VIKAS ADVERTISEMENT

12/07/2026

🎥 प्रजेचा विकास YouTube चॅनलमध्ये तुमचे स्वागत! 🙏

📰 ताज्या बातम्या
📢 महत्त्वाच्या जाहिराती
🎬 नवीन आणि उपयुक्त व्हिडिओ

हे सर्व पाहण्यासाठी आमच्या चॅनलला आजच भेट द्या.

👉 https://youtube.com/shorts/NSn9b251exs?si=ZPNzvm-9JlC_QOJ2

व्हिडिओ आवडला तर 👍 Like करा, 💬 Comment करा, 📤 Share करा आणि "प्रजेचा विकास" YouTube चॅनलला 🔔 Subscribe करायला विसरू नका.

तुमचा पाठिंबा आम्हाला अधिक दर्जेदार आणि विश्वासार्ह माहिती तुमच्यापर्यंत पोहोचवण्यासाठी प्रेरणा देतो.

धन्यवाद! 🙏❤️

Enjoy the videos and music you love, upload original content, and share it all with friends, family, and the world on YouTube.

08/07/2026

https://www.facebook.com/share/p/1U3xXbV1Po/

#संपादकीय
'स्मार्ट' शहराचा अंधार आणि जनतेचा उजेडातील प्रश्न"

किवळे परिसरातील नागरिक गेल्या अनेक दिवसांपासून पाऊस, पाणी साचणे, वीजपुरवठा खंडित होणे, रस्त्यांची दुरवस्था आणि विस्कळीत नागरी व्यवस्थेचा सामना करत आहेत. विकासाच्या मोठमोठ्या घोषणा, स्मार्ट सिटीचे गाजावाजा आणि कोट्यवधी रुपयांच्या विकासकामांच्या दाव्यांनंतरही प्रत्यक्षात नागरिकांच्या वाट्याला अंधार, चिखल आणि हालअपेष्टाच येत असतील, तर हा विकास नेमका कोणासाठी, असा प्रश्न विचारण्याची वेळ आली आहे.

स्मार्ट शहर म्हणजे केवळ आकर्षक फलक, रंगरंगोटी किंवा कागदावरील आराखडे नव्हेत. नागरिकांना अखंड वीज, स्वच्छ पाणी, पावसाचे प्रभावी नियोजन, दर्जेदार रस्ते आणि तातडीची प्रशासनिक मदत मिळणे, हीच खरी स्मार्ट व्यवस्थेची ओळख आहे. मात्र किवळ्यातील वास्तव याच्या नेमके उलट चित्र दाखवते.

पाच-पाच दिवस वीज नसणे, नळांना पाणी न येणे, तर दुसरीकडे रस्त्यांवर पूर साचणे, खड्ड्यांमुळे वाहतुकीचा बोजवारा उडणे आणि आपत्कालीन परिस्थितीत संबंधित अधिकारी व लोकप्रतिनिधी नागरिकांच्या संपर्कात नसल्याची भावना निर्माण होणे, ही अत्यंत गंभीर बाब आहे. संकटाच्या काळात प्रशासनाने केवळ बैठका घेऊन चालत नाही; जनतेच्या अडचणीच्या ठिकाणी प्रत्यक्ष उपस्थित राहून उपाययोजना करणे ही त्यांची जबाबदारी आहे.

नागरिक नियमितपणे मालमत्ता कर, पाणीपट्टी आणि इतर कर भरतात. त्या बदल्यात त्यांना मूलभूत सुविधा मिळणे हा त्यांचा अधिकार आहे. कर वसुलीत तत्पर असलेली यंत्रणा नागरिकांच्या अडचणी सोडविताना मात्र संथ का पडते, याचे उत्तर प्रशासनाने द्यायला हवे.

किवळे हे वाढत्या नागरीकरणाचे महत्त्वाचे केंद्र बनत आहे. नव्या इमारती, वाढती लोकसंख्या आणि वाढत्या गरजा लक्षात घेऊन पायाभूत सुविधांचे नियोजनही त्याच वेगाने होणे आवश्यक आहे. अन्यथा 'स्मार्ट' हा शब्द केवळ फलकांपुरताच मर्यादित राहील आणि नागरिकांच्या मनात प्रशासनाविषयीचा विश्वास आणखी कमी होईल.

ही टीका कोणत्याही व्यक्ती, पक्ष किंवा संस्थेविरुद्ध नसून जनतेच्या वेदनेला आवाज देण्याचा प्रयत्न आहे. प्रशासन, लोकप्रतिनिधी आणि संबंधित यंत्रणांनी परस्परांवर जबाबदारी ढकलण्याऐवजी तातडीने वीजपुरवठा सुरळीत करणे, पाणी साचण्याच्या समस्या दूर करणे, रस्त्यांची दुरुस्ती करणे आणि नागरिकांशी सातत्याने संवाद ठेवणे आवश्यक आहे.

'स्मार्ट सिटी'ची खरी परीक्षा उद्घाटनाच्या फिती कापण्यात नसते, तर संकटाच्या काळात नागरिकांना दिलासा देण्यात असते. किवळेकरांना आश्वासनांची नव्हे, तर प्रत्यक्ष कामांची गरज आहे. विकासाचा खरा अर्थ लोकांच्या आयुष्यातील अंधार दूर करण्यात आहे. अन्यथा 'स्मार्ट शहर' ही संकल्पना केवळ घोषणांपुरतीच मर्यादित राहील आणि जनतेच्या मनात एकच प्रश्न कायम राहील—"यापेक्षा खरंच बरं होतं आमचं किवळे गाव!"

—पञकार - विकास कडलक
संपादक- प्रजेचा विकास
मो.नं.9970280443/9075280443

27/06/2026

14/05/2026

लोकांना मी तेवढाच माहिती आहे जेवढा त्यांनी मला पाहिलाय आणि जेवढा मी त्यांना सांगितले मला ओळखायला आणि मला समजायला लय अवघड आहे.
#प्रजेचा_विकास

#विकास_कडलक



#वर्धापन_दिन