27/09/2026
चिमुकलीच्या न्यायासाठी विश्रांतवाडी पेटली; पुन्हा रास्ता रोको, फास्टट्रॅक खटल्याचे आश्वासन
अक्षराज : प्रणिल कुसाळे
पुणे : विश्रांतवाडी १२ वर्षीय चिमुकलीवरील कथित लैंगिक अत्याचाराच्या प्रकरणाने विश्रांतवाडीतील संताप पुन्हा रस्त्यावर उतरला. आज विश्रांतवाडी पोलीस ठाण्यासमोर मोठ्या संख्येने नागरिक आणि महिला एकत्र आले. ‘चिमुकलीला न्याय मिळालाच पाहिजे’ अशी जोरदार मागणी करत आंदोलकांनी रास्ता रोको केला. आवश्यक कलमांची वाढ करून संशयित आरोपीविरुद्ध कठोरात कठोर कायदेशीर कारवाई करावी, अशी मागणी यावेळी करण्यात आली.
या प्रकरणातील ५२ वर्षीय संशयित आरोपीला पोलिसांनी अटक केली असून, तपासादरम्यान BNS कलम ६५(२) तसेच POCSO कायद्यातील कलम ८, ६ आणि १२ वाढविण्यात आल्याची माहिती आहे. मात्र, या कारवाईनंतरही नागरिकांचा संताप कायम राहिला. चिमुकलीच्या न्यायासाठी आता कोणतीही दिरंगाई नको, अशी भूमिका आंदोलकांनी घेतली.
परिमंडळ-४ चे पोलीस उपायुक्त र�
