07/03/2026
असमको सुन्दर माटोमा जन्मेर समाज र समुदायको सेवामा समर्पित एक कर्मठ व्यक्तित्व हुनुहुन्छ चन्दन गुरुङ्ग जी। उहाँ केवल समाचार जगतका सक्रिय व्यक्ति मात्र होइन, समाजलाई जोड्ने, समुदायको आवाजलाई अघि बढाउने एक जिम्मेवार युवा पनि हुनुहुन्छ।
आज उहाँ Gorkha Talks का एक उत्कृष्ट संवाददाता भएर असमका गोरखा समुदायका सुख–दुःख, गतिविधि र महत्वपूर्ण समाचारहरू जनतासम्म पुर्याउँदै आउनुभएको छ। उहाँको कलम र आवाजले समाजका धेरै कथाहरूलाई उजागर गरेको छ। यही समर्पणका कारण उहाँ समाजमा परिचित र सम्मानित बन्नुभएको छ।
त्यसैगरी उहाँ अखिल असम गुरुङ तमु सङ्घ का प्रचार सचिवको रूपमा पनि सक्रिय रहनुभएको छ। संगठनमार्फत गुरुङ समुदायको पहिचान, संस्कृति र एकतालाई मजबुत बनाउन उहाँले निरन्तर योगदान दिँदै आउनुभएको छ।
आज उहाँको जन्मदिनको यस विशेष अवसरमा, उहाँको मेहनत र समर्पणको कथा सम्झँदै सबैको मनमा गर्व र खुशी छ।
यसै सन्दर्भमा अखिल असम गुरुङ तमु सङ्घको तर्फबाट
Gorkha Talks का उत्कृष्ट संवाददाता तथा सङ्घका प्रचार सचिव आदरणीय चन्दन गुरुङ्ग जी लाई जन्मदिनको उपलक्ष्यमा हार्दिक बधाई तथा मंगलमय शुभकामना व्यक्त गर्दछौं।
ईश्वरले तपाईंलाई सधैं सुख, शान्ति, स्वास्थ्य र सफलताले भरिपूर्ण जीवन प्रदान गरून्। तपाईंको कलम र आवाजले समाजलाई अझै धेरै प्रेरणा दिइरहोस् भन्ने कामना गर्दछौं।
ALL Assam Gurung tamu association
