26/05/2026
Russiaയുടെ അതിർത്തിക്കു സമീപം പറന്ന United Kingdom പ്രതിരോധ മന്ത്രി John Healey സഞ്ചരിച്ച ആർഎഎഫ് ജെറ്റിന്റെ ജിപിഎസ് സിഗ്നലുകൾക്ക് തടസം നേരിട്ടതായി റിപ്പോർട്ട്. വ്യാഴാഴ്ച Estoniaയിൽ നിന്ന് യുകെയിലേക്ക് മടങ്ങുന്നതിനിടെയായിരുന്നു സംഭവം.
എസ്റ്റോണിയയിലെ ബ്രിട്ടീഷ് സൈനികരെ സന്ദർശിച്ചശേഷം മടങ്ങുകയായിരുന്ന മന്ത്രിയുടെ വിമാനത്തിന് ഏകദേശം മൂന്ന് മണിക്കൂർ ജിപിഎസ് തടസം അനുഭവപ്പെട്ടുവെന്നാണ് റിപ്പോർട്ടുകൾ. ഇതോടെ പൈലറ്റുമാർക്ക് മറ്റു നാവിഗേഷൻ സംവിധാനങ്ങൾ ആശ്രയിക്കേണ്ടിവന്നു. വിമാനത്തിലുണ്ടായിരുന്ന സ്മാർട്ട്ഫോണുകളും ലാപ്ടോപ്പുകളും ഇന്റർനെറ്റുമായി ബന്ധിപ്പിക്കാൻ ബുദ്ധിമുട്ടുണ്ടായതായും റിപ്പോർട്ടുണ്ട്.
സംഭവം മനഃപൂർവം John Healeyയെ ലക്ഷ്യമിട്ടാണോയെന്ന് വ്യക്തമല്ല. എന്നാൽ വിമാനത്തിന്റെ പാത ട്രാക്കിംഗ് വെബ്സൈറ്റുകളിൽ ദൃശ്യമായിരുന്നുവെന്നാണ് വിവരം. Russiaയാണ് ജിപിഎസ് ജാമിംഗിന് പിന്നിലെന്നുള്ള സംശയമാണ് ഉയരുന്നത്.
കഴിഞ്ഞ കുറച്ചു വർഷങ്ങളായി ബാല്ടിക് മേഖലയിലും Russiaയുടെ അതിർത്തിക്ക് സമീപവുമായ മേഖലകളിലും ജിപിഎസ് സിഗ്നൽ തടസ്സപ്പെടുത്തൽ സംഭവങ്ങൾ വർധിച്ചിട്ടുണ്ടെന്ന് സുരക്ഷാ വിദഗ്ധർ ചൂണ്ടിക്കാട്ടുന്നു.
