https://www.facebook.com/757543427452766/

BJD Rayagada, Rayagada, Odisha, Rayagada (2026)

08/08/2026

ବିଭିନ୍ନ ରାଜନୈତିକ ଦଳରୁ ଦଳବଦଳ କରି #ଆସିଥିବା_୪୫ ଜଣ ସାଂସଦଙ୍କ ସହ ପ୍ରଧାନମନ୍ତ୍ରୀ Narendra Modi ଙ୍କ ବୈଠକକୁ ନେଇ ଏବେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି। ଯେଉଁମାନଙ୍କ ବିରୋଧରେ ପୂର୍ବରୁ ତଦନ୍ତକାରୀ ସଂସ୍ଥାଗୁଡ଼ିକର ତଦନ୍ତ, ମାମଲା କିମ୍ବା ରାଜନୈତିକ ବିବାଦ ନେଇ ପ୍ରଶ୍ନ ଉଠିଛି, ସେମାନଙ୍କ ମଧ୍ୟରୁ ଅନେକଙ୍କ ରାଜନୈତିକ ଶିବିର ପରିବର୍ତ୍ତନ ପରେ ପରିସ୍ଥିତି ବଦଳିଥିବା ନେଇ ବିରୋଧୀମାନେ ପ୍ରଶ୍ନ ଉଠାଇ ଆସୁଛନ୍ତି।

ତେବେ ଏବେ ପ୍ରଶ୍ନ ହେଉଛି ଏହି ବୈଠକ କେବଳ ସାଧାରଣ ରାଜନୈତିକ ଆଲୋଚନା ନା କୌଣସି ବଡ଼ ରାଜନୈତିକ ଯୋଜନାର ପୂର୍ବାଭାସ? ଜନତାଙ୍କ ମନରେ ସ୍ୱାଭାବିକ ଭାବେ ପ୍ରଶ୍ନ ଉଠୁଛି ଦଳ ଭାଙ୍ଗିବ, ନେତା ବଦଳିବେ, ଆଉ ଗଣତନ୍ତ୍ରର ଦିଗ କିଏ ନିର୍ଦ୍ଧାରଣ କରିବ? ଆଜି ବୈଠକ ହେଉଛି, କାଲି କ’ଣ ହେବ ତାହା ସମୟ କହିବ। କିନ୍ତୁ ଜନତା ସବୁ ଦେଖୁଛନ୍ତି, ସବୁ ବୁଝୁଛନ୍ତି। ସତ୍ତାର ଖେଳ ଯେତେ ବଡ଼ ହେଉ, ଶେଷ ନିଷ୍ପତ୍ତି ଜନତାଙ୍କର।
Naveen Patnaik
Biju Janata Dal Odisha
Biju Janata Dal Rayagada

07/08/2026

ରାୟଗଡ଼ା ଜିଲ୍ଲାର ବିଷମକଟକ ବିଧାନସଭା ନିର୍ବାଚନମଣ୍ଡଳୀ ଅନ୍ତର୍ଗତ #କଲ୍ୟାଣସିଂହପୁର ବ୍ଲକରେ ଦୀର୍ଘଦିନ ଧରି ଜନସାଧାରଣଙ୍କ ବିଭିନ୍ନ ସମସ୍ୟାର ସମାଧାନ ହେଉନଥିବା, ଉନ୍ନୟନମୂଳକ କାର୍ଯ୍ୟରେ ସ୍ୱଚ୍ଛତାର ଅଭାବ ଓ ପ୍ରଶାସନ ଦଳମତ ଭିତ୍ତିରେ କାର୍ଯ୍ୟ କରୁଥିବା ଅଭିଯୋଗକୁ ନେଇ Biju Janata Dal Rayagada ପକ୍ଷରୁ ଏକ ପ୍ରତିନିଧି ଦଳ ଜିଲ୍ଲା ସଭାପତି ଶ୍ରୀଯୁକ୍ତ Jagannath Sarakaଙ୍କ ନେତୃତ୍ୱରେ ବ୍ଲକ କାର୍ଯ୍ୟାଳୟକୁ ଯାଇଥିଲେ। ପ୍ରତିନିଧି ଦଳ ବ୍ଲକ ବିକାଶ ଅଧିକାରୀ #ବିଡିଓ ଙ୍କ ସହ ସାକ୍ଷାତ୍ କରି ଜନସାଧାରଣଙ୍କ ସମସ୍ୟା ଓ ବିଭିନ୍ନ ଅଭିଯୋଗ ଉପସ୍ଥାପନ କରିବାକୁ ଚାହିଁଥିଲେ। କିନ୍ତୁ ବିଡିଓ କାର୍ଯ୍ୟାଳୟରେ ଉପସ୍ଥିତ ନଥିବାରୁ ପ୍ରତିନିଧି ଦଳ ଉପଜିଲ୍ଲାପାଳ ଙ୍କୁ ସାକ୍ଷାତ୍ କରି ସମସ୍ତ ବିଷୟ ଅବଗତ କରାଇଥିଲେ।

ବିଜୁ ଜନତା ଦଳ ପକ୍ଷରୁ ଅଭିଯୋଗ କରାଯାଇଛି ଯେ, ଗତ ଦୁଇ ବର୍ଷ ଧରି କଲ୍ୟାଣସିଂହପୁର ବ୍ଲକର ସମିତି ବୈଠକ ଅନୁଷ୍ଠିତ ହୋଇନାହିଁ, ଯାହା ସ୍ଥାନୀୟ ସ୍ୱଶାସନ ବ୍ୟବସ୍ଥା ପ୍ରତି ଅବହେଳାର ସ୍ପଷ୍ଟ ପ୍ରମାଣ। ଏହାସହ ବ୍ଲକର ବିଭିନ୍ନ ଉନ୍ନୟନମୂଳକ କାର୍ଯ୍ୟରେ ନିରପେକ୍ଷତା ପରିବର୍ତ୍ତେ ଦଳମତ ଭିତ୍ତିକ କାର୍ଯ୍ୟ ହେଉଥିବା ନେଇ ମଧ୍ୟ ପ୍ରତିନିଧି ଦଳ ଉଦ୍ବେଗ ପ୍ରକାଶ କରିଥିଲେ। ଏହି ଅବସରରେ ପ୍ରତିନିଧି ଦଳ ସ୍ଥାନୀୟ ଜନପ୍ରତିନିଧି ଓ ଅଞ୍ଚଳବାସୀଙ୍କ ସହ ମିଶି ସେମାନଙ୍କ ଦୁଃଖଦୁର୍ଦ୍ଦଶା, ଅଭାବ-ଅସୁବିଧା ଓ ବିଭିନ୍ନ ଜନସମସ୍ୟା ସମ୍ପର୍କରେ ପଚାରି ବୁଝିଥିଲେ ଏବଂ ସେମାନଙ୍କ ଦାବିକୁ ପ୍ରଶାସନ ସମ୍ମୁଖରେ ଦୃଢ଼ତାର ସହ ଉପସ୍ଥାପନ କରିଥିଲେ।

ଏହି କାର୍ଯ୍ୟକ୍ରମରେ ବିଜେଡି ରାୟଗଡ଼ାର ବିଧାୟକ ପ୍ରାର୍ଥିନୀ ଶ୍ରୀମତୀ Anusaya Majhi, ଜିଲ୍ଲା ପରିଷଦ ଅଧ୍ୟକ୍ଷା କୁମାରୀ ସରସ୍ଵତୀ ମାଝୀ ସରସ୍ଵତୀ , ଜିଲ୍ଲା ବିଜେଡିର କାର୍ଯ୍ୟକାରୀ ସଭାପତି ଶ୍ରୀଯୁକ୍ତ #ପି_ଗୌରୀ_ଶଙ୍କର_ରାଓଙ୍କ ସମେତ କଲ୍ୟାଣସିଂହପୁର ବ୍ଲକର ବହୁ ବରିଷ୍ଠ ନେତୃମଣ୍ଡଳୀ, ଜନପ୍ରତିନିଧି ଓ ଦଳୀୟ କର୍ମୀମାନେ ଉପସ୍ଥିତ ଥିଲେ। ଜନସ୍ୱାର୍ଥ ହିଁ ବିଜୁ ଜନତା ଦଳର ପ୍ରଥମ ପ୍ରାଥମିକତା। ଲୋକଙ୍କ ଅଧିକାର, ସ୍ୱଚ୍ଛ ପ୍ରଶାସନ ଓ ସମାନ ଉନ୍ନତି ପାଇଁ ବିଜୁ ଜନତା ଦଳର ସଂଗ୍ରାମ ଅବିରତ ରହିବ।
Naveen Patnaik
Mission 125+

06/08/2026

ସରକାର ଯେତେବେଳେ ଜନସାଧାରଣଙ୍କ କର ଟଙ୍କା ଖର୍ଚ୍ଚ କରନ୍ତି, ସେଥିର ପ୍ରତ୍ୟେକ ଟଙ୍କାର ସଠିକ୍ ରେକର୍ଡ ଓ ସ୍ୱଚ୍ଛ ହିସାବ ରହିବା ଆବଶ୍ୟକ। ଅଡିଟ୍‌ରେ ଉଲ୍ଲେଖ ହୋଇଥିବା ଦାବି ଅନୁଯାୟୀ, କେନ୍ଦ୍ର ସରକାରଙ୍କ ବିଭିନ୍ନ ବିଭାଗର ଆର୍ଥିକ ପରିଚାଳନାକୁ ନେଇ ଗୁରୁତର ପ୍ରଶ୍ନ ଉଠିଛି।
ଅଡିଟ୍‌ରେ ଦର୍ଶାଯାଇଛି ଯେ ₹54,୦୦୦ କୋଟିରୁ ଅଧିକ ସରକାରୀ ଧନର ବ୍ୟୟ ପାଇଁ ଯଥେଷ୍ଟ #ଦସ୍ତାବିଜି_ପ୍ରମାଣ ଉପଲବ୍ଧ ନାହିଁ। ଏହାଠାରୁ ମଧ୍ୟ ଅଧିକ ଚିନ୍ତାଜନକ କଥା ହେଉଛି, ପ୍ରାୟ 34,୦୦୦ଟି ସହାୟକ ଦସ୍ତାବିଜ, ଯାହା ଖର୍ଚ୍ଚର ସରକାରୀ ପ୍ରମାଣ ଭାବେ କାମ କରେ, ତାହା ମିଳିନାହିଁ। ଏହି ଦସ୍ତାବିଜ ବିନା ଗୃହ ନିର୍ମାଣ, ଶିକ୍ଷା ଓ ବିକାଶମୂଳକ ଯୋଜନା ପାଇଁ ଧନ ସଠିକ୍ ଭାବରେ ବ୍ୟବହୃତ ହୋଇଛି କି ନାହିଁ, ତାହା ସ୍ୱାଧୀନ ଭାବେ ଯାଞ୍ଚ କରିବା କଷ୍ଟକର।

ଅଡିଟ୍‌ରେ ଆହୁରି କିଛି ହିସାବଗତ ଅନିୟମିତତାର ଉଲ୍ଲେଖ ହୋଇଛି। ଏଥିରେ କୁହାଯାଇଛି ଯେ ₹12,୦୦୦ କୋଟିରୁ ଅଧିକ ରାଶି #ଭୁଲ_ହିସାବ ଶୀର୍ଷରେ ଲିପିବଦ୍ଧ କରାଯାଇଥିଲା, ଯାହା ସରକାରୀ ଆର୍ଥିକ ରେକର୍ଡର ସଠିକତାକୁ ନେଇ ପ୍ରଶ୍ନ ସୃଷ୍ଟି କରିଛି। ଏହା ସହିତ, ପ୍ରାୟ ₹9,୦୦୦ କୋଟି ନିର୍ଦ୍ଦିଷ୍ଟ ଖାତାକୁ ସମୟମତେ ସ୍ଥାନାନ୍ତର କରାଯାଇନଥିବା ମଧ୍ୟ ଉଲ୍ଲେଖ ରହିଛି, ଯାହା ସରକାରୀ ଯୋଜନାର କାର୍ଯ୍ୟକାରିତା ଓ ନିରୀକ୍ଷଣକୁ ପ୍ରଭାବିତ କରିପାରେ
Biju Janata Dal Odisha ର ପ୍ରଶ୍ନ ସ୍ପଷ୍ଟ ଯଦି ଏହି ଅଭିଯୋଗ ଭୁଲ, ତେବେ କେନ୍ଦ୍ର Bharatiya Janata Party (BJP) ଦେଶବାସୀଙ୍କ ସାମ୍ନାରେ ସମ୍ପୂର୍ଣ୍ଣ ସତ୍ୟ ରଖୁନ୍ତୁ। ଯଦି ସଠିକ୍, ତେବେ ଲୋକଙ୍କ ଟିକସ ଟଙ୍କାର ହିସାବ କେଉଁଠି? ଦେଶବାସୀଙ୍କ ଟଙ୍କା କେଉଁଠି ଖର୍ଚ୍ଚ ହେଲା? କାହିଁକି ଏତେ ବଡ଼ ଅନିୟମିତତା ଉପରେ ସରକାର ସ୍ପଷ୍ଟ ଉତ୍ତର ଦେଉନାହାନ୍ତି?

ବିଜୁ ଜନତା ଦଳ ଦୃଢ଼ତାର ସହ କହୁଛି ଲୋକଙ୍କ ଟଙ୍କା ଲୋକଙ୍କ ଉନ୍ନତି ପାଇଁ ବ୍ୟବହାର ହେବା ଦରକାର, ପ୍ରଚାରର ଚକଚକି ପାଇଁ ନୁହେଁ। କେନ୍ଦ୍ର ବିଜେପି ସରକାର ଏହି ଅଭିଯୋଗଗୁଡ଼ିକ ଉପରେ ତୁରନ୍ତ ସ୍ପଷ୍ଟୀକରଣ ଦିଅନ୍ତୁ ଏବଂ ଦେଶବାସୀଙ୍କ ବିଶ୍ୱାସ ରକ୍ଷା କରନ୍ତୁ।
Naveen Patnaik
Biju Janata Dal Rayagada
Mission 125+

05/08/2026

ରାୟଗଡ଼ାରେ ଗତ ବର୍ଷ ନଭେମ୍ବର ୨, ୨୦୨୫ରେ #ସାଇବର_ସୁରକ୍ଷା_ସଡ଼କ_ସୁରକ୍ଷା_ସଚେତନତା ପାଇଁ District Administration, Rayagada ପକ୍ଷରୁ ୫ କିଲୋମିଟର ମାରାଥନ ଆୟୋଜନ କରାଯାଇଥିଲା। ଏହା ନିଶ୍ଚିତ ଭାବେ ଏକ ପ୍ରଶଂସନୀୟ ପଦକ୍ଷେପ। କିନ୍ତୁ ଅତ୍ୟନ୍ତ ଦୁଃଖର ବିଷୟ, ସେହି ପ୍ରତିଯୋଗିତାରେ ସଫଳତା ହାସଲ କରିଥିବା ଖେଳାଳିମାନେ ଆଜି ପର୍ଯ୍ୟନ୍ତ ସେମାନଙ୍କ ପ୍ରାପ୍ୟ ପୁରସ୍କାର ପାଇନାହାନ୍ତି। ଦୀର୍ଘ ୮ ମାସ ବିତିଯାଇଥିଲେ ମଧ୍ୟ ପୁରସ୍କାରରାଶି ମିଳିନାହିଁ, ପ୍ରତିଶ୍ରୁତି ଦିଆଯାଇଥିବା କପ୍‌ ମଧ୍ୟ ପ୍ରଦାନ କରାଯାଇନାହିଁ।

Biju Janata Dal Odisha ର ଦୃଢ଼ ମତ ଖେଳାଳିଙ୍କ ପରିଶ୍ରମ, ସ୍ୱପ୍ନ ଓ ଆତ୍ମସମ୍ମାନ ସହ କୌଣସି ପ୍ରକାରର ଅବହେଳା ଗ୍ରହଣୀୟ ନୁହେଁ। ପୁରସ୍କାରର ଟଙ୍କା ଯେତେ ବଡ଼ କଥା ନୁହେଁ, ତା'ଠାରୁ ବଡ଼ କଥା ହେଉଛି ଖେଳାଳିଙ୍କ ବିଶ୍ୱାସ ଓ ସମ୍ମାନ। ଆମର ଦାବି, ବିଜେତା ଖେଳାଳିମାନଙ୍କୁ ସେମାନଙ୍କ ପ୍ରାପ୍ୟ ପୁରସ୍କାର ଓ କପ୍‌ ତୁରନ୍ତ ପ୍ରଦାନ କରାଯାଉ। ଖେଳାଳିଙ୍କ ସ୍ୱପ୍ନକୁ ପ୍ରୋତ୍ସାହନ ଦିଅନ୍ତୁ, ନିରାଶା ନୁହେଁ।
Naveen Patnaik
Biju Janata Dal Rayagada

05/08/2026

ଓଡ଼ିଶାରେ ଶିଳ୍ପ ବିକାଶ ଓ ରୋଜଗାର ସୃଷ୍ଟିର ଦାବି ମଧ୍ୟରେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ରରୁ ଏକ ଚିନ୍ତାଜନକ ଚିତ୍ର ସାମ୍ନାକୁ ଆସିଛି। କେନ୍ଦ୍ର ସରକାର ସଂସଦରେ ଦେଇଥିବା ତଥ୍ୟ ଅନୁଯାୟୀ, #ଓଡ଼ିଶାର_୩୪୫୩ଟି MSME ବନ୍ଦ ହୋଇଛି।

ତଥ୍ୟ ଅନୁଯାୟୀ, ୨୦୨୧–୨୨ରେ ୧୧୮, ୨୦୨୨–୨୩ରେ ୨୧୨, ୨୦୨୩–୨୪ରେ ୪୩୧, ୨୦୨୪–୨୫ରେ ୮୭୫ ଏବଂ ୨୦୨୫–୨୬ରେ ସର୍ବାଧିକ ୧,୮୧୭ଟି MSME ବନ୍ଦ ହୋଇଛି। ଅର୍ଥାତ୍ ମାତ୍ର ପାଞ୍ଚ ବର୍ଷ ମଧ୍ୟରେ ବନ୍ଦ ହେଉଥିବା ଉଦ୍ୟୋଗ ସଂଖ୍ୟା ଦ୍ରୁତ ଗତିରେ ବଢ଼ିଛି।

ଜିଲ୍ଲାଭିତ୍ତିକ ତଥ୍ୟରେ #ଖୋର୍ଦ୍ଧାରେ ୬୦୧, #କଟକରେ ୨୯୩, #ଗଞ୍ଜାମରେ ୨୩୬, #ବାଲେଶ୍ୱରରେ ୨୧୨, #ସୁନ୍ଦରଗଡ଼ରେ ୧୫୨, #ଭଦ୍ରକରେ ୧୫୧, #ପୁରୀରେ ୧୪୭, #ରାୟଗଡ଼ାରେ ୪୪ MSME ବନ୍ଦ ହୋଇଥିବା ଉଲ୍ଲେଖ ରହିଛି।

ଏମଏସଏମଇ କ୍ଷେତ୍ରକୁ ଦେଶର ଅର୍ଥନୀତିର ମେରୁଦଣ୍ଡ ବୋଲି କୁହାଯାଏ। ଓଡ଼ିଶାରେ ମଧ୍ୟ କୃଷି ପରେ ସର୍ବାଧିକ ରୋଜଗାର ସୃଷ୍ଟି କରୁଥିବା କ୍ଷେତ୍ର ହେଉଛି MSME। ରାଜ୍ୟ MSME ବିଭାଗ ଅନୁଯାୟୀ, ଏହି କ୍ଷେତ୍ର ଉତ୍ପାଦନ ଓ ରପ୍ତାନିରେ ମଧ୍ୟ ଗୁରୁତ୍ୱପୂର୍ଣ୍ଣ ଅବଦାନ ରଖେ। ଏହି ପରିସ୍ଥିତିରେ Biju Janata Dal Odisha ଦଳ ପ୍ରଶ୍ନ କି ଯଦି ଶିଳ୍ପ ବିକାଶ ଏବଂ ରୋଜଗାର ସୃଷ୍ଟି ସରକାରଙ୍କ ପ୍ରାଥମିକତା, ତେବେ ଏତେ ସଂଖ୍ୟାରେ ଛୋଟ ଉଦ୍ୟୋଗ କାହିଁକି ବନ୍ଦ ହେଉଛି? ଉଦ୍ୟୋଗୀମାନେ କି ସହଜ ଋଣ, ବଜାର ସୁବିଧା, କାର୍ଯ୍ୟକାରୀ ପୁଞ୍ଜି ଏବଂ ସରକାରୀ ସହାୟତା ପାଇବାରେ ସମସ୍ୟାର ସମ୍ମୁଖୀନ ହେଉଛନ୍ତି?

ଏତେ ବଡ଼ ସଂଖ୍ୟାରେ MSME ବନ୍ଦ ହେବା ସରକାରଙ୍କ ଶିଳ୍ପ ନୀତିର କାର୍ଯ୍ୟକାରିତା ଉପରେ ପ୍ରଶ୍ନ ସୃଷ୍ଟି କରୁଛି। ସେମାନଙ୍କ ଦାବି ହେଉଛି, ଛୋଟ ଉଦ୍ୟୋଗୀଙ୍କ ପାଇଁ ସହଜ ଋଣ, ସମୟମତେ ସରକାରୀ ପେମେଣ୍ଟ, ବଜାର ସହାୟତା ଓ ଶିଳ୍ପବନ୍ଧୁ ନୀତିକୁ ଆହୁରି ସୁଦୃଢ଼ କରିବା ଆବଶ୍ୟକ। ଓଡ଼ିଶାର ପ୍ରକୃତ ବିକାଶ ସେତେବେଳେ ସମ୍ଭବ, ଯେତେବେଳେ ନୂଆ ଶିଳ୍ପ ଗଢ଼ିଉଠିବା ସହିତ ପୂର୍ବରୁ ଚାଲୁଥିବା ଛୋଟ ଉଦ୍ୟୋଗମାନେ ମଧ୍ୟ ସୁରକ୍ଷିତ ରହିବେ।
Naveen Patnaik
Biju Janata Dal Rayagada

05/08/2026

ରାୟଗଡ଼ା ଜିଲ୍ଲାର ଯୁବ ନେତା ତଥା ବିଜୁ ଯୁବ ଜନତା ଦଳର ରାଜ୍ୟ ଉପସଭାପତି ଶ୍ରୀଯୁକ୍ତ Pinku Panda ଭାଇଙ୍କୁ ଜନ୍ମଦିନର ଅବସରରେ Biju Janata Dal Rayagada ତରପରୁ ହାର୍ଦ୍ଦିକ ଅଭିନନ୍ଦନ ଓ ଅଶେଷ ଶୁଭେଚ୍ଛା।

ପ୍ରଭୁ ଶ୍ରୀଜଗନ୍ନାଥଙ୍କ ଅସୀମ କୃପା ଆପଣଙ୍କ ଉପରେ ସଦା ସର୍ବଦା ବର୍ଷିତ ହେଉ। ଆପଣ ସୁସ୍ଥ, ଦୀର୍ଘାୟୁ, ସଫଳ ଓ ଯଶସ୍ୱୀ ହୁଅନ୍ତୁ। ସମାଜସେବା ଓ ଲୋକକଲ୍ୟାଣ ପ୍ରତି ଆପଣଙ୍କ ନିଷ୍ଠା ଆହୁରି ସୁଦୃଢ଼ ହେଉ ଏବଂ ଜୀବନର ପ୍ରତ୍ୟେକ କ୍ଷେତ୍ରରେ ନୂତନ ସଫଳତା ଲାଭ କରନ୍ତୁ,ଏହାହିଁ ପ୍ରଭୁ ଜଗନ୍ନାଥଙ୍କ ନିକଟରେ ଆମର ପ୍ରାର୍ଥନା।
Naveen Patnaik
Biju Janata Dal Odisha
Mission 125+

04/08/2026

ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକର #ରିବଲକଣା_ହାଇସ୍କୁଲରୁ ସାମ୍ନାକୁ ଆସିଥିବା ଦୃଶ୍ୟ ଅତ୍ୟନ୍ତ ଦୁଃଖଦ ଓ ଚିନ୍ତାଜନକ। ଅଭିଯୋଗ ରହିଛି ଯେ ସପ୍ତମ ଓ ଅଷ୍ଟମ ଶ୍ରେଣୀର କିଛି ଛାତ୍ରଛାତ୍ରୀ ଦଶମ ଶ୍ରେଣୀର କିଛି ଛାତ୍ରଙ୍କ ଦ୍ୱାରା ହଇରାଣ ଓ ମାଡ଼ପିଟର ଶିକାର ହୋଇଛନ୍ତି। ଯଦି ଏହି ଅଭିଯୋଗ ସତ୍ୟ ପ୍ରମାଣିତ ହୁଏ, ତେବେ ଏହା କେବଳ ଏକ ବିଦ୍ୟାଳୟର ସମସ୍ୟା ନୁହେଁ, ବରଂ ଆମ ସମାଜ ପାଇଁ ଗୁରୁତର ସତର୍କ ସଙ୍କେତ।

Biju Janata Dal Rayagada ପକ୍ଷରୁ ଏହି ଘଟଣା ପ୍ରତି ଗଭୀର ଦୁଃଖ ପ୍ରକାଶ କରିବା ସହ District Administration, Rayagada , ଜିଲ୍ଲ ଶିକ୍ଷା ବିଭାଗ ଓ ବିଦ୍ୟାଳୟର ସମ୍ପୃକ୍ତ କର୍ତ୍ତୃପକ୍ଷଙ୍କୁ ଅନୁରୋଧ କରୁଛୁ ଯେ ଘଟଣାର ତୁରନ୍ତ ନିଷ୍ପକ୍ଷ ତଦନ୍ତ କରାଯାଉ। ବିଦ୍ୟାଳୟ ହେଉଛି ଜ୍ଞାନ, ଶୃଙ୍ଖଳା, ସଂସ୍କାର ଓ ମାନବିକତାର ମନ୍ଦିର। ସେଠାରେ କୌଣସି ପିଲା ଭୟଭୀତ ହୋଇ ନୁହେଁ, ବରଂ ନିରାପଦ ଓ ସମ୍ମାନଜନକ ପରିବେଶରେ ଶିକ୍ଷା ଗ୍ରହଣ କରିବା ଉଚିତ। ର୍ୟାଗିଂ, ବୁଲିଂ କିମ୍ବା ହିଂସା ପରି ଘଟଣା ପ୍ରତି ଶୂନ୍ୟ ସହନଶୀଳତା ନୀତି ଅନୁସରଣ କରାଯିବା ଆବଶ୍ୟକ।
Naveen Patnaik
Mission 125+

04/08/2026

ଓଡ଼ିଶାର ସାଧାରଣ ଲୋକ ଦିନରାତି ପରିଶ୍ରମ କରି #ଟିକସ ଦେଉଛନ୍ତି। ସେହି ଟଙ୍କାରେ ସରକାର ସ୍କୁଲ, ହସ୍ପିଟାଲ, ରାସ୍ତା, ପାନୀୟ ଜଳ ଓ ଚାଷୀଙ୍କ ସହାୟତା ଭଳି ମୌଳିକ ସେବାକୁ ଶକ୍ତିଶାଳୀ କରିବା ଉଚିତ୍। କିନ୍ତୁ ଯେଉଁ ତଥ୍ୟ ସାମ୍ନାକୁ ଆସୁଛି, ତାହା ଜନସାଧାରଣଙ୍କ ମନରେ ଗମ୍ଭୀର ପ୍ରଶ୍ନ ସୃଷ୍ଟି କରୁଛି।

ତଥ୍ୟ ଅନୁଯାୟୀ ସରକାରୀ #ସିଙ୍ଗାପୁର ଭ୍ରମଣ ଅତିଥି ରହଣି ପାଇଁ ୮୫୪ଟି ରୁମ୍ ବୁକ୍ କରାଯାଇଥିଲା। ଏଥିପାଇଁ #ଟଙ୍କା_୨_୬୧_୦୧_୮୨୯ (୨ କୋଟି ୬୧ ଲକ୍ଷ ୧ ହଜାର ୮୨୯ ଟଙ୍କା) ଖର୍ଚ୍ଚ ହୋଇଥିବା କଥା ଉଲ୍ଲେଖ ହୋଇଛି। ଏହା ସହିତ ବିଦେଶ ଗସ୍ତ ଓ ଲକ୍ଷାଧିକ ଟଙ୍କାର ସୁଇଟ୍‌ରେ ରହିବାକୁ ନେଇ ମଧ୍ୟ ପ୍ରଶ୍ନ ଉଠୁଛି। ଏପଟେ ଚାଷୀ ସମସ୍ୟାରେ, ଯୁବକ ଚାକିରି ପାଇଁ ହତାଶ, ରୋଗୀ ଚିକିତ୍ସା ପାଇଁ ହଇରାଣ, ଆଦିବାସୀ ଅଞ୍ଚଳରେ ମୌଳିକ ସୁବିଧାର ଅଭାବ ଅନ୍ୟପଟେ ଜନତାଙ୍କ ଟଙ୍କାରେ ବିଳାସପୂର୍ଣ୍ଣ ଖର୍ଚ୍ଚ।

ଲୋକଙ୍କ ପ୍ରଶ୍ନ ଓଡ଼ିଆଙ୍କ ଟିକସ ଟଙ୍କାର ଜବାବଦେହି କିଏ ନେବ? ସରକାର ଏହି ଖର୍ଚ୍ଚର ସମ୍ପୂର୍ଣ୍ଣ ବିବରଣୀ ସାର୍ବଜନୀନ କରିବେ କି? ବିକାଶ ଠାରୁ ବିଳାସିତା ବଡ଼ କାହିଁକି? ଲୋକଙ୍କ ଟଙ୍କା ଲୋକଙ୍କ ବିକାଶ ପାଇଁ ବ୍ୟୟ ହେଉ, ବିଳାସିତା ପାଇଁ ନୁହେଁ।
Naveen Patnaik
Biju Janata Dal Odisha
Biju Janata Dal Rayagada

03/08/2026

ଅଭିଭକ୍ତ କୋରାପୁଟର ଜୀବନରେଖା ରାୟପୁର ବିଶାଖାପାଟଣା #ଭାରତମାଳା_ଜାତୀୟ_ରାଜପଥକୁ ନେଇ ଗଭୀର ଉଦ୍ବେଗ। ଆଜି ଯେଉଁ ବର୍ଷା ପରେ ରାଜପଥର ଏକ ସ୍ଥାନରେ ବିରାଟ ପଥର ଖସି ପଡ଼ି ରାସ୍ତାରେ ବଡ଼ ଗାତ ସୃଷ୍ଟି ହୋଇଥିବା ଘଟଣା ସମସ୍ତଙ୍କ ଚିନ୍ତା ବଢ଼ାଇଛି। ପ୍ରଭୁ ଜଗନ୍ନାଥଙ୍କ ଅସୀମ କୃପାରୁ କୌଣସି ଜୀବନହାନି ଘଟିନାହିଁ। ଯଦି ଏହି ରାସ୍ତାରେ ସାଧାରଣ ଯାତାୟାତ ଚାଲୁ ଥାନ୍ତା, ପରିସ୍ଥିତି କେତେ ଭୟାବହ ହୋଇପାରୁଥାନ୍ତା, ଏହି ପ୍ରଶ୍ନ ଆଜି ସମସ୍ତଙ୍କ ମନରେ।

ଅଭିଭକ୍ତ କୋରାପୁଟ ଜିଲ୍ଲାର ଲକ୍ଷ ଲକ୍ଷ ଲୋକ ଏହି ରାଜପଥ ଉପରେ ନିର୍ଭର କରିବେ। ସେଥିପାଇଁ ଆମର ସରକାର ଓ ହାଇୱେ କର୍ତ୍ତୃପକ୍ଷଙ୍କୁ ସିଧାସଳଖ ପ୍ରଶ୍ନରାଜପଥର ସମ୍ପୂର୍ଣ୍ଣ Safety Audit ଓ Quality Inspections ଏବଂ ପାହାଡ଼ ଢାଳର ସ୍ଥିରତା ଏବଂ ଭୂ-ବୈଜ୍ଞାନିକ ବିପଦର ଯାଞ୍ଚ କ ସରିଛି କି ନହେଲେ ସମ୍ପୂର୍ଣ୍ଣ ଯାଞ୍ଚ କରନ୍ତୁ।

ଜନସାଧାରଣଙ୍କ ସୁରକ୍ଷାକୁ ପ୍ରାଥମିକତା ଦେଇ Proper Security & Safety Clearance ମିଳିବା ପରେ ମାତ୍ର ରାଜପଥ ଲୋକଙ୍କୁ ଅନୁମତି ଦିଅନ୍ତୁ।

ଦେଶର ବିଭିନ୍ନ ସ୍ଥାନରେ ନୂତନ ଭିତ୍ତିଭୂମି ପ୍ରକଳ୍ପରେ ଘଟୁଥିବା ଦୁର୍ଘଟଣାରୁ ଶିକ୍ଷା ନେବା ଆବଶ୍ୟକ। ବିକାଶ ନିଶ୍ଚିତ ଭାବେ ଦରକାର, କିନ୍ତୁ ଜନସୁରକ୍ଷା ସହ କୌଣସି ପ୍ରକାରର ଆପୋଷ ଗ୍ରହଣୀୟ ନୁହେଁ।

Biju Janata Dal Odisha ପକ୍ଷରୁ ଆମର ଦାବି ସମ୍ପୂର୍ଣ୍ଣ ସୁରକ୍ଷା, ଗୁଣାତ୍ମକ ଯାଞ୍ଚ ଓ ଆବଶ୍ୟକୀୟ କ୍ଲିୟରାନ୍ସ ସମାପ୍ତ କରିବା ପରେ ମାତ୍ର ରାଜପଥକୁ ସାଧାରଣ ଯାତାୟାତ ପାଇଁ ଖୋଲାଯାଉ। ଅଭିଭକ୍ତ କୋରାପୁଟର ଲୋକଙ୍କ ଜୀବନର ସୁରକ୍ଷା ସର୍ବପ୍ରଥମ।
Naveen Patnaik
Biju Janata Dal Rayagada
Nitin Gadkari
National Highways Authority of India - NHAI

02/08/2026

On behalf of the Biju Janata Dal Rayagada family, we extend our heartfelt wishes to all our friends, well-wishers, party workers, and supporters on this special occasion of .

Friendship is more than just a bond, it is built on trust, respect, unity, and selfless service. Let us continue to strengthen these values and work together for the progress of our society and the development of Odisha.
Naveen Patnaik
Biju Janata Dal Odisha

BJD Rayagada

08/08/2026

07/08/2026

06/08/2026

05/08/2026

05/08/2026

05/08/2026

04/08/2026

04/08/2026

03/08/2026

02/08/2026

Address

Website

Alerts

Shortcuts

Share

Category

Listing takedown request