भारतीय शेयर मार्केट

भारतीय शेयर मार्केट Contact information, map and directions, contact form, opening hours, services, ratings, photos, videos and announcements from भारतीय शेयर मार्केट, Market Research Consultant, Navi Mumbai (New Mumbai).

365 solutions PVT.LTD is online stock information provider based in mumbai (india)
follow us to get a information about indian stock market in English and marathi.

25/10/2021

स्मार्ट गुंतवणूक; मल्टी असेट श्रेणीत 'या' योजनेने दिला दमदार परतावा

मुंबई : म्युच्युअल फंडाच्या मल्टी असेट श्रेणीने गेल्या एक, दोन आणि पाच वर्षांत गुंतवणूकदारांना चांगला परतावा दिला आहे. यात सर्वाधिक परतावा आयसीआयसीआय प्रुडेन्शियलच्या मल्टी असेट फंडाने दिला आहे. या फंडाने एक, दोन आणि ५ वर्षांत अनुक्रमे ६४.८%, २५.६८% आणि १४.९५% परतावा दिला आहे.

'SBI'ची बंपर ऑफर; बाजारभावापेक्षा कमी किंमतीत फ्लॅट खरेदीची संधी, कशी ते जाणून घ्या
भारतीय शेअर बाजार सध्या ६१ हजार अंकांच्या आसपास व्यवहार करीत आहे. गेल्या ४ दिवसांत यात अस्थिरता पाहावयास मिळाली आहे. असेट अलोकेशन (मालमत्ता वाटप)बाबत गुंतवणूकदारांनी सावधता बाळगावी असा सल्ला गेल्या काही महिन्यांपासून बाजारातील तज्ज्ञ देत आहेत. अशा परिस्थितीत, मल्टी असेट फंड गुंतवणूकदारांसाठी एक चांगला पर्याय घेऊन येतात.

24/10/2021

Forex Reserves: देशाच्या परकीय चलनसाठ्यात वाढ; आकडा ६४१ अब्ज डॉलरवर

नवी दिल्ली : १५ ऑक्टोबर रोजी संपलेल्या आठवड्यात देशाचा परकीय चलन साठा १.४९२ अब्ज डॉलरने वाढून ६४१.००८ अब्ज झाला आहे. आरबीआयने शुक्रवारी (२२ ऑक्टोबर) यासंदर्भातील आकडेवारी जाहीर केली. ८ ऑक्टोबर रोजी संपलेल्या याआधीच्या आठवड्यात, २.०३९ अब्ज डॉलरच्या साठ्यात वाढ झाली होती. ३ सप्टेंबर २०२१ ला संपलेल्या आठवड्यात ६४२.४५३ अब्ज डॉलर्सचा उच्चांक गाठला होता.

परकीय चलन साठा वाढण्याचे कारण
१५ ऑक्टोबरला संपलेल्या सप्ताहात परकीय चलन मालमत्ता (एफसीए) मध्ये झालेली वाढ हे परकीय चलन साठ्यात वाढ होण्याचे मुख्य कारण होते. रिझर्व्ह बँक ऑफ इंडियाने (आरबीआय) जारी केलेल्या साप्ताहिक आकडेवारीनुसार, एफसीए ९५० दशलक्ष डॉलरने वाढून ५७७.९५१ अब्ज डॉलरवर पोहोचले आहेत.

24/10/2021

Citi Bank: 'ही' विदेशी बँक खरेदी करण्याची शर्यत; HDFC, अॅक्सिस, कोटक महिंद्रा यांमध्ये जोरदार स्पर्धा
नवी दिल्ली : अमेरिकन बहुराष्ट्रीय बँक सिटी बँकेने भारतातील व्यवसाय गुंडाळण्यास सुरवात केली आहे. त्यांनी हा व्यवसाय विकण्याची तयारी सुरू आहे. माध्यमातून प्रसिद्ध होणाऱ्या वृत्तांनुसार, एचडीएफसी बँक, अॅक्सिस बँक, कोटक महिंद्रा बँक आणि इंडसइंड बँकेने सिटी बँकेचे इंडिया ऑपरेशन्स खरेदी करण्यासाठी बोली लावली आहे. त्याची मुदत २२ ऑक्टोबर रोजी संपली.

डीबीएस बँकेने यापूर्वीही म्हटले होते की, ते सिटीबँकचा भारतातील व्यवसाय खरेदी करण्यास इच्छुक आहे. काही लोकांच्या मते, डीबीएस बँकेने बोली प्रक्रियेत भाग घेतला नाही. असे मानले जात होते की, जेव्हा सिटीबँक आपले भारतीय कामकाज विकेल, तेव्हा खरेदीदारांकडून चांगली पसंती मिळेल, पण सिटीग्रुपने जादा व्हॅल्युएशनची मागणी केल्यामुळे अनेक खरेदीदारांनी माघार घेतली.

07/08/2021

डिजिटल करन्सीला तेजी; इथेरियमचा भाव दोन महिन्यांच्या उच्चांकावर, बिटकॉइन महागला

मुंबई : मागील तीन सत्रातील तेजीला ब्रेक बसला असून आज शुक्रवारी क्रिप्टो करन्सीच्या किमतीत वाढ झाली आहे. आज इथेरियमचा भाव ४.२३ टक्क्यांनी वधारला असून तो दोन महिन्यांच्या उच्चांकी पातळीवर गेला आहे. बिटकॉइनमध्ये देखील आज तेजी दिसून आली आहे.
आज इथेरियमच्या किमतीत ४.२३ टक्के वाढ झाली आहे. इथेरियमचा भाव २८०३.६७ डॉलर इतका वाढला. मागील दोन महिन्यातील इथेरियमचा हा उच्चांकी स्तर आहे. सॉफ्टवेअर अपग्रेडनंतर क्रिप्टो करन्सीमध्ये वाढ झाल्याचे बोलले जाते.

06/08/2021

RBI चे थोड्याच वेळात पतधोरण; कर्ज स्वस्त होणार की वाट पहावी लागणार, जाणकारांचा 'हा' आहे अंदाज

मुकरोनाच्या दुसऱ्या लाटेत अर्थव्यवस्थेचे प्रचंड नुकसान झाले आहे. ते भरून काढण्यासाठी मागील पतधोरणात रिझर्व्ह बँकेने रोकड सुलभतेचे उपाय केले होते. मात्र दरम्यानच्या काळात महागाईचा पारा वाढल्याने आज शुक्रवारी जाहीर होणाऱ्या पतधोरणात व्याजदर कपातीची शक्यता धूसर बनली आहे. रिझर्व्ह बँकेकडून व्याजदर जैसे थे ठेवले जाण्याची शक्यता जाणकारांनी व्यक्त केली आहे.

05/08/2021

सिमेंट उद्योगात गुंतवणूक ; 'नूवोको विस्तास कॉर्पोरेशन'चा ५००० कोटींचा आयपीओ
मुंबई : देशातील पाचवी सर्वात मोठी सिमेंट कंपनी असलेल्या नूवोको विस्तास कॉर्पोरेशन लिमिटेड आणि क्षमतेच्या बाबतीत पूर्व भारतामधील सर्वात मोठी सिमेंट कंपनी मानली जाते.नूवोको विस्तासने इक्विटी शेअरचा प्रारंभिक सार्वजनिक विक्रीची योजना जाहीर केली आहे. ही योजना सोमवार ९ ऑगस्ट २०२१ रोजी खुली होत असून बुधवार ११ ऑगस्ट २०२१ रोजी बंद होईल. याठी प्रती शेअर ५६० ते ५७० रुपये किंमतपट्टा निश्चित करण्यात आला आहे.

27/07/2021


परिस्थिती बेताची तरीही तो निर्णय घेणार नाही; अर्थमंत्री सीतारामन यांनी दिले संसदेत 'हे' उत्तर

नवी दिल्ली : कोव्हीडने निर्माण झालेल्या आर्थिक संकटाला तोंड देण्यासाठी विविध स्तरातून सरकारला नोटा छपाई करण्याचा सल्ला देण्यात येत असला तर अशा प्रकारचा कोणताही निर्णय घेणार नाही, असे स्पष्ट मत अर्थमंत्री निर्मला सीतारामन यांनी मांडले. संसदेत सीतारामन यांनी अतिरिक्त चलन छपाईवर स्पष्ट शब्दात उत्तर देत हा मुद्दा निकाली काढला.

सरकारची आर्थिक स्थिती बेताची असल्याने चलनी नोटांची अतिरिक्त छपाई करणार का असा लेखी प्रश्न संसदेत आज विचारण्यात आला. त्यावेळी सीतारामन यांनी स्पष्ट शब्दांत असा कोणताही विचार नाही, असे उत्तर दिले.
करोनाचा गेल्या वर्षी अर्थव्यवस्थेला जबर फटका बसला होता. दिर्घकाळ लाॅकडाउन असल्याने कर संकलनात मोठी घसरण झाली. त्यातून काही प्रमाणात सावरत असताना दुसऱ्या लाटेने अर्थव्यवस्थेचे जबर नुकसान केले. त्यामुळे अर्थचक्राला चालना देणे, रोजगार निर्मिती वाढवण्यासाठी सरकाने अतिरिक्त चलन छपाई करावी असा सल्ला अर्थतज्ज्ञ आणि जाणकारांनी दिला होता.

आर्थिक वर्ष २०२०-२१ मध्ये जीडीपी उणे ७.३ टक्के होता. अर्थव्यवस्थेला उभारी देण्यासाठी सरकारने आत्मनिर्भर भारत योजना जाहीर केली. यामध्ये विविध क्षेत्रांना एकूण २९.८७ लाख कोटी देण्यात आले. याशिवाय २०२१-२२ च्या बजेटमध्ये देखील अनेक उपाय योजना जाहीर करण्यात आल्याची माहिती सीतारामन दिली.

यंदाच्या अर्थसंकल्पात भांडवली खचर्चात ३४.५ टक्के वाढीव तरतूद करण्यात आली आहे. करोना संकटाची तीव्रता पाहता यंदा आरोग्य क्षेत्रासाठी १३७ टक्के वाढीव निधी जाहीर करण्यात आला. सार्वजनिक आरोग्य सेवा सुधारण्यासाठी सरकारने ६.२९ लाख कोटींचे पॅकेज जाहीर केले. रोजगार निर्मितीसाठी केंद्र सरकारने महत्वाचे निर्णय घेतले असल्याचे सीतारामन यांनी सांगितले.

20/07/2021


विमा दाव्यांचा त्वरित निपटारा; पावसाचा फटका बसलेल्या ग्राहकांना 'एसबीआय जनरल'चा दिलासा
शहर आणि उपनगराला झोडपून काढणाऱ्या पावसाने प्रभावित झालेल्या ग्राहकांना एसबीआय जनरल इन्शुरन्स’ ◆SBI GENERAL INSURANCE◆ने दिलासा दिला आहे. दादर, सायन, चेंबूर, परळ, कुर्ला, चुनाभट्टी, वडाळा आणि टिळक नगर, विक्रोळी व भांडूप अशा उपनगरांना अतिमुसळधार पाऊस, दरडी कोसळणे आणि जास्तीच्या जल उत्सर्जनाचा मोठा फटका बसला होता. यात वाहनांचे देखील नुकसान झाले.

18/07/2021

'क्रिप्टोकरन्सी'मध्ये गुंतवणूक करताय; तुम्हाला भरावा लागू शकतो कर, जाणून घ्या माहिती

नवी दिल्ली : करोना संकट आणि एकामागून एक सुरू असलेल्या लॉकडाउनने नागरिकांना उत्पन्नाचे अन्य पर्याय शोधण्यास भाग पाडले आहे. उत्पन्न वाढवे यासाठी काहीनी घरूनच स्वतःचा व्यवसाय सुरु केला आहे. काहींनी शेअर बाजार, आयपीओ यामध्ये गुंतवणूक केली आहे. तर अधिक परताव्याची काही जण जोखीम असलेल्या आभासी चलनांमध्ये गुंतवणूक करत आहे. मात्र या आभासी चलनांमधून नफा कमावला तर गुंतवणूकदाराला कर भरावा लागण्याची शक्यता आहे.

17/07/2021

'रिलायन्स रिटेल'चा'जस्ट डायल'वर ताबा; तब्बल ३४९७ कोटींना खरेदी केला मालकी हिस्सा
रिलायन्स समूहातील किरकोळ व्यापार क्षेत्रातील कंपनी असलेल्या रिलायन्स रिटेल व्हेंचर्स लिमिटेडने आज जस्ट डायल या डेटाबेस कंपनीतील मालकी हिस्सा खरेदी केल्याची घोषणा केली आहे. रिलायन्स रिटेलने जस्ट डायलमधील ३०.९५ टक्के हिस्सा ३४९७ कोटींना खरेदी केली आहे. रिटेल व्यवसायात आघाडी घेण्यासाठी रिलायन्सकडून केलेली ही मोठी खेळी आहे.

'

15/07/2021

'झोमॅटो'चा IPO तासाभरात फुल्ल ! गुंतवणूकदारांचा पहिल्याच दिवशी तुफान प्रतिसाद

अवाजवी बाजार मूल्याने चर्चेत आलेल्या झोमॅटोच्या आयपीओला आज पहिल्याच दिवशी तुफान प्रतिसाद मिळाला आहे. आज आयपीओ खुला झाल्यानंतर अवघ्या सव्वा तासात किरकोळ गुंतवणूकदारांचा हिस्सा पूर्ण सबस्क्राईब झाला आहे.

या समभाग विक्री योजनेसाठी प्रती समभाग ७२ ते ७६ किंमतपट्टा निश्चित करण्यात आला आहे. गुंतवणूकदारांना किमान १९५ समभागांसाठी आणि त्यानंतर १९५ च्या पटीत अर्ज करता येणार आहे. या योजनेत किरकोळ गुंतवणूकदारांसाठी १० टक्के हिस्सा राखीव आहे.

या आयपीओद्वारे ९००० कोटींचे नवीन समभाग आणि ३७५ कोटींचे समभाग विक्रीसाठी उपलब्ध करून दिले जाणार आहेत. या आयपीओ योजनेत ६५ लाख समभाग पत्र कर्मचाऱ्यांकरिता विहित प्रमाणात खरेदीसाठी राखीव ठेवण्यात येणार असून हे प्रमाण कंपनीच्या आयपीओ पश्चात एकूण समभाग भांडवलाच्या ५ टक्क्यांपेक्षा अधिक असणार नाही.

ग्रे मार्केटमध्ये (zomato) 'झोमॅटो'ची तेजी काळवंडली; IPO च्या पूर्वसंध्येला शेअर प्रीमियम गडगडला फूड डिलिव्हरी स्टार्टअप...
14/07/2021

ग्रे मार्केटमध्ये (zomato) 'झोमॅटो'ची तेजी काळवंडली; IPO च्या पूर्वसंध्येला शेअर प्रीमियम गडगडला

फूड डिलिव्हरी स्टार्टअप असलेल्या झोमॅटोने नुकताच समभाग विक्रीची (IPO) घोषणा केली. कंपनीकडून शेअर विक्रीतून ९३७५ कोटीचे भांडवल उभारले जाणार आहे. १४ जुलै २०२१ पासून हा 'आयपीओ' खुला होणार आहे, मात्र कंपनीच्या अवाजवी बाजार मूल्यावरून सुरु झालेल्या चर्चांनी कंपनीला फटका बसण्याची शक्यता आहे. 'आयपीओ' खुला होण्याच्या पूर्वसंध्येलाच ग्रे मार्केटमध्ये झोमॅटोच्या शेअरवरील प्रीमियममध्ये मोठी घसरण झाली आहे.
'आयपीओ'साठी झोमॅटोने सादर केलेल्या बाजार मूल्यावरून सोशल मीडियावर जोरदार चर्चा रंगली आहे. तब्बल ६०००० कोटीचे बाजारमूल्य असल्याचा दावा झोमॅटो 'आयपीओ'च्या प्रस्तावात केला आहे.

Address

Navi Mumbai (New Mumbai)

Website

Alerts

Be the first to know and let us send you an email when भारतीय शेयर मार्केट posts news and promotions. Your email address will not be used for any other purpose, and you can unsubscribe at any time.

Shortcuts

Share

Category