03/03/2018
ऊद्योजक मित्र :: Udyojak Mitra:
नवीन व्यवसायाचे मार्केटींग, सेल्स आणि अर्थशास्त्र
व्यवसाय सुरु केल्यानंतर सुरुवातिची मार्केटींग कशी असावी, पहीले सहा महीने आर्थिक दृष्ट्या कसे असतात याविषयी थोडक्यात...
पहीला महीना ::
मी एक चटनी बनवायचा गृह उद्योग सुरु केला
कंपनी सुरु करताना मार्केट ची माहिती घेतली
अपेक्षीत ग्राहक म्हणजे किराणा दुकान, हाॅटेल ई ची यादी बनवली
या प्रत्येक किराणा दुकानात व हाॅटेलात स्वतः पॅकेट घेउन गेलो
प्रत्येकाला पाच पाच पॅकेट सँपल म्हणुन दिले
सँपल देताना त्यांना गुणवत्तेची माहिती सांगीतली
किंमतीची माहिती दिली
शंभर किराणा दुकान व हाॅटेल मधे सँपल दिले
प्रत्येकाला सांगीतलं वापरुन पहा, रिझल्ट बघा, मग आॅर्डर द्या...
या महीन्यात उत्पन्न शुन्य आहे, फक्त खर्च चालू आहे
दुसरा महीना ::
पाच दिवसांनी प्रत्येकाकडे परत गेलो...
५० जण म्हणाले माल विकला गेला, उरलेले पन्नास म्हणाले माल अजुन तसाच आहे
ज्यांचा माल गेला त्या पन्नास पैकी पाच म्हणाले टेस्ट आवडली आहे लोकांना, एक बाॅक्स टाका...
ही माझी व्यवसायाची सुरुवात...
दुसऱ्या दिवशी पाच दुकानात/हाॅटेलात माल टाकला...
दोघांनी लगेच पैसे दिले तिघांनी दोन दिवसांनी देतो म्हणुन सांगीतले...
सुरुवातीला थोडी तडजोड करावी लागते, उधारी मान्य केली
या काळात मी आर्थीक दृष्ट्या मी तोट्यात आहे, पण ग्राहक मिळायला लागले
तीसरा महीना ::
माल टाकायला सुरुवात झाली
सोबत आणखी काही ग्राहकांना सँपल दिले
पहील्या शंभ पैकी जे पन्नास बाकी होते त्यातल्या काही जणांनी व नवीन मार्केटींग करताना काही जणांनी असे एकुन आणखी पाच जणांनी माल टाकायला लावला...
आता माझ्याकडे दहा ग्राहक झाले...
मी अजुनही तोट्यात आहे, पण ग्राहक १००% नी वाढलेत...
_
चौथा महीना ::
या दहा ग्राहकांना योग्य माल पुरवण्याचे काम सुरळीत सुरु झाले...
हळूहळू मार्केटमधे माझ्या चटणिची मागणी वाढली
आणखी दहा दुकानदारांनी मला आॅर्डर दिली
त्यांनाही माल टाकायला लागलो
आता मी एकुन २० जणांना माल देतोय
या महीन्यातही मी पुर्णपणे तोट्यात आहे... पण ग्राहक आणखी १००% नी वाढलेत
_
पाचवा महीना ::
आता माझ्या ग्राहकांशी माझे चांगले संबंध झालेत
मी त्यांच्याकडून रेफरन्स घेतले
प्रत्येकाकडुन किमान पाच रेफरन्स घेतले
म्हणजे एकुन १०० रेफरंस मिळाले
या शंभर जणांना भेटलो
या महीन्यात नवीन ग्राहकांत प्रगती नाही पण आहे त्यांच्याकडून आॅर्डर वाढली आहे... कारण त्यांच्या ग्राहकांची मागणी वाढली
व्यवसाय अजुनही तोट्यातच आहे, पण तरिही आॅर्डर वाढली आहे...
_
सहावा महीना ::
ज्या नवीन १०० रेफरंस ला भेटलो त्यांच्यापैकी २० जणांनी होकार दर्शवला
आता ग्राहक एकुन ४० झाले
प्रत्येकाला चांगला माल पुरवायला सुरुवात केली
खवैय्यांची मागणी वाढली
दुकानदारांकडुन, हाॅटेल चालकांकडून आॅर्डर वाढायला लागली....
माझा तोट्यात व्यवसाय करण्याचा हा शेवटचा महीना...
आता माझा व्यवसाय सुरु झाला...
यापुढचे सहा महीने ना नफा ना तोटा किंवा अतिशय किरकोळ नफा या प्रकारेच चालतील
पण माझे ग्राहक आणि माझ्या आॅर्डर वाढत असतील...
म्हणजे धंदा वाढतोय..
धंदा वाढला कि नफा आपोआपच मिळत असतो, म्हणुन पहीले वर्षभर मी आर्थिक नफ्याकडे लक्ष न देता माझा व्यवसाय वाढवण्यासाठी प्रयत्न करत राहील
वर्षभरानंतर मग आर्थिक नफा आणि व्यवसायात वाढ याचे योग्य नियोजन जुळवून व्यवसायाची पुढील पायरी पार करेल
तुमचा घरगुती व्यवसाय असो वा चांगली मोठी कंपनी असो सुरुवात अशीच असते... घरगृती व्यवसायात तुम्ही स्वतः फिरता, मोठ्या व्यवसायात आधी तुमचा विक्री प्रतिनिधी फिरतो नंतर तुम्ही...
पहीले सहा महीने हातात काहीच येत नाही, पुढचे सहा महीने तुम्ही काही गमवत नाही....
आणि यानंतर तुम्हाला कुणी थांबवू शकत नाही
हे थोडं अवघड वाटेल... पगारासारख्या उत्पन्नाची अपेक्षा असणाऱ्यांना थोडं त्रासदायक ठरेल...
पण व्यवसाय असाच असतो...
यात बदल होत नसतो.
तुम्हाला फसवी आश्वासने देउन तुमचा भ्रमनिरास करण्यापेक्षा वास्तव दाखवुन परिस्थितीसाठी तयार करणे महत्वाचे आहे....
तेच करण्याचा माझा नेहमी प्रयत्न असतो....
व्यवसाय साक्षर व्हा...
उद्योजक व्हा...
समृद्धव्हा...
_
श्रीकांत आव्हाड
www.ShrikantAvhad.com
.......................