05/06/2026
योद्धा एक्सप्रेस न्यूज लाईव्ह
मजकूर/रिपोर्टर: समीर सनदी (महाराष्ट्र सोशल मीडिया अध्यक्ष)
मुख्य संपादक: प्रकाश दंडगव्हाण
खालापूर-महाड मार्गावर लॉरी चालकाला मारहाण; 'योद्धा ग्रुप'च्या कायदेशीर भूमिकेनंतर पोलिसांच्या मध्यस्थीने चालकाला मिळाला न्याय!
नागोठणे (विशेष प्रतिनिधी):
खालापूरहून महाडकडे (नागोठणे पोलीस ठाण्याच्या हद्दीत) MH-43 Y 6057 या क्रमांकाची लॉरी घेऊन जाणारे योद्धा ग्रुपचे सदस्य आणि चालक श्री. नागेश रामचंद्र रत्ने यांना एका कार चालकाने भरचौकात मारहाण केल्याची घटना आज सकाळी घडली. या घटनेनंतर सुरुवातीला काहीसा गोंधळ निर्माण झाला होता, मात्र 'योद्धा ग्रुप' आणि 'योद्धा वाहन चालक मालक हेल्पिंग फाउंडेशन'च्या पदाधिकाऱ्यांनी कायदेशीर बाजू मांडल्यानंतर, नागोठणे पोलिसांनी तातडीने सकारात्मक पाऊल उचलत पीडित चालकाला न्याय मिळवून दिला.
नेमकी घटना काय?
आज सकाळी चालक नागेश रत्ने हे आपली लॉरी घेऊन वाकण (नागोठणे) हद्दीतून जात असताना, MH-46 CR 3171 या क्रमांकाच्या हुंडाई औरा कारला लॉरीचा किरकोळ स्पर्श झाला. या किरकोळ कारणावरून कार चालक अमोल नावाच्या व्यक्तीने थेट भरचौकात लॉरी अडवून नागेश रत्ने यांना मारहाण करण्यास सुरुवात केली. एवढेच नव्हे तर, गाडीतील एका जड पट्टीने लॉरीची बाजूची काच फोडून नागेश यांच्या डोक्यात वार केला. आरोपी अमोल हा आपल्या गाडीवर 'प्रेस' (Press) ची पाटी लावून फिरत होता, ज्यामुळे त्याच्या पत्रकार असण्याबाबत संशय व्यक्त केला जात आहे.
समीर सनदी यांच्या फोननंतर पोलिसांचा आदरयुक्त पवित्रा
घटना नागोठणे पोलीस ठाण्यात पोहोचल्यानंतर सुरुवातीला दोन्ही बाजू ऐकून घेताना ५०-५० टक्के चुकीचा आणि 'हिट अँड रन' संदर्भातील काहीसा तांत्रिक गोंधळ समोर येत होता. परंतु, घटनेची माहिती मिळताच कोल्हापूरहून महाराष्ट्र सोशल मीडिया अध्यक्ष श्री. समीर सनदी यांनी थेट नागोठणे पोलीस ठाण्याचे पीएसआय (PSI) अधिकारी सुरेश पाटील यांच्याशी फोनवर संपर्क साधला.
समीर सनदी यांनी अत्यंत संयमी आणि कायदेशीर भाषेत संपूर्ण घटनेचे गांभीर्य पोलिसांच्या निदर्शनास आणून दिले. 'योद्धा ग्रुप'च्या वरिष्ठ पदाधिकाऱ्यांचा फोन येताच पोलीस अधिकारी सुरेश पाटील यांनी तातडीने योग्य ती दखल घेतली. त्यांनी संघटनेला पूर्ण सन्मान आणि रिस्पेक्ट देत, चालकाची बाजू समजून घेतली व तात्काळ योग्य ती कायदेशीर प्रक्रिया राबवण्यास सुरुवात केली.
'योद्धा ग्रुप'ची एकजूट आणि पोलिसांची सकारात्मक मध्यस्थी
या प्रसंगी मुंबईहून योद्धा ग्रुप संघटनेचे उपाध्यक्ष श्री. सुधीर पौळ साहेब यांनीही संपूर्ण परिस्थितीवर लक्ष ठेवून संघटनेची बाजू मजबूत ठेवली. चालक नागेश यांच्यावर झालेला अन्याय पाहता, जर न्याय मिळाला नसतो तर संघटना तीव्र आंदोलनाच्या पवित्र्यात होती. मात्र, समीर सनदी यांच्या प्रभावी संवादामुळे आणि पोलिसांनी दिलेल्या आदरयुक्त प्रतिसादामुळे प्रकरण पोलीस ठाण्यातच सामोपचाराने मिटवण्याच्या दिशेने गेले.अखेर विजय आपलाच! आरोपीने मागितली लेखी माफी
पोलिसांनी घेतलेली न्याय्य भूमिका आणि योद्धा ग्रुपच्या एकजुटीमुळे आरोपी कार चालक अमोल बॅकफूटवर आला. शेवटी त्याने आपल्या सर्व चुका मान्य केल्या, चालक नागेश रत्ने यांची लेखी माफी मागितली आणि झालेल्या नुकसानीची पूर्ण भरपाई दिली. नागोठणे पोलिसांनी नागेश यांच्यावर कोणताही आर्थिक भार किंवा दंड न पडू देता, सन्मानाने हे प्रकरण निकाली काढले.
हा कठीण प्रसंग कायदेशीर मार्गाने यशस्वीरित्या हाताळण्यासाठी आणि चालकाला न्याय मिळवून देण्यासाठी मुख्य संपादक प्रकाश सर (Dandgawhal) यांचे मोलाचे मार्गदर्शन लाभले. तसेच, सुधीर पौळ साहेब, बापू धम्ने, आबा पाटील आणि समीर सनदी यांचे सहकार्य अत्यंत मोलाचे ठरले. या न्याय्य प्रक्रियेनंतर चालक नागेश रत्ने हे महाडहून चिपळूण (रत्नागिरी जिल्हा) येथे सुखरूप रवाना झाले आहेत.
"वाहन चालकांवर होणारा अन्याय योद्धा ग्रुप कधीही सहन करणार नाही, हे आजच्या घटनेने पुन्हा एकदा सिद्ध केले आहे!"
योद्धा एक्सप्रेस न्यूज लाईव्ह - सर्वसामान्यांचा आणि वाहन चालकांचा हक्काचा आवाज!
Yoddha Express news live YVCM योद्धा एक्सप्रेस न्युज स्टार भारत लाईव्ह एक्सप्रेस Samir Sanadi CMOMaharashtra ABP Majha Nashik City Police Indian National Congress - Maharashtra
