26/06/2026
یومِ عاشورہ اور شہادتِ امام حسین علیہ السلام تاریخِ انسانی کا وہ لازوال باب ہے جو ہمیں حق، سچائی اور مظلومیت کا ابدی درس دیتا ہے۔ میدانِ کربلا میں نواسۂ رسول، حضرت امام حسین علیہ السلام نے اپنے خاندان اور 72 جانثاروں کے ہمراہ باطل، ظلم اور جابر سلطنت کے سامنے سر نہ جھکا کر دینِ اسلام کی روح کو ہمیشہ کے لیے زندہ کر دیا۔ آپ کی یہ عظیم قربانی کسی اقتدار کے لیے نہیں، بلکہ انسانیت کی بقا، عدل و انصاف اور اصلاحِ امت کے لیے تھی۔ پیاس کی شدت، مصائب کے پہاڑ اور تنہائی کے باوجود سجدۂ شکر میں سر کٹوا کر آپ نے ثابت کر دیا کہ الٰہی اصولوں پر سودے بازی نہیں کی جا سکتی۔ جوش ملیح آبادی نے کیا خوب کہا تھا کہ "انسان کو بیدار تو ہو لینے دو، ہر قوم پکارے گی ہمارے ہیں حسین"۔ آج یومِ عاشورہ کے موقع پر امامِ عالی مقام، مخدراتِ عصمت اور تمام شہدائے کربلا کی بارگاہ میں عقیدت کا بہترین نذرانہ یہی ہے کہ ہم اپنے اندر حسینی کردار پیدا کریں، ہر دور کے یزید اور باطل کے سامنے ڈٹ جائیں اور حق و صداقت کا پرچم ہمیشہ بلند رکھیں۔ سلام بحضور شاہِ کربلا و اسیرانِ کربلا۔
