17/12/2014
અમેરિકાને OVERTAKE કરી ભારત બીજા ક્રમાંકે પહોંચશે
- ૨૦૧૪ના અંત સુધીમાં ૨૮ કરોડથી વધુ ઈન્ટરનેટ યુઝર્સ સાથે
૨૧મી સદીને ટેકનોલોજીની સદી તરીકે તજજ્ઞાોએ રજુ કરી છે. દર વર્ષે બદલાતી જતી ટેકનોલોજી સાથે પગ મેળવીને ચાલવામાં નહિ આવે તો નવી પેઢીને નોલેજ મેળવવામાં કેટલાક અંશે નુકશાન થવાની શક્યતા છે. આ નુકશાનને અટકાવવા તથા લોકોને નવી ટેકનોલોજી સાથે સતત અપડેટ કરવા શહેરમાં દર વર્ષે 'ગૂગલ ડેવલપર્સ ગુ્રપ અમદાવાદ' દ્વારા અનોખા ફેસ્ટિવલનું આયોજન કરવામાં આવે છે, જેમાં ગુજરાત સહિત દેશભરમાંથી ફિલ્ડના ટોપ એક્સપર્ટ દ્વારા નવી ટેકનોલોજી, એપ્લિકેશન્સ અને ઈન્ટરનેટ ક્ષેત્રે થતાં ફેરફારો અંગે લોકોને માહિતી પૂરી પાડવામાં આવે છે.
આ વખતના ગુગલ ડેવલપર્સ ફેસ્ટમાં સ્માર્ટફોન પર ડ્રાઈવરનું લાઈસન્સ ડિસ્પ્લે થવું, ઈમેજ ટ્રાન્સલેશન, ઓટોમેટિક લેન્ગવેજ ડીટેકશન, સ્માર્ટફોન ઓપરેટેડ ડ્રોન્સ, ૧ અઠવાડિયા ચાલી શકે તેવી મોબાઈલ બેટરી જેવા ગૂગલ પ્રોજેક્ટ્સ તથા અન્ય કેટલાક પ્રોજેકટ્સ અંગે જરૃરી ચર્ચાઓ કરાઇ. શહેરમાં યોજાયેલા ગૂગલ ડેવલપર્સ ફેસ્ટના આયોજક પરેશ માયાણી કહે છે કે ફેસ્ટમાં ભાગ લેનાર લોકોની સંખ્યામાં દર વર્ષે વધારો થઇ રહ્યો છે, જે દર્શાવે છે કે લોકોને ટેકનોલોજી ક્ષેત્રે થતા અવનવા રિસર્ચ અને પ્રોજેક્ટ્સ વિષે જાણવાની ઈચ્છાઓ છે અને ટેકનોલોજી સાથે આગળ વધવા માંગે છે. ગૂગલ કલાઉડ, વેબસાઈટ ડેવલપમેન્ટ ચેલેન્જિસ અંગે એક્સપર્ટ સાથે ચર્ચાઓ કરી લોકો માહિતગાર થયાં હતાં. આ અંગે ગૂગલ ડેવલપર એક્સપર્ટ દુષ્યંત જાડેજા કહે છે કે, આ વર્ષના અંત સુધીમાં ભારત દેશ ઈન્ટરનેટ યુઝર્સની સંખ્યા વધવાની સાથે અમેરિકાને પછાડી ૨૮ કરોડથી વધુ યુઝર્સ સાથે બીજા ક્રમાંકે પહોંચશે. ગૂગલ ડેવલપર્સ ફેસ્ટના કો-ઓર્ગેનાઈઝર ધુ્રમિલ શાહે જણાવ્યું હતું કે, કોઈપણ ઉંમરની વ્યક્તિને ટેકનોલોજી અંગે માહિતગાર કરવાથી નવી નવી દિશાઓમાં અવનવી તકો ઉભી થઇ શકે છે. એપ્લિકેશન અને સાધનનું યોગ્ય કો-ઓડનેશન એક નવી ટેકનોલોજીની જરૃરિયાત પણ ઉભી કરી શકે છે.
ભવિષ્યમાં કેવા મોબાઈલ જોવા મળશે
* ૪K(૪૦૦૦) ડિસ્પ્લે
* ૮થી ૧૬ જીબી RAM
* ૧ TB સ્ટોરેજ કેપેસિટી
* મોબાઈલની આગળ-પાછળ ડિસ્પ્લે ઉપરાંત બાકીની ૪ કોર્નરનો પણ ઉપયોગ
* એક ક્રેડિટ કાર્ડની સાઈઝ જેટલો SLIM ફોન
* ફક્ત વિડીયો આધારિત મોબાઈલ applications
* ૧ weekની બેટરી લાઈફ