What are the opening hours?

Monday 9am - 6pm Tuesday 9am - 6pm Wednesday 9am - 6pm Thursday 9am - 6pm Friday 9am - 6pm Saturday 9am - 5pm

https://www.facebook.com/107190610692710/

Vidyarthi Printing Press, Vidyarthi Printing Press, Sonar Ali, Near Nagar Panchayat, Shahapur (2026)

25/12/2025

Imagine a shape & convert it in reality!!!
Customised toppers, tags and stickers of any shape & design😍

07/03/2023

तुम्हा सर्वांसोबत तारखेची एक गंमत शेअर करतो, ज्याचा उल्लेख आजोबा नेहेमी करायचे...
"आपला प्रेस ७-३-१९३९ ला सुरु झाला आणि शहापूरातील ग. वि. खाडे विद्यालय ही शाळा त्याच वर्षात ३-७-१९३९ या दिवशी"
प्रेस आणि शाळा एकाच वर्षात सुरु झाल्या...
नाईक मास्तरांच्या आणि गावातील अनेक प्रतिष्ठित व्यक्तींच्या प्रयत्नातून शाळा सुरू झाल्याची आठवण मी आजोबांकडून ऐकली आहे... त्यावेळची शाळेची, त्यासाठी केलेल्या निधी सहाय्याची अनेक पत्रके आजही जतन केलेली आहेत.. ती वेळोवेळी आपण सर्वांसोबत शेअर करेनच...

आजच्या या वर्धापन दिनी आपल्या सर्वांचे मन:पूर्वक आभार !
- श्रीरंग सुधीर पटवर्धन

27/12/2022

पत्रिका छपाईचा कार्यवाह (पोस्ट २)

पूर्वीच्या काळी खलीता आणि त्यानंतर भारतात पोस्ट खाते आल्यावर ' पत्र ' या माध्यमातून ख्यालीखुशाली किंवा काहीं निरोप एकमेकांना कळत असे..
पत्र लिहितानाही त्याची सुरुवात गणपती, कुलदैवत किंवा इष्टदैवत यांचे नाव लिहून होत असे...
मग त्यानंतर ज्याला पत्र लिहितो आहे त्याला उद्देशून स.न.वि.वि. किंवा सविनय प्रणाम.. असे लिहून मग मूळ पत्राचा आशय, त्यानंतर "लहानांस आशीर्वाद, मोठ्यांस शि. सा. न." आणि अंती "आपला नम्र, अमुक अमुक" ने पत्राचा शेवट होत असे..
गंमत अशी आहे की, लग्नपत्रिका हे मुळात एक पत्र आहे हेच आपण विसरलो आहोत..
आजही आपण पाहिलं तर पत्रलेखनाची जी शैली आहे तीच लग्नपत्रिकेमध्ये आहे... लग्नपत्रिका म्हणजे खरं तर साध्या शब्दात सांगायचं तर सुशोभित केलेलं पत्र आहे...
गणपती, कुलदैवत आणि इष्ट देवतेचे स्मरण.. स.न.वि.वि.... मुख्य मायना लिहिताना लग्नाची दिनांक, मुहूर्त, उपस्थित राहण्यासाठी विनंती..आणि आपले नम्र किंवा आपले स्नेहांकित लिहून त्याखाली हा संदेश लिहिणाऱ्या व्यक्तीचं नाव... खरं तर आपले नम्र नंतर जे काही नाव आपण लिहितो ते नाव हा आजच्या पोस्ट चा मुख्य विषय आहे...
साधारणपणे हे नाव म्हणजे पत्र लिहिणारा (या बाबतीत लग्न घरातील मोठी/कर्ती व्यक्ती)

पत्राच्या बाबतीत पाहिलं तर मसुद्याअंती लिहिलेले नाव ही त्या व्यक्तीची सही आहे...
आणि आपण जेव्हा एखाद्याला हे बोलावणं करतो.. तेव्हा शेवटी श्रीयुत अमुक अमुक असं लिहीत नाही...
त्यामुळे त्या नावाच्या आधी "श्री." लावणं हे पत्र लेखनाच्या दृष्टीनं खरं योग्य नाही..
त्यात परत घरातली वयानी मोठी / कर्ती पुरुष मंडळी आधी सही करत असतं.. असं मानलं तर पुरुषांची नावं उजवीकडे आणि त्यांच्या सौभाग्यवतींची नावं डावीकडे ही योग्य पद्धत आहे...

आज लोकांना टाकायची नावं कुठली आणि सह्या कुठल्या हेच समजत नाही.. त्यामुळे सरसकट सगळ्यांच्या नावामागे "श्री." लावलं जातं...
पण खर तर शक्यतो "आपले स्नेहांकित" किंवा "आपले नम्र" तसेच "वरील विनंतीस मान देऊन....." या खालील नावांना "श्री." लावू नये.. पत्रलेखनाच्या दृष्टीने ते चूक आहे...

पण हा विचार आता कोणाच्या लक्षातही नाही...
आत्ताच्या साधारण ५०-६० वय असलेल्या बहुतांशी व्यक्तींच्या लग्नपत्रिकांमध्ये नावांपुढे "श्री." दिसणार नाही...
आजही आम्ही एकदा हा ' विचार ' ग्राहकाला सांगून बघतो.. पण नावापुढे श्री. लावणं हे एवढं रुढ झालं आहे की पटकन ते पटणं कठीण आहे...
तरीही भाषा आणि लेखनावर प्रेम करणाऱ्या सर्वांच्या माहितीसाठी ही पोस्ट...

- श्रीरंग सुधीर पटवर्धन
विद्यार्थी प्रिंटिंग प्रेस

24/12/2022

पत्रिका छपाईचा कार्यवाह -

प्रेस मध्ये सध्या लग्नपत्रिकांचं काम सुरू आहे...
दोन दिवसांपूर्वी एक जण पत्रिका फायनल करून आणि मजकूर देऊन गेले होते... मी नेहेमी मजकूर ग्राहकासंमोर वाचून घेतो.. आणि मला ज्या काही सुधारणा सुचवाव्या वाटतात त्या सुचवतो...
तसंच वाचत असताना "कार्यवाहक" शब्द मला खटकला.. मी त्या आलेल्या काकांना सांगितलं बाकी सगळं बरोबर लिहून आणलं आहे तुम्ही.. फक्त "कार्यवाहक" असा शब्द नाही, तो "कार्यवाह" आहे.. तेवढा बदल करून घेतो ..
त्यावेळी त्यांनी थोडी नाराजीनेच मान हलवली..
"दोन दिवसांनी म्हणजे शनिवारी एकदा प्रूफ बघायला या.." असं मी त्यांना सांगितलं...
त्याप्रमाणे आज सकाळी काकांचा मला फोन आला.. "प्रूफ तयार आहे का ? येऊ का आज मी?"
"हो तयार आहे.. आलात तरी चालेल"... मी म्हणालो..
साधारण तासाभरातच काका प्रेसमध्ये आले...
दारातून आत पाऊल टाकताच.. " अहो दादा.. तो एक शब्द ना जो आहे ना आपण लिहून दिलेला तोच ठेवा....मी नातेवाईकांच्या आलेल्या सगळ्या पत्रिका बघितल्या.. कार्यवाहक च असतो तो शब्द...."
मी मनातल्या मनात कपाळाला हात लावला...
मग त्यांना शब्दकोश दाखवला.. आणि म्हणलं "काका.. तो इतक्या वेळा चुकीचा छापला आहे बऱ्याच प्रेस वाल्यांनी.. की तो चुकीचा शब्द च बरोबर वाटतो... खरा शब्द कार्यवाह च आहे"
तरीपण काकांच्या चेहऱ्यावरच्या भावात काही बदल नाही...
"अहो दादा..आम्ही खेड्यावरची माणसं.. तिथेच वाटायच्या आहेत या पत्रिका... तुमचं बरोबर असेल, पण अहो नातेवाईक आणि गावातल्या लोकांना अश्या पत्रिका वाटल्या तर त्यांना वाटेल प्रेस वाल्याचा "क" छापायचा राहिला.."
या त्यांच्या वाक्यांनी तर मला काही सुचेना....

पण हा 'कार्यवाह' शब्दाचा गोंधळ आत्ताचा आहे असं नाही...
माझ्या आजोबांना आणि बाबांनाही हे सगळं प्रत्येक वेळी लोकांना समजावून द्यावं लागायचं...
एकदा तर "ती माणसं कार्य वाहून नेतात" म्हणून कार्यवाहक हाच बरोबर आहे असं पण एकानी मला सांगितलं होतं...

लग्नपत्रिका या प्रकारचे मूळ ज्यातून आहे त्या "पत्र" आणि त्याची लेखनशैली याचा तर आता पत्रिका लिहिताना विचारही नसतो...
लग्नपत्रिका लिहून आणताना लोकांच्या अनेक चुका होतात त्या आम्ही दुरुस्त करून घेतो..
पण आपलं काय चुकतं हे सगळ्या लोकांना आधीच कळलं तर...म्हणून काही पोस्ट टाकाव्यात असं वाटलं...
आजची पोस्ट *कार्यवाह* या शब्दाबद्दल लिहीत आहे
सोबत शब्दकोश आणि मराठी लेखन-कोश यातील पानाचे फोटो शेअर करीत आहे..

- श्रीरंग सुधीर पटवर्धन
विद्यार्थी प्रिंटिंग प्रेस, शहापूर..

08/03/2022

*विद्यार्थी प्रेसच्या खजिन्यातून...*
माझे आजोबा कै. विष्णू दत्तात्रय पटवर्धन हे शहापूर मध्ये सुरू झालेल्या संघ शाखेतील पहिल्या 5-6 स्वयंसेवकांपैकी एक होते, ही शाखा १९३७-३८ च्या आसपास सुरू झाली असावी (योग्य वर्ष माहीत असल्यास कृपया दुरुस्ती करावी)
या पत्रकांमध्ये "उत्सवाचे ठिकाण संघस्थान, सिंहपूर" असे आहे तसेच "शाखा - सिंहपूर" असे लिहिले आहे,
आपल्या शहापूर चे शिवकाळापासूनचे मूळ नाव "सिंहपूर" होते का ? आणि त्याचा अपभ्रंश होत ते 'शहापूर' झालं असावे का ?
याबद्दल मला स्वत:ला खात्रीपूर्वक माहिती नाही,
पण या दोन पत्रकांमध्ये जो सिंहपूर असा उल्लेख आहे त्या बद्दल कोणाला अधिक माहिती असल्यास कृपया कमेन्ट मध्ये लिहा

- श्रीरंग सुधीर पटवर्धन
प्रोप्रा. विद्यार्थी प्रिंटिंग प्रेस, शहापूर
(मोबा. ८८८८५९९८८०)

30/11/2020

*विद्यार्थी प्रेसच्या खजिन्यातून....*
भाताचं पिक आपल्या तालुक्यातील शेतीचा एक महत्त्वाचा भाग...
आपल्या आसपासच्या भागात दिवाळीच्या आधीचे काही दिवस आणि नंतरचे दिवस कुठल्याही भातगिरणीचं आवार तुसाच्या ढिगानी भरलेलं दिसत...

पूर्वी घरात एकत्र कुटुंब पध्दतीमुळे माणसं असंत, साधारणपणे प्रत्येकाची कुठे ना कुठे शेतजमिनी होती... अगदी घराजवळ नसली तरी "आमची या ठिकाणी शेतजमीन आहे" असं सांगून कुठेतरी आपलं शेत आहे हे सांगणारी लोकं होती.. घरातलं भात आपल्या शेतातच पिकवला जात असे.. आणि हे भात भरडण्यासाठी बैलगाड्या भरून भातगिरणीत आणलं जात असे.
शहापुरातील राईस मिल ची यादी करायची झाली तर (आमच्या आठवणीप्रमाणे), चिंतामण-मोतीलाल यांची राईस मिल, खर्डीकर बंधू यांची गजानन राईस मिल, ठक्कर कुटूंबाची गंगा राईस मिल, गांधी कुटुंबाची वसंत राईस मिल, श्री. बजाज यांची राईस मिल, हुलवले यांची राईसमिल,शा. माणिलाल दिपचंद राईस मिल, शा. गोडीदास चुनीलाल राईस मिल, खलिफा राईस मिल, शहापूर तालुका खरेदी-विक्री संघाची राईस मिल, उदय राईस मिल इ. चा समावेश त्यात होईल.

आज मात्र विभक्त कुटुंब पद्धती, न परवडणारी रोजंदारी, हवामान, जमिनींना आलेला सोन्याचा भाव या आणि अश्या अनेक कारणांमुळे आपल्या तालुक्यातील शेती कमी झाली..
आणि राईस मिल्सची संख्याही...

या सगळ्यामध्येही अशी अनेक कुटुंब आहेत की जी आपल्या स्वत:च्या शेतात भात पिकवतात..

*पोस्ट मधली ही जाहिरात साधारण १९४१-१९४२ च्या दरम्यान ची असावी, कारण यात खाली छापलेले प्रेस चे नाव "विद्यार्थी छापखाना" असे आहे...
खर्डीकर बंधूंची 'गजानन राईसमिल' आजही चालू आहे.. उरुसाच्या मलाणातील ही राईसमिल श्री. राजेंद्र स. भोपतराव सांभाळत आहेत...*
- श्रीरंग पटवर्धन
(8888599880)

17/10/2020

पूर्वनोंदणीसाठी संपर्क : 8888599880/9881144436

17/10/2020

त्वरा करा..आपली ऑर्डर लवकरात लवकर नोंदवा...
संपर्क : 8888599880

02/10/2020

विद्यार्थी प्रेस च्या खजिन्यातून...
"मगन हेमचंद यांचे गिरणीत" ही जागा म्हणजे सध्या सोनारआळी मध्ये प्रेस च्या मागे औदुंबर को-ऑप. हौ. सोसा. आहे ती जागा..
पूर्वी त्या जागी पत्र्याची मोठी शेड होती आणि तिथे भात भरडायची गिरणी...
ही गिरणी साधारण 1937 सालच्या आधीची असावी..
माझे आजोबा, वडील सांगतात त्यानुसार पूर्वी जिथे भात भरडायचे यंत्र होते तिथे ते यंत्र काढल्यानंतर जमिनीला खळगा होता....
ही खळग्याची जागा म्हणजे या नाटकांचा मंच असे...
त्यामुळे प्रेक्षकांना बसण्याची जागा सहाजिकच थोडी उंच असे..
म्हणजे आत्ता आपण ज्याला "Amphitheatre" म्हणतो, साधारण तशीच व्यवस्था होत असे...

एकंदरच पत्रकाची भाषा आत्ताच्या पत्रकांपेक्षा वेगळी आहेच पण शेवटची सूचना गंमतशीर आहे..

- श्रीरंग पटवर्धन (८८८८५९९८८०)

13/10/2019

भ्रष्टाचारविरहित, पारदर्शी वातावरणात एखादी सहकारी संस्था किती उत्कृष्ट काम करू शकते, याची फार कमी उदाहरणं आपल्या समोर आहेत...
धनवर्धिनी पतपेढी, शहापूर ही त्यापैकीच एक..
नि:स्वार्थी आणि तत्पर, काही निर्णयांच्या बाबतीत कठोर पण नियमांना धरून.. असं संचालक मंडळ या पतपेढीस नेहेमीच लाभलं..
आज धनवर्धिनी पतपेढीचा वर्धापनदिन तसेच रौप्य महोत्सवी वर्षाची सांगता होत आहे..
त्यानिमित्त पतपेढीच्या शुभारंभाची निमंत्रण पत्रिका आपल्या सर्वांसोबत शेअर करतोय..

धनवर्धिनी परिवाराचे, विद्यार्थी प्रिंटिंग प्रेसच्या वतीने मनःपूर्वक अभिनंदन आणि पुढील वाटचालीस हार्दिक शुभेच्छा..!!!
- श्रीरंग पटवर्धन (८८८८५९९८८०)

12/10/2019

कुठल्याही व्यवसायाची सुरुवात आणि वृद्धी त्याच्या जाहिरात करण्यावर अवलंबून असते...

जेव्हा प्रेसची सुरुवात झाली त्या काळात कुठल्याही घरगुती कार्यक्रमाचं आमंत्रण तोंडी करण्याची पद्धत रूढ होती...
साधारण १९३९-४० साली माझे पणजोबा आणि आजोबांनी अशा जाहिरातींच्या माध्यमातून "आमंत्रण पत्रिका छापून मिळतील" सांगत ग्राहकांपर्यंत पोहोचण्याचा प्रयत्न केला..

विद्यार्थी प्रिंटिंग प्रेसची ओळख "स्वच्छ मुद्रण, शुद्ध मुद्रण" अशी आहे...
या पत्रकात पाहिलं तर "किर्तन" शब्द ऱ्हस्व छापला आहे.. याचे एक कारण म्हणजे प्रेसची नुकतीच सुरुवात झालेली, त्यात "प्रिंटिंग टाईप" (ज्याला सर्वसामान्यपणे लोक खिळे म्हणून ओळखतात) मुबलक प्रमाणात नव्हता.. कदाचित म्हणूनच त्या जागी टाकायला दीर्घ वेलांटी उपलब्ध नसल्यामुळे ऱ्हस्व वेलांटी टाकली असावी..

Vidyarthi Printing Press

25/12/2025

07/03/2023

27/12/2022

24/12/2022

08/03/2022

30/11/2020

17/10/2020

17/10/2020

02/10/2020

13/10/2019

12/10/2019

Address

Opening Hours

Telephone

Website

Alerts

Contact The Business

Shortcuts

Share

Category

Monday	9am - 6pm
Tuesday	9am - 6pm
Wednesday	9am - 6pm
Thursday	9am - 6pm
Friday	9am - 6pm
Saturday	9am - 5pm