25/03/2026
1:20 ص
تقريبا بعد نص ساعة من الاستـ،،ـهداف لقيادة عمليات الأنبار..
اجاني اتصال ماسنجر من صديق اول مرة يتصل بيه:
السلام عليكم عمي ( صوت خشن شايب بس مخنوك )
و عليكم السلام عمي كل الهلا حياك الله
عمي عندك اسماء الشـ،ـهداء مال الانبار؟ ( أسمع شلون صدره يلهث و صوت خارج البيت واضح طالع بره يخابر )
صفنت ثواني لأن بالعادة هواي عالم تريد تعرف منو الشـ،ـهداء
او ناس تسأل إذا عدها صديق يداوم هناك
مباشر جاوبته:
حجي انت عندك احد هناك ؟
اي عمي اوليدي (ابني) هناك و جهازه مغلق حتى ربعه ماكو..
رجعت صفنت و عدلت كعدتي و حلگي ما ينطق شلون بيه؟ باوعت لأخوي كاعد بصفي واني فتحت سبيكر
جاوبته و خنكتني العبرة:
عمي قبل لا أجاوبك أريد منك شغلة وحدة..
اي عمي احجي فدوة اروحلك
عمي اريد منك بس تتذكر الامام الحسين هسه
عمي شعندي غير الحسين فدوة اروحله آني وابني
عمي ان شاء الله مابي شي واذا لا سامح الله بي شي هنيالكم و هنيالك انت بي و جهازه مغلق لان من يصير استـ،،ـهداف باي مكان يغلقون الشبكة بكل المنطقة هسه راح اشوفه وين و اطمئن
بختك و بخت اهلك انتظرك عمي
صار تامر امر عمي اطمئن
2:33 ص
ابو العمليات : دورنا مستشفيات الفلوجة و الرمادي ماكو هيج اسم
راح استمر بالبحث عنه شوية اتاخر شبكة ماكو و اتصال مفقود
رجعت اتصلت بالحجي
عمي اسم ابنك الكامل شنو ؟
زين العابدين عماد عبد عودة الزيادي، يداوم بالقلم عمي هناك
حجي دزلي صورته بلا زحمة
هاي صورته عمي ( مخلي منشفة على جتفه )
3:29 ص
طابقت صورته ويه الجرحى ماكو
دزولي اسم جريح و حالته مستقرة هم اسمه ( زين العابدين )
طلع مو هو
4:34 ص
دزيت رسالة للحجي
عمي ماكو بالمستشفيات ولا ويه الجرحى ، ان شاء الله هو بغير مكان بس شبكة ماكو اطمئن
عمي يمكن جريح اني راح اطلع من السماوة لمستشفى الفلوجة بختك و بخت اهلك ان شاء الله ماكو شي .. يا صاحب الزمان يا فاطمة الزهراء
ما اكدر اكله عمي الولد بعدهم جوه الأنقاض و ابو الإسعاف ما راحلهم ضربوا
8:02 ص
ابو العمليات : السلام عليكم خوية الولد الي تبحث عنه (شهيد)
يابويه 💔
2:51 م
عظم الله أجرك حجي ، و هنيئاً الكم هذا وسام الشرف ، مع الحسين ان شاء الله
انتهت الليلة و مصيبتي
الذي اتصل بي هو عماد ابو محمد والد الشهيد زين العابدين
و عظم الله اجرنا و اجركم منقول عظم الله اجركم
