GoldenTrichy

10/08/2026

முதலைக்கு முன் அமர்ந்து வழிபாடு...

தெலங்கானாவில் முதலை ஒன்றை மக்கள் வழிபட்ட வீடியோ SM-ல் வைரலாகி வருகிறது. கிருஷ்ணா நதியில் அடித்து வரப்பட்டு கரை ஒதுங்கிய அந்த முதலையை பிடித்த உள்ளூர் மக்கள் வருண பகவானின் வாகனம் எனக்கூறி அதன் முன் அமர்ந்து நல்ல மழை வேண்டி வழிபட்டனர். இதுகுறித்து அறிந்த அதிகாரிகள், அதனை மீட்டு மீண்டும் ஆற்றில் விட்டனர். முதலையின் மிக அருகில் செல்லக்கூடாது. இப்படி செய்வது தவறு எனவும் மக்களை எச்சரித்தனர்.

09/08/2026

09/08/2026

நேற்று (08.08.2026) நடிகர் ஜான் விஜய், நமது அண்ணன் வை நேரில் கண்டு ரசித்தார் ! 🤩💥

09/08/2026

வெட்டாதீங்க ப்ளீஸ்... மரத்தை கட்டிப்பிடித்து கதறிய பெண்

10 ஆண்டுகளாக தான் வளர்த்த மரத்தை வெட்ட வேண்டாம் எனக் கூறி பெண் ஒருவர் கதறி அழும் வீடியோ கண்கலங்க வைத்துள்ளது. உயர் மின் அழுத்த கோபுர பாதைக்காக கள்ளக்குறிச்சியில் உள்ள வடதெரசலூரில் நூற்றுக்கணக்கான மரங்கள் வெட்டப்பட்டு வருகின்றன. இந்நிலையில் மரத்தை வெட்ட வேண்டாம் என கதறி அழுத பெண்ணை போலீசார் அப்புறப்படுத்தினர். அதையடுத்து அம்மரம் அவரது கண்முன்னே வெட்டப்பட்டது பலரையும் வேதனை அடைய செய்துள்ளது.

09/08/2026

ஷாப்பிங் மாலில் தள்ளுமுள்ளு.. ஹிப்ஹாப் ஆதி வருத்தம்

கடைசி நேரத்தில் நிகழ்ச்சி ரத்து செய்யப்பட்டதற்கு ரசிகர்களிடம் ஹிப்ஹாப் ஆதி மன்னிப்பு கேட்டுள்ளார். வேளச்சேரி பீனிக்ஸ் மாலில் 'மீசைய முறுக்கு 2' படத்தின் கொண்டாட்ட விழா நடைபெற இருந்தது.

இதனால் கட்டுக்கடங்காத கூட்டம் அங்கு

குவிந்து தள்ளுமுள்ளு ஏற்பட்டது. இதனால்

பாதுகாப்பு கருதி நிகழ்ச்சி ரத்தானது.

இந்நிலையில் ரசிகர்களை சந்திக்க முடியாதது வேதனை தருவதாக கூறி ஆதி வீடியோவை வெளியிட்டுள்ளார்.

09/08/2026

முதல்வர் விஜய் தலைமையில் தொகுதி மறுவரையறை ஆய்வு கூட்டத்தில் நடந்தது என்ன?

CM விஜய் தலைமையில் சுமார் 2 மணிநேரமாக நடந்த தொகுதி மறுவரையறை மசோதா ஆய்வு கூட்டம் நிறைவடைந்தது. அதில் பங்கேற்றபின் MP திருமாவளவன் அளித்த பேட்டியில், தொகுதி மறுவரையறையை கைவிட வேண்டும் என ஒருமனதாக தீர்மானம் நிறைவேற்றப்பட்டதாக தெரிவித்தார்.

மொத்த MP-களின் எண்ணிக்கை 543 ஆக தொடர வேண்டும். மக்கள்தொகை அடிப்படையில் எண்ணிக்கையை அதிகரிக்க கூடாது என்பதை அனைத்து MP-க்களும் தெரிவித்ததாக கூறினார்.

09/08/2026

திருவண்ணாமலை கோயிலில் அமித்ஷா (VIDEO)

திருவண்ணாமலை அண்ணாமலையார் கோயிலில் நடைபெற்ற சிறப்பு அபிஷேக பூஜையில் மத்திய உள்துறை அமைச்சர் அமித் ஷா பங்கேற்றார். புதுச்சேரி நிகழ்ச்சிகளில் கலந்துகொள்வதாக சென்னை ஏர்போர்ட் வந்த அவர், அங்கிருந்து ஹெலிகாப்டர் மூலம் திருவண்ணாமலைக்கு சென்றார். அங்கு கிரிவல பாதையில் உள்ள ஸ்ரீ ரமண மகரிஷி ஆசிரமத்திற்குச் சென்ற அவர் வழிபாடு செய்த வீடியோ SM-ல் வைரலாகி வருகின்றன!

09/08/2026

தீப்பற்றி எரிந்த சாலையோரம் இருந்த மரம்

திருச்சி, உறையூர் - குடமுருட்டி பாலம் செல்லும் கோணக்கரை சாலையில், சாலையோரம் இருந்த மரத்தில் திடீரென்று தீப்பற்றி எரிந்தது. இதுகுறித்து வாகன ஓட்டிகள் தீயணைப்பு துறையினருக்கு தகவல் தெரிவித்த பிறகு, சம்பவ இடத்திற்கு வந்த தீயணைப்பு துறையினர் தண்ணீரை பீய்ச்சிடித்து தீயை அணைத்தனர். மது போதையில் யாரேனும் இது போன்ற விஷம செயல்களை செய்திருக்கலாம் என்றும் போலீசார் தெரிவிக்கின்றனர்.

08/08/2026

திருச்சி ஸ்ரீரங்கம் அருகே கன்னிமார் தோப்பு பகுதியில் 45 ஆண்டுகளுக்கும் மேலாக வசிக்கும் மக்களுக்கு மாற்று இடம், இலவச பட்டா வழங்கக் கோரிக்கை

திருச்சி ஸ்ரீரங்கம் அருகே கன்னிமார் தோப்பு பகுதியில் 45 ஆண்டுகளுக்கும் மேலாகக் குடியிருந்து வரும் ஏழை எளிய குடும்பங்களை அப்புறப்படுத்த மாநகராட்சி நிர்வாகம் நோட்டீஸ் அனுப்பியுள்ள நிலையில், தங்களுக்கு மாற்று இடமும் 3 சென்ட் இலவச வீட்டுமனை பட்டாவும் வழங்கக் கோரி பாதிக்கப்பட்ட மக்கள் மாவட்ட ஆட்சியரிடம் கோரிக்கை மனு அளித்தனர்.

அதில் :

திருச்சிராப்பள்ளி மாவட்டம், ஸ்ரீரங்கம் வட்டம், வெள்ளித்திருமுத்தம் கிராமம், கன்னிமார் தோப்பு (நகர அளவை எண்: 114) பகுதியில் சுமார் 40-க்கும் மேற்பட்ட கூலித்தொழிலாளர்களின் குடும்பங்கள் வசித்து வருகின்றன. வருவாய்த்துறை ஆவணங்களில் "சர்க்கார் புறம்போக்கு" என வகைப்படுத்தப்பட்டுள்ள இந்த நிலத்தில், பாட்டனார் மற்றும் தந்தை காலத்திலிருந்தே குடிசைகள் அமைத்து, தற்போது சிறிய கான்கிரீட் வீடுகள் கட்டி தலைமுறை தலைமுறையாக வசித்து வருகின்றனர். உரிய ஆவணங்கள் இருந்தபோதிலும், இதுவரை தங்களுக்கு முறையான பட்டா வழங்கப்படவில்லை என்று அப்பகுதி மக்கள் குற்றம் சாட்டுகின்றனர்.

இப்பகுதியில் ரியல் எஸ்டேட் தொழில் செய்து வரும் நபர் ஒருவர், தான் பிளாட்டுகள் போட்டுள்ள இடத்திற்குப் பாதை தேவைப்படுவதற்காக சென்னை உயர்நீதிமன்ற மதுரை கிளையில் பொதுநல வழக்குத் தாக்கல் செய்துள்ளார். அந்த வழக்கின் அடிப்படையில், சாலை மற்றும் கொள்ளிடம் ஆற்றுப்படுகை ஆக்கிரமிப்புகளை அகற்றுமாறு உயர்நீதிமன்றம் உத்தரவிட்டது.
அதே சமயம், "ஆக்கிரமிப்புகளை அகற்றும் பட்சத்தில், பாதிக்கப்பட்ட மக்களுக்கு மாற்றிடம் வழங்குவது மற்றும் 3 சென்ட் இலவச வீட்டுமனை பட்டா வழங்குவது தொடர்பாக உரிய அரசாணைகளைப் பின்பற்றி அரசே முடிவெடுக்கலாம்" என்றும் நீதிமன்றம் தனது உத்தரவில் சுட்டிக்காட்டியிருந்தது.

நீதிமன்ற உத்தரவைத் தொடர்ந்து, திருச்சி மாநகராட்சி நிர்வாகம் கடந்த 22.07.2026 தேதியிட்ட அறிவிப்பு மூலம், 15 தினங்களுக்குள் ஆக்கிரமிப்புகளை அகற்ற வேண்டும் என அப்பகுதி மக்களுக்கு நோட்டீஸ் அனுப்பியுள்ளது.

நீதிமன்றத் தீர்ப்பின்படி எங்களை அப்புறப்படுத்தும் பட்சத்தில், அரசின் நடவடிக்கைகளுக்கு முழு ஒத்துழைப்பு அளிக்கத் தயாராக உள்ளோம்.

கூலி வேலை செய்து பிழைக்கும் எங்களுக்கு மாற்றிடம் எதுவும் வழங்கப்படாமல் காலி செய்யச் சொன்னால், குடும்பத்துடன் தெருவில் நிற்பதைத் தவிர வேறு வழியில்லை.

அரசு விதிகளின்படி, நாங்கள் வசித்து வரும் இடத்திலேயே அல்லது வேறொரு மாற்று இடத்தில் 3 சென்ட் இலவச வீட்டுமனை பட்டா வழங்கி எங்களது வாழ்வாதாரத்தைப் பாதுகாக்க வேண்டும்.

கொள்ளிடம் ஆற்றுப்படுகையில் பெரிய அளவில் எழுப்பப்பட்டுள்ள பிற சட்டவிரோத ஆக்கிரமிப்புகள் மீது நடவடிக்கை எடுக்காமல், ஏழை எளிய மக்களை மட்டுமே குறிவைத்து மாநகராட்சி அப்புறப்படுத்துவது வேதனையளிக்கிறது. என கூறினர்

08/08/2026

ஒரு Test Drive போலாமா.. புது காரில் ரவுண்ட் அடித்த CM விஜய்

CM காரை ஓட்டி Test Drive செய்யும் வீடியோ SM-களில் வைரலாகியுள்ளது.

ஸ்ரீபெரும்புதூர் தொழில் பூங்காவில் அவர் இன்று மாலை ஆய்வு செய்தார். அப்போது அங்குள்ள தனியார் கார் நிறுவனத்தின் தயாரிப்பு பணிகளை பார்வையிட்டார். பின் புதிய கார் ஒன்றை அவர் தொழிற்சாலைக்குள் ஓட்டி பார்த்தார். பொதுவாகவே விஜய்க்கு கார்களின் மீது தனிப்பிரியம் உண்டு என்பது பலரும் அறிந்ததே.