فوفايه

17/05/2026

اللهُم أشباه نيتي ، أينمَا وليّت وُجهي❤️

20/10/2025

ما إسم الطين الذي خلق الله به البشر.🤎

18/10/2025

18/10/2025

متزوج اني صار 6 شهور الصراحه تصرفاتها لعبت نفسي منها
بذات ويه اهلي من يجون تلبس حجاب كدامهم
هذا شي يسبب احراج اليه خاص كدام اخوتي يعني اني اشوفها معناها لاتجون كتلها بابا ذوله اخوتي يعني اخوتج محرمين عليج عادي بدون حجاب كدامهم مايفيد
حته اخويه ذاك اليوم كتله ماتجي تتعلل يمي يكلي لا زحمه
هم خطيه زوجتك تريد تاخذ راحتها
يعني من وره تصرفاتها اهلي مراح يجون كتلها فهمتها مفاد
تكلي هله بيهم اخوتك من يجون يتعللون اني اضل بغرفتي انزل اسويلكم كيك شاي البس حجابي واضل بغرفتي
اني اشوف تصرف غلط اهلي مايجون بسببها حاير شسوي الها
#فوفــ𝓰𝓱𝓾𝓯𝓻𝓪𝓷ـايه

16/10/2025

السلام عليكم اتمنى تنشر بدون اسم
اني احب بنيه وهيه هم كذالك وتقدمت وخطبتها
قبل فتره اتصلت عليها على واتساب لكيت خطها مع مكالمه اخرى من 2 بليل لل5 صبح وره يومين هم كذالك كتلها ويامن دا تحجين كالت ويه صديقاتي مابيها شي كتلها شوفيني مكالمه كامت تعيط وانت شكاك اني ما اكدر اعيش وياك كتلها مابيها شي اذا شوفتيني مكالمه رفضت
خابرتها كتلها راح افصخ الخطوبه وإذا كالو سبب اهلج راح اكللهم السبب الحقيقي تلفونج مشغول من الليل للفجر كامت تبجي وكالت راح اكلك الصدك مسوين مكالمه جماعيه اني وصديقتي وخطيبها كتلها انتي ياهو مالتج كالت نضحك ونشاقه كتلها راح افصخ كالت افصخ بس لاتكول الاهلي جنت احجي بتلفون لأن صدك اهلها راح يموتوها كالت اي كلام كول الهم بس لاذب صوج بيه لأن اني اعرف اهلها راح يصكطوها اذا كول الهم ماعرف شكول الهم علمود افصخ اريد مساعدتكم شسوي
#فوفــ𝓰𝓱𝓾𝓯𝓻𝓪𝓷ـايه

16/10/2025

من الخاص اني مااعرف شنو اصناف البشر او مامختلطة لان ماطالعة هواي واعرف. تقدملي ولد ملتزم وحالتة زينه ومقبول لكن هو فقير يعني على نياته كلش بايعها بيضه ويه الكل واشوف حتى اهله مستغلينه بهالصفة هوو طيبب كلش ويهتم بيه ويخاف عليه هوايه ودائماً يكولي من اسوي غلط وياج. نبهيني كوليلي حتى اعدله لان ماداخل علاقة قبل ولا اعرف بهالسوالف
دافكر ارفضه بسبب هالصفة هاي شتكولون حقي لو اني اضيع فرصة هيج شخص؟
#فوفــ𝓰𝓱𝓾𝓯𝓻𝓪𝓷ـايه

16/10/2025

من الخاص
اني منفصله ويم اهلي كلولي اني غلطانه لان جاي احس بتأنيب الضمير البارحه اشتريت كنتور وجابو.ع اساس اخوي يشده اليه كتله بس علمود تشده الكنتور عفيه لان ملابسي مطشره جان يكول اني مااكدر خلي اجوج الثاني يشده واخوي مريض كلش المهم كلت عادي لان هوه هم تعبان خطيه بس زوجته من دخل للغرفه عباله منسمعه ادكله بسرعه سوي نفسك نايم اخاف يجي اخوك يشد بالكنتور ويكلك تعال ساعدني سوي نفسك نايم انصدمت بنات لان اني وياها علاقتنه حيل طيبه بس اني ماسكتت صحته كتله ليش هيج ادكليله جان دكول وحق ذاك الامام ماكلت والمصيبه اني سمعته بس اني ضايجه لان حاجيته وخجلته فد مقهوره حيل ومااعرف شسوي وهسه كعدت ماتحجي وياي
#فوفــ𝓰𝓱𝓾𝓯𝓻𝓪𝓷ـايه

16/10/2025

ربي
لم أجد شيئاً واضحاً أدعوك به ولكن الأمور ليست على ما يرام إني أؤمن بالعوض منك ، وأشعر بعنايتك بي ، مددت إليك قلبي فلا ترده الا مجبوراً محفوفاً بلطفك من كل جانب يا اللّٰه
صباح الخير
#فوفــ𝓰𝓱𝓾𝓯𝓻𝓪𝓷ـايه

15/10/2025

فدوة انشر قصتي
عندي عمتي ام زوجي منفصلة من زمن صدام وبقت بدون
زواج لخاطر ماتزوج ويجي رجال غريب يضلم ولدها وبناتها
انى مرت ابنها وسطاني وصار نقاش بيني وبينه عن الزواج وليش المراة المنفصلة تعتبر عيب وناس تنتقدها وتعتبرها
موزينه بنظر المجتمع وكاعد نتناقش وعندي واحد من حمويني ممزوج ويريدلة وحدة وياة بجامعة منفصلة ويحبها وتحبة وعمتي رافضه فكرت الزواج لابنها ياخذ منفصلة تكلة اخذلك وحدة بنت بيوت شعرفت عن هاي منفصلة وماضيها
هنا انى ماتحملت كلام عمتي وعصبت عليها وكتلها مو كل مراة منفصلة تعتبر موزينه بنظر المجتمع والناس لانو
اذا بقينه على كلام الناس ماتستمر الحياة هذا ردي لها
بس بعصبيه وكتلها هسه انتي مو منفصلة هم تعتبريني بنظري وبنظر الناس موزينه شو هاي كبل غلطت عليه
واتصلت بزوجي وسولفتلة كلشي راح وكف وي امه
ويكلي انتي مو مربايه شنو تحجين هيج مع امي
وترحين تعتذرين لامي هسة كتله ماروح اعتذر لاني ماغلطت
بحقها وكاعده نتناقش كالي اخر كلام كتله اخر كلام ماعتذر
رجع كلي انتى ماتشرفيني بعد وماريدج زين كلامي بيه شي غلط ياريت تنطوني ارائكم بكل صراحه ..
#فوفــ𝓰𝓱𝓾𝓯𝓻𝓪𝓷ـايه