Zoomin agency

17/07/2023

تفوق بعالم الرعاية الصحية! اجذب المرضى وحقق النجاح الطبي اللي تحلم بيه ."

حلول تسويقية مبتكرة مصممة خصيصًا للأطباء مع مجموعة واسعة من الخدمات المتكاملة اللي تشمل التصوير الاحترافي، والتصميم الإبداعي، والحملات الإعلانية الممولة، وإدارة الصفحات

راسلنا الان واستفيد من خدماتنا المبتكرة للتسويق الإلكتروني المخصصة للأطباء. خلينا نعزز نجاحك المهني ونساعدك على تحقيق أقصى استفادة من عيادتك الطبية.

02/05/2023

شلون تختار المؤثر influencer المناسب لحملتك التسويقية ؟

حاليا هواي من الشركات تستعين بالمؤثرين لترويج منتجاتها وخدماتها , لان المستهلك صار يمل من الدعايا والاعلان النمطية والتقليدية وبذلك صارت الشركة لو تختار تصرف مبالغ كبيرة حتى يصير اعلانها مميز وجذاب او تستعين بالمؤثرين الي يضمنون الوصول السهل والجذاب وبأقل تكلفة

هسه شلون تختار مؤثر مناسب؟
1. وجود قيم ورسالة مشتركة : يعني لازم افكار وتوجهه الشركة يتناسب مع افكار وتوجهه المؤثر مثلا اذا جانت الشركة تدعم المرأة من غير المعقول تتعامل مع مؤثر يقلل من قيمتها

2. حجم التفاعل : مومهم عدد المتابعين للمؤثر بس المهم حجم التفاعل على صفحاته وحساباته فمن المهم تتأكد ممن حجم التفاعل من خلال عدد الاعجابات والتعليقات والمشاركات ولازم تتأكد من انو التفاعل حقيقي ..شلون تتأكد من حقيقة التفاعل ؟
- ابحث على محركات البحث عن اداة engagement calculator بعدها اختبر حساب المؤثر وبهاي الطريقة حتحصل على متوسط التفاعل الحقيقي بحساباته
- لاحظ عدد مشاهدات الفيديو فهي عامل حاسم لمعرفة حجم جمهور المؤثر
- اطلب الاحصائيات الخاصة بحساب المؤثر حتى تتعرف اكثر على طبيعة المتابعين وفئاتهم العمرية ومن اي دولة وغيرها من المعلومات المهمة

3. المتابعين
طبعا غالبا المتابعين هم اهم من المؤثر نفسه فمثلا ماكو فايدة تعلن عن سلسلة مطاعم بمصر عند مؤثر مهتم بالاكل بس متابعينه من الخليج , فلازم يكونون متابعين المؤثر هم الفئة المستهدفة الي ممكن يشترون منتجك او خدمتك

4. تخصص المؤثر واهتماماته
كلش مهم اختيار مؤثر مناسب للخدمة او المنتج المراد الاعلان عنه فمثلا ميصير تتعامل مع مؤثر مهتم بالسيارات حتى يسوقلك اجهزة حاسوب!

واخيرا مهم يكون عند قائمة من المؤثرين المناسبين الي ممكن تتعامل وياهم وشنو القيمة المادية الي يطلبوها مقابل التعاون ومنو راح يحقق منفعة اكثر وبأقل تكلفة, قارن بينهم وجهز قائمتك بمالايقل عن 15 مؤثر .

واذا جنت مهتم بالتسويق الالكتروني والتسويق بمنصات التواصل الاجتماعي وصناعة المحتوى. ومهتم تعرف المعلومات والاستراتيجيات الصحيحة للبيع والتسويق تابعنا للمزيد

متخصصون في التسويق الالكتروني والتسويق بمنصات التواصل الاجتماعي وصناعة المحتوى

12/03/2023

كم السعر.. كيف تجيب بأحترافية على هذا السؤال
لما يسألك الزبون "شنو السعر", "شكد يكلف منتجك او خدمتك" .. فاول شي لازم تفهم ليش يسألونك هذا السؤال وشوكت يسألونك
مثلا اذا سألوك عن السعر ببداية المحادثة من اول دقيقتين يعني يريدون يعرفون اهم المميزات والفوائد , هل الموضوع يناسب ميزانيتهم ؟ المهم انو باللحظة الي تنطيها بيها السعر تكون خسرت قوتك لانك هسه حتسمع من عميلك انو" السعر غالي" و"ما اريد المنتج او الخدمة "وانت تدخل بوضعية التبرير انو" احنا الافضل ومنتجنا الاحسن "وبالتالي تخسر البيعه

فأذا باول المحادثة نسألت على السعر عيد توجيه المحادثه بالرجوع لاحتياج العميل وليش راسلك او اتصل بيك من الاساس , فأذا نسألت على السعر بالبداية جاوبهم ببساطه " الامر يختلف الامر يعتمد شنو انت محتاج شنو انت تدور سولفلي شنو على احتياجك انت شنو تدور عن شنو تبحث" وهسه لما توصل نص المحادثة او نهايتها بعد مدرستهم وعرفت احتياجهم هنا حتكدر تحجي عن السعر وحتى هنا اذا انطيت السعر مثلا 1000$ حتسمع اعتراض انو "غالي" و"ميصرف" "وممناسب ميزانيتنا" فحتى تحل هذا الموضوع ممكن تنطي رينج متفاوت للسعر مثلا تكول "السعر بين ال 700$ و1000$ شنو يناسبكم هنا" او حتى لو جان سعرك ثابت حاول تسألهم رأيهم بالسعر "السعر 1000$ شنو رأيكم هل السعر مناسب ميزانيتكم ؟" بهاي الطريقة حتنطي مجال ومساحة للزبون يناقشك اكثر وبالتالي فرصة الك تقنعه

الموضوع انو بالمبيعات الاغلب يعتقدون انو القوة للزبون لانه هو الي يملك المال بس الحقيقة العكس البائعون هم الي يملكون القوة بس لازم تتحكم بوقت اعطاء السعر لا تنطي السعر بالبداية وانت معرفت الزبون واحتياجه وما اسست للموضوع لازم تبقى محتفظ بقوتك للنهاية وتنطي السعر بالوقت الصح بالتالي تتم البيعه

20/02/2023

عندك بيج و دتواجه صعوبة بإيجاد عملائك واقناعهم بالشراء ؟

شنو رأيك لو نقدملك خدمات تسويقية متكاملة تحقق هدفك وتناسب ميزانيتك ؟

راسلنا الان وانقل تجارتك الى عصر جديد.

*للباحثين عن عمل رجائاً غير متوفر وظائف شاغرة حاليا

15/02/2023

منتجك غالي ؟ شدعوا هلكد السعر ؟؟
لازم تفهم شي لما تكون الافضل محد يتوقع تكون الارخص ولما تكون الارخص محد حيصدك انك الافضل متكدر تكون الافضل اذا كنت الارخص هيج الناس يفهمون السعر ويفهمون القيمة فلا تضوج وتحس بالاهانة لما يكولوك منتجك غالي المفروض ترد على كلامهم على اساس انو مجاملة ومدح وكل الي لازم تسويه لما تسمع مثل هيج اعتراض تسأل العميل ليش تظن الناس يدفعولنا هذا السعر ,ليش برأيك احنا اغلى من الباقين ؟ بعدها حيشوف العميل الميزات وهو يكعد يجاوب نفسه انو انت الاحسن والاكثر جودة !
هاي جانت ستراتيجية الرد على اعتراض مهم ومتكرر وبعد اكو هواي اعتراضات وسترتيجيات كلش مهم تتعلمها فتابع الصفحة وخليك مركز ويانا💜

12/02/2023

شلون تخلي الزبائن يشترون منك اكثر واكثر؟؟
اليوم نعرضلكم تقنية بيع بسيطة وقويه نجاحها مثبت من قبل دراسات عالمية
هاي التقنية تسمى باستراتيجية الخيارات الثلاث : بسهولة وبساطه لما تبيع منتج او خدمة وانت تحط خيار واحد بس، فهنا لما الزبون يشوف عرضك راح يفكر بشيء واحد هو الشراء او عدمه "اكدر اشتري ؟ ميزانيتي تسمحلي؟ " وهنا الزبون اكثرشي تركيزة حيكون على السعر بس.. لو انطيتهم خيارين منتج الف ومنتج باء شوف المعادلة شنو حتتغير , خلي نبسطها بمثال مثلا قاعات السينما سابقا اول ما جربوا يقدمون الببسي بحجم كبير وحجم صغير ولما تريد تشتري ينطوك خيارين وبالنتيجة الغالبية العظمى لما ينطوهم خيارين يختارون الحجم الصغير..ليش؟ لان غالبية الناس ميحبون المخاطرة فياخذون الارخص سعرا , فموضوع طرح خيارين للزبون رح يخليه بدل ميركز اشتري او لا رح يفكر اي منتج(او عرض) اشتري
بعدها قاعات السينما قدمت خيار ثالث فصار عرضهم عبارة عن (ببسي حجم صغير ,ببسي حجم متوسط, ببسي حجم كبير ) والي صار نتيجة هذا العرض الثلاثي انو 20% من عشاق الببسي اشتروا الحجم الكبير , و 60% اشتروا الحجم المتوسط (الي جان سابقا هو الحجم الكبير الي محد يشتريه!)
فالفكرة هنا لما تعرض منتجك او خدمتك بخيار واحد فهذا عرض سيء , اذا عرضت خيارين فهذا جيد , اذا عرضت 3 خيارات فهنا عرضك الافضل
اذا ضفت خيار رابع ؟ هنا الخيارات هواي و ممكن تربك العميل , فالافضل تخلي عرض اول رخيص وركيك عادي جدا وميزاته قليلة وبسيطة ,عرض ثاني المتوسط هوهذا عرضك الاحسن لازم تخليه مقنع جدا وعرض ثالث كبير وبيه مميزات كثيره وزايدة عن الحاجة اغلب الناس تشوفه رفاهيه ممحتاجينها .

هاي جانت ستراتيجية الخيارات الثلاث بسطية بس كلش مهمه فموضع اعطاء خيارات للزبون موضوع كلش مهم بس هل شي وحده ميكفي اكو تقنيات ثانية مهمه لازم تجربها وحتى تعرف هاي التقنيات تابع الصفحة وخليك مركز ويانا 💜

10/02/2023

تريد المزيد من الزبائن لمشروعك ؟ ومنو ميريد !
اضن انك متحتاج بس للمزيد من الزبائن بس انت محتاج النوع الصحيح من الزبائن ، زين شلون تحصل هذولا الزبائن ؟
واحدةً من الاخطاء الي الكثير من اصحاب المشاريع يوگعون بيها هي انهم يبيعون بس للاشخاص الي في قمة هرم المشترين ! هسه ممكن تسألون شنو هرم المشترين ؟ زين هو عبارة عن مثلث قمته ال 3% في اي وقت تريد ان تبيع راح تلگا ان 3% من السوق الي تبيع له مهتمين ومستعدين لشراء الشيء الي تقدمه، معظم اصحاب المشاريع والبائعين يتحدثون فقط لل3% الي في القمة وجميع الزبائن الي هم دون ال3% الي هم غير مستعدين للشراء الان مباشرة فيتم تجاهلهم ، المشكلة هنا انهم تجاهلوا 97% من السوق!

هسه بعد ال3% خلي نحجي عن ال 7% التي تحتها ، همه زبائنك وعملائك المفضلون ، همه مستعدين للشراء همه منفتحين ومهتمين هم بس يردونك تجاوبهم على بعض الاسئلة، وبعض اصحاب المشاريع يتحدثون الى هاي الفئة ويحاولون اقناعم

وهسه خلي نحجي عن الفئة الي تحت ال7% خلي نحجي عن ال30% الي تحتها، هذا النوع من الاشخاص الي يكون مهتم بس شويه وتكدر تقنعه ، همه يگولون بنفسهم" يمكن رح احتاج هذا بعدين بس مو هسه" بس مع ذلك يمكنك اقناعهم اذا سويت الاشياء الصحيحة

وبعدها تأتي ال 30% التي تحتها ، هذا النوع الغير مهتم ولا يظن انه مهتم هم لايعرفون حتى شنو الشي الي تقدمه
وبعدها تأتي ال 30% الاخيرة الي شمهما سويت فما رح يشترون منك هذا النوع من الاشخاص الي شما سويت الهم همه ميثقون بيك ولايحبونك فأذا جنت تبيع اللحوم فذولا هم النباتيين 🥲😂

هسه اريدك تفكر في رسالتك التسويقية 👏، في الطريقة الي تسوق فيها، منو تخاطب من الزبائن ، اذا جنت تخاطب فقط ال 3% الي هم بالقمة وهذا الي يسويه الغالبية فأنت هنا تكون ضيعت جزءا كبيرا من السوق الي انت ما خاطبتهم ، انت بس تخاطب الاشخاص الي همه في قمة القمة والي همه على الاستعداد للشراء مباشرة وهذا شي زين بس لازم تفهم ان هاي نسبة ضئيلة من السوق

زين شنو المفروض تسوي حتى تستهدف حصة اكبر من السوق ؟؟ راح انطيك مثال بسيط حتى اسهل عليك الموضوع
مثلا انت تبيع كيك فتروح تگول "كيك بالشوكولا الذايبة ،خلوني اگلگم عن روعة هاي الكيكة هاي الكيكة تجنن ، طعمها كلش طيب"
هنا الزبون رح يگول "اني مو مهتم هذا كلام مكرر سمعته من قبل كومات، منو يكول طيبة منو يكول ححبها" بس مثلا اذا بعت الكيك بطريقة ثانية وگلت " اسمعوا شنو رأيكم اقطع هذا الكيك (عينات قطع صغيره) وانطيكم قطعة تجربوها " هاي هي افضل طريقة للبيع فبدل ما تبيع وتسوق على طريقة ال3% والي هم اصلا مهتمين بالشراء هذولا محتاج بس تثبت الهم انك الافضل بالسوگ ، بس لما تخاطب ال30% الي ميفكرون اصلا في شراء الكيك وشنو طعهم كيكك وهل راح يعجبهم طعمها ليش ديشترونها هسه اصلا ياجلون الموضوع لمناسبة معينه وينسوك ومتضل ببالهم .
فأفضل طريقة لاقناع باقي الهرم هي تنطيهم قطعة . فأذا جنت تبيع خدمة غير ملموسة فأفضل طريقة لاقناعهم تقدملهم نموذج من الي تقدمه ف بدلا من الجدال مع الزبون انطيه جزء بسيط مجاني من الي تقدمه
اذا تشوف هل شي صعب وانت تقدم خدمة لاتجرب مجانية اگولك 90% اذا مو 99% من الي يُباع تگدر تقدم قيمة مجانية وتجذب العملاء كل الي عليك في مشروعك انو تفكر شلون ممكن ان تخلي عميلك او زبونك يجرب الشي الذي عندك يجرب الشيء الي تقدمه شلون تكدر تحل مشاكلهم بطريقة مبسطة..الخ
نتمنالكم الزبائن الكثيرين والربح الوفير دائما
اذا وصلت لنهاية المقال فأحب اهنيك على اجتهادك وياريت تشاركنا رأيك بتعليق 💜

لتعلم تقنية اخرى من تقنيات البيع الي تفيدك ادعمنا بـلايك وخليك متابع الصفحة 🙏💜