യരായി കണക്കാക്കാമോ!

ഇടപാടുകാരെ ഉടമസ്ഥരായി കണക്കാക്കുന്നവരാണ് യഥാർത്ഥ ബിസിനസുകാരൻ. ഏതൊരു ബിസിനസൂകാരനും ഇങ്ങനെയുള്ള യഥാർത്ഥ ബിസിനസുകാരനാകണം.

ഒരുപക്ഷേ ഈ വഞ്ചന വളരെ ചെറിയ ഒരു നഷ്ടം മാത്രമേ ഉണ്ടാക്കുന്നുള്ളൂ എന്ന് വരാം, ചിലപ്പോൾ സാമ്പത്തിക നഷ്ടമായിരിക്കില്ല, മറ്റു ചില നഷ്ടങ്ങൾ ആയിരിക്കാം അതുകൊണ്ടുണ്ടാവുക,

നഷ്ടമൊന്നും ഉണ്ടാക്കിയിട്ടില്ലെങ്കിലും താൻ വഞ്ചിക്കപ്പെട്ടു എന്ന ബോധ്യം ആരും ഇഷ്ടപ്പെടില്ല

ബിസിനസുകാരോ ഇടപാടുകാരോ അത് ഇഷ്ടപ്പെടുകയില്ല . തൊഴിലാളികളോ തൊഴിലുടമയോ ഇഷ്ടപ്പെടുകയില്ല.

താൻ വഞ്ചിക്കപ്പെടുന്നു എന്ന് തിരിച്ചറിഞ്ഞിട്ടും നിർവാഹമില്ലാതെ ആ വഞ്ചനക്ക് നിന്നു കൊടുക്കുന്നവരുണ്ട്. അത്തരക്കാരെ ലക്ഷ്യം വെക്കുന്നവർ വേട്ടക്കാരല്ലാതെ മറ്റാരുമല്ല.

ബിസിനസുകാരൻ ഒരു വേട്ടക്കാരനാകാമോ!

ഒരിക്കലും പാടില്ല...

മനുഷ്യൻ പലതരത്തിൽ വഞ്ചനയിൽ പെടാറുണ്ട്. ഒരു ഇടപാടുകാരൻ എന്ന നിലയിൽ ചിലപ്പോൾ അനുയോജ്യമല്ലാത്ത സാധനങ്ങളോ സേവനങ്ങളോ സ്വീകരിക്കാൻ വിധിക്കപ്പെട്ടവരാണ് ചിലർ. മറ്റു ചിലർ തെറ്റായ വിവരങ്ങൾ നൽകപ്പെട്ടവരാണ്.

അവർ അത് ശരിയാണെന്ന് വിശ്വസിക്കുകയും അതനുസരിച്ച് പ്രവർത്തിക്കുകയോ, ആ വിവരം മറ്റുള്ളവർക്ക് കൈമാറുകയോ ചെയ്യുന്നു. ഇത്തരം വഞ്ചനകളിൽ അകപ്പെടുന്നവർ സാമൂഹ്യ ദുരന്തത്തിന്റെ ഇരകളായിത്തീരുന്നു. അവർക്ക് തെറ്റായ വിവരങ്ങൾ നൽകി അവരെയും സമൂഹത്തെയും കബളിപ്പിച്ചവർ ഏറ്റവും വലിയ സാമൂഹ്യദ്രോഹികളല്ലാതെ മറ്റാരാണ്. ബിസിനസുകാരൻ ഒരു സാമൂഹ്യ ദ്രോഹിയാകാമോ!

ഒരിക്കലുമരുത്.......

മറ്റുള്ളവരെ പറ്റിച്ചു ജീവിക്കുന്നവരാണ് ഒരു കൂട്ടർ. മറ്റുചിലർ സമൂഹത്തിൽ തെറ്റായ വിവരം പരത്തി വലിയ അപകടകാരികളായിത്തീരുന്നു. അവർ തങ്ങളുടെ ഈ ദുഷ്ചെയ്തി കൊണ്ട് സന്തോഷിക്കുന്നു. യഥാർത്ഥത്തിൽ തങ്ങളുടെ മനുഷ്യൻറെ അംശം കുറെ ചോർന്നു പോകുമ്പോൾ മാത്രമാണ് ഇത്തരം രസിക്കൽ പരിപാടിയുമായി മുന്നോട്ടു പോകുന്നവർ ജനിക്കുന്നത്.

തനിക്കിഷ്ടമില്ലാത്തത് മറ്റുള്ളവർക്ക് സംംഭവിക്കണമെന്ന ആഗ്രഹിക്കുന്നവർ ധാർമിക ജീവി എന്ന നിലയിലുള്ള ഒരു മനുഷ്യനായിത്തീരുന്നേയില്ല.

വഞ്ചകരാകാതിരിക്കുക... മനുഷ്യനായിത്തീരുക...യഥാർത്ഥ ബിസിനസുകാരനായിത്തീരുക, യഥാർത്ഥ മനുഷ്യനായി തീരുക....

26/04/2026

വിലയും മേന്മയും

ഒരു ബിസിനസുകാരൻ ഗുണമേന്മയുള്ള ഉൽപ്പന്നങ്ങൾ വിൽക്കുന്നതിനിണോ കൂടുതൽ പ്രാമുഖ്യം നൽകേണ്ടത്? അല്ലെങ്കിൽ വില കുറവുള്ള ഉൽപ്പന്നങ്ങളാണോ മുൻഗണനാക്രമത്തിൽ കൊണ്ടുവരേണ്ടത്?

ചെലവുള്ളത് ഏതാണോ അവ സ്റ്റോക്ക് വെക്കണം, അവ വിൽക്കാൻ പ്രാധാന്യം നൽകണം, കൂടുതൽ ലാഭം കിട്ടുന്നതിന് ഊന്നൽ നൽകണം. തുടങ്ങിയ ഉത്തരങ്ങളെല്ലാം ഈ ചോദ്യത്തിനുണ്ടായേക്കും.

ഈ ഉത്തരങ്ങളെല്ലാം ഭാഗികമായി ശരിയായേക്കാം. എന്നാൽ ഒരു ബിസിനസ് എന്ന നിലയിൽ അതിൽ സംരക്ഷിക്കപ്പെടേണ്ട മൂല്യങ്ങൾ മുഴുവൻ ആലോചിക്കുമ്പോൾ, ഒന്നു കൂടി ചിന്തിച്ചതിനുശേഷം മാത്രമേ ഇത്തരം ചോദ്യങ്ങൾക്ക് മറുപടി കണ്ടെത്താവൂ!.
കാരണം ഈ രണ്ട് ഇനങ്ങളിലെയും ഉൽപ്പന്നങ്ങളെ തിരക്കിവരുന്ന ഇടപാടുകാർ നിങ്ങൾക്കുണ്ടായേക്കാം. ആളുകൾ മിക്കവാറും അവരുടെ ബജറ്റ് അനുസരിച്ചായിരിക്കും പർച്ചേസ് നടത്തുന്നത്.
അത്രകണ്ട് ഗുണമേന്മയുള്ള ഉൽപ്പന്നങ്ങൾ ഇപ്പോൾ വേണ്ട, തൽക്കാലത്തേക്ക് ഉപയോഗിക്കാൻ വേണ്ടി അല്പം ഗുണമേന്മ കുറഞ്ഞതായാലും മതി, എന്നെല്ലാം വിചാരിക്കുന്നവർ ഉണ്ടായേക്കും.
എന്നാൽ വാങ്ങുമ്പോൾ നല്ലത് തന്നെ വാങ്ങണം, നമ്മൾ ഉപയോഗിച്ച് ആവശ്യം തീർന്നതിനു ശേഷവും ആ ഉൽപ്പന്നം കേടുകൂടാതെ നമ്മുടെ കയ്യിൽ ഉണ്ടെങ്കിൽ മറ്റാർക്കെങ്കിലും കൊടുക്കാമല്ലോ എന്ന് ചിന്തിക്കുന്നവരും ഇടപാടുകാരിൽ ഉണ്ടായേക്കും.
ഇക്കാര്യങ്ങളെല്ലാം വെച്ച് നോക്കുമ്പോൾ ബിസിനസുകാരൻ ഏതു ഉത്പന്നമാണ് വിൽക്കേണ്ടത് എന്നതിന് പ്രസക്തിയില്ല എന്ന് മനസ്സിലാകുന്നു.

പക്ഷേ അതിനേക്കാൾ പ്രാധാന്യമർഹിക്കുന്നതും തൻറെ ബിസിനസിന്റെ നിലനിൽപ്പിനും, മൂല്യവത്തായി ബിസിനസ് മുന്നോട്ടു കൊണ്ടുപോകുന്നതിനും ആവശ്യമായ ചില സംഗതികളാണ് ഈ ഘട്ടത്തിൽ ചിന്തിക്കേണ്ടത്.
ഏതു ഉൽപ്പന്നം വിൽക്കുന്നുവെങ്കിലും. ഗുണമേന്മയിൽ മുന്തിനിൽക്കുന്നതായാലും, അത്രകണ്ട് ഗുണമേന്മ ഇല്ലാത്തതായിരുന്നാലും വിപണനം നടത്തുന്നതിന് തെറ്റില്ല.
എന്നാൽ ഓരോന്നിന്റെയും ഗുണമേന്മകളെ കുറിച്ചും സവിശേഷതകളെ കുറിച്ചും ഇടപാടുകാരനെ ധരിപ്പിക്കേണ്ടത് ബിസിനസുകാരന്റെ ഉത്തരവാദിത്തമാണ് എന്നോർക്കുക.
വിൽപ്പനക്കാരൻ പറയാതിരുന്നതിന്റെ പേരിൽ താൻ ചതിയിൽപ്പെട്ടു, അയാൾ പറഞ്ഞിരുന്നുവെങ്കിൽ മറ്റേത് വാങ്ങാമായിരുന്നു. എന്നിങ്ങനെയുള്ള ചിന്തകൾ ഇടപാടുകാരനെ അലട്ടാതിരിക്കണം.
വിൽക്കുന്ന സന്ദർഭത്തിൽ തന്നെ ഇക്കാര്യങ്ങളെല്ലാം ഉണർത്തിച്ചാൽ ഇഷ്ടമുള്ളത് തിരഞ്ഞെടുക്കാൻ ഇടപാടുകാരന് പ്രേരകമാകുന്നു.
അതുവഴി ബിസിനസുകാരന് കൂടുതൽ പ്രസിദ്ധി മാത്രമാണ് ഉണ്ടായിത്തീരുന്നത്.
ഇടപാടുകാർ നമ്മോട് അടുത്തുനിൽക്കുകയും ചെയ്യുന്നു

26/04/2026

സാമ്പത്തിക അച്ചടക്കം ജീവിതത്തിന്റെ ഭാഗമാക്കിയവർക്ക് മാത്രമേ വിജയം കൈവരിക്കാൻ കഴിയുകയുള്ളൂ!!.

വരവിന് അനുപാതം ആയിട്ടുള്ള ചെലവുകളാണ് ഉണ്ടാകേണ്ടത്. വരവിൽ കവിഞ്ഞ ചെലവ് ഉണ്ടാകുന്നു എന്നതിനർത്ഥം അയാൾ കടക്കാരനായി എന്നതാണല്ലോ!.
ഒരു ദരിദ്രൻ ദിവസങ്ങൾ കൊണ്ട് പണക്കാരൻ ആയ കഥകൾ കെട്ടുകഥകളിലോ സിനിമകളിലോ നാടകങ്ങളിലും മാത്രമായിരിക്കും.
എന്നാൽ ഒരു പണക്കാരൻ ദിവസങ്ങൾ കൊണ്ട് ദരിദ്രനായ കഥകൾ ജീവിതാനുഭവങ്ങളാണ്.
പലരുടെയും ജീവിതത്തിലുണ്ടായ ഇത്തരം അനുഭവങ്ങളുടെ കഥകൾ ധാരാളമായി ആഖ്യാനം ചെയ്യപ്പെട്ടിട്ടുണ്ട്.

ബിസിനസ്സിൽ ഈ അച്ചടക്കം മറ്റെവിടത്തേക്കാളും വളരെ പ്രധാനവും പ്രസക്തവുമാണ്. പല ബിസിനസുകളും പ്രതീക്ഷക്കൊത്ത് ഉയരാത്തതും, പ്രതീക്ഷകപ്പുറം തകരുന്നതും സാമ്പത്തിക അച്ചടക്കം പാലിക്കാത്തത് ഒന്നുകൊണ്ട് മാത്രമായിരിക്കും.

എങ്ങനെയൊക്കെയാണ് ബിസിനസുകളിൽ വരവിൽ കൂടുതലുള്ള ചെലവുകൾ ഉണ്ടായിത്തീരാൻ ഇട വരുന്നത്.
ഇത്തരം ചില ഘട്ടങ്ങളെക്കുറിച്ച് ഇതിൻറെ തുടർച്ചയായി ചില നിരീക്ഷണങ്ങളും പഠനങ്ങളും നടത്തിയേക്കാം.

26/04/2026

03/06/2025

FOLLOW ME

for valuable business information