29/04/2026
🔻 د. هەڤاڵ ئەبوبەکر، پارێزگاری سلێمانی لە هەژماری خۆی نوسیویەتی:
🔴 ئەگەر دەستەبژێری حیزبیی و، هەندێکی ناونراو بە کایەی ڕۆشنبیریی و، تۆڕەوان و فەیسەدەمامکدارەکان؛ ژیانیان کردبێتە سەکۆو مەیدانی ناکۆکیی و دووبەرەکیی و لەتبوون و پەرتەوازەبوون و دژایەتیی و دوژمنایەتیی و، گوریسی یەکتر خستنیان بەتوندی لەدەستی خۆیان و لەگەردنی ئەوانی تردا؛ توندکردبێت، ئەوا پێویستە:
🔴 ئەم هەڵەو پەڵە باوە ڕاستبکەینەوەو، نەک تەنها ژیان، بەڵکو کارەسات و نەهامەتیی و لێقەومان و مەرگیش بکەینە دەرفەتی بەیەکەوەبوون و سەبوریی و ئارامیی و پشتیوانیی بۆ یەکتر، بکەینە مەکۆی کۆکبوون و یەکترتەواوکردن و خۆبەدورگرتن لە خۆپەسەندیی و خۆسەپێنیی و خۆپەرستیی و خۆبەخودازانیی.
🔴 پێویستە جیاوازیی و ناکۆکییەکانمان بکەینە دەرفەتی خۆیەکخستن و خۆڕێکخستن و گەشەکردن، نەک سڕینەوەو بڕینەوەو پاکتاوکردنی یەکتر.
🔴 کورد؛ لە دوژمنی کەم نییە، لە دۆستی کەمە، جا خۆ ئەگەر خۆشمان بە ئێسک و مۆخمانەوە دوژمنی خۆمان بین؛ بنەتۆوەکەشمان نامێنێتەوەو قەرەچۆڵمان دەبڕێتەوە.
🔴 قانعی مەزن دەفەرمووێت:
(برا بن، غایەتان یەک بێ، برایی؛ غایە یەکبوونە
ئەوی کۆمەک بە فیکرت بێ؛ لە هەر لا بێ؛ براتانە).
