Ratings Guide

03/04/2020

కలిసిరండి కదలిరండి
మన గమ్యం తెలుసుకోండి

పోయేవి తెగిరాలిపోయేవి దిగజారిపోయేవి
మన దాస్యబంధాలే

వచ్చేవి విజయాలుతెచ్చేవి సుఖశాంతులిచ్చేవి
మన భావిరాజ్యాలే

వేచి విసిగి ఓరిమి చచ్చిందిరా
అటోఇటో తేల్చుకునే సమయం వచ్చిందిరా

బెదిరింపుల కెదిరింపులే జవాబుగా
పదండిరా హుషారుగా

కలిసిరండి కదలిరండి
మన గమ్యం తెలుసుకోండి!

- శ్రీశ్రీ

02/04/2020

నన్నెవరూ పొగడనక్కర్లేదు,
ఆమాత్రం పొగుడుకోడం
నాకూ బాగా తెలుసు

ఇంకొకళ్ళు నన్ను పొగుడుతూ ఉంటే,
వాళ్ళు నన్ను సరిగ్గా పొగడలేదనిపిస్తుంది

అంతకన్న ఎన్నోరెట్లు ఘనంగా పొగడగలనని
నాకు మాత్రం తెలుసన్నది
నాకు మాత్రమే తెలిసిన రహస్యం

నా పుస్తకాలు నేనే అచ్చు వేసుకుంటాను!

--- శ్రీశ్రీ

15/02/2019

భారతంలో ఓ అమ్మాయి [1975] సినిమా కోసం "మహాకవి శ్రీశ్రీ" రచన

Subscribe For More Telugu Movies: http://goo.gl/V65dIk Subscribe For More Tamil Movies: http://goo.gl/JpllP2 Subscribe For More Latest Movie Trailers: http:/...

15/02/2019

ఓ మహాత్మా ఓ మహర్షి...!

ఏది చీకటి ఏది వెలుతురు
ఏది జీవితం ఏది మృత్యువు
ఏది పుణ్యం ఏది పాపం
ఏది నరకం ఏది స్వర్గం
ఏది సత్యం ఏది అసత్యం
ఏది అనిత్యం ఏది నిత్యం
ఏది ఏకం ఏది అనేకం

ఓ మహాత్మా ఓ మహర్షి...!

ఏది తెలుపు ఏది నలుపు
ఏది గానం ఏది మౌనం
ఏది నాది ఏది నీది
ఏది నీతి ఏదవినీతి
నిన్న స్వప్నం నేటి సత్యం
నేటి ఖేదం రేపు రాగం
ఒకే కాంతి ఒకే శాంతి

ఓ మహర్షి ఓ మహాత్మా...!

04/08/2017

"శ్రీశ్రీ" ని పదే పదే విసిగిస్తూ,
”గురువు గారూ ఒక నాటిక రాయండి!” అన్నాడట.
అందుకు శ్రీశ్రీ గారు “ఏ నాటికైనా రాస్తాను" అన్నారు...

15/07/2017

వానల్లేవు...
అరకపట్టే తమ్ముళ్లంతా అంగలార్చి నిలిచారే,
నూకలకే వాచిపోయారే, ఆకలితో వాడిపోయారే...
పేణం విసిగిపోయే, సాగునీరు లేకపోయే...
చివరి మెట్టు చేరుకున్నామే..!

--- శ్రీశ్రీ

17/06/2017

శ్రీశ్రీ బొమ్మను చాలామంది చిత్రకారులు వేశారు. కానీ శ్రీశ్రీ అనే అక్షరాల్లోనే ఒక ఘర్షణను సూచించేలా వేసిన ఈ చిత్రం - "పీడకుణ్ణీ", "పీడితుణ్ణీ" అక్షరాల్లోనే గొప్పగా పొదగటం విశేషం 👏👏👏

16/06/2017

శ్రీశ్రీ గారి "మహాప్రస్థానం" లోని ప్రతి గేయం, ప్రతిచరణం ఇప్పటికీ వర్తిస్తాయి. కొన్ని అచ్చంగా ఇప్పటి పరిస్థితులకే రాసినట్టు వుంటాయి.

ఎందుకంటే శ్రీశ్రీ కోరుకున్న "సమధర్మం" ఇంకా రాకపోగా, ఆర్థిక అసమానతలూ వివక్షలూ తీవ్రమవుతున్నాయి. పదండి ముందుకు పదండి తోసుకు అంటూ సాగిపోవడమే దీనికి విరుగుడు.

ఇక అక్షర ప్రియులు చేయవలసింది -
ఆయనలా చిరదీక్షా తపస్సమీక్షణ,
నిరంతర అధ్యయనం,
ప్రగాఢ పరిశీలనం,
నిత్య క్రియాశీలత..!