23/07/2026
بێ ئاگان یان خۆیان بێ ئاگا کردووە !
ئاستەنگەکانی بەردەم پەروەردەی تایبەت لە قوتابخانەکاندا
پەروەردەی تایبەت جۆرێکە لە پەروەردە کە بۆ ئەو قوتابیانە داڕێژراوە کە پێویستی تایبەتیان هەیە، وەک خوێندکارانی خاوەن پێداویستی تایبەت، یان ئەو خوێندکارانەی کە کێشەی فێربوونیان هەیە وەک ناڕێکی خوێندنەوە، ئۆتیزم، هەستیاری زۆر، یان کەمئەندامی هزری. ئامانجی سەرەکی ئەم جۆرە پەروەردەیە، ڕەخساندنی دەرفەتی خوێندنی یەکسانە.
بەڵام چەندین کێشەی بنەرەتی لە دامو دەزگاکانی پەروەردە ڕێگرن لەگەشەی ئەم بواره ، یەکێک لەو کێشانە کەمتەر خەمی بەرپرسانی پەروەردە و بێ کوالێتی باڵەخانەی ناوەندەکانی خوێندن لە رووی بیناسازییەوە نەبونی هۆیەکانی چارەسەری ئەم کێشیە و کەمی مامۆستای پسپۆڕە ، زۆربەی قوتابخانەکان مامۆستای پسپۆڕی پەروەردەی تایبەتیان نییە، ئەمەش دەبێتە هۆی کەموکوڕی لە خزمەتگوزارییەکانی پێشکەشکردن بە قوتابیان هەروەها کەمی سەرچاوەی پەروەردەیی کێشەیەکی گەورەیە، چونکە زۆرێک لە قوتابخانەکان ئامێری وەک کۆمپیوتەری کەسی و خوێنەری ئەلیکترۆنی و ئامێری بینراو و بیستراویان نییە ، جگە لەوەش نەبوونی هۆشیاری کۆمەڵایەتی و بنەماڵەیی کاریگەرییەکی بەرچاوی هەیە هەندێک لە خێزانەکان وەک چەواشەکارییەک سەیری تەحەددیاتی منداڵەکانیان دەکەن، ئەمەش کاریگەری نەرێنی لەسەر پەیوەندی نێوان خێزان و قوتابخانە دەبێت , لە زۆر حاڵەتدا ئەو خوێندکارانەی خاوەن پێداویستی تایبەتن لە پۆلە ئاساییەکاندا لەگەڵ هاوتەمەنەکانیان دەخوێنن بەبێ ئەوەی ئامادەکارییەکی پێویست لەلایەن مامۆستا یان پۆلەوە بکرێت، ئەمەش کێشەکە بۆ هەردوولا گەورەتر دەکات. بەڵام کەمی سەرچاوەی دارایی و ئەو بودجەیەی کە بۆ پەروەردەی تایبەت تەرخانکراوە، ڕاستەوخۆ کاریگەری لەسەر کوالیتی ئەو خزمەتگوزارییانە هەیە کە پێشکەش قوتابیان دەکرێت.
چارەسەرکردنی ئەم کێشانە پێویستی بە چەند هەنگاوێکی سەرەکی هەیە...
پێویستە مامۆستایان لە ڕێگەی خولی تایبەتمەندەوە ڕاهێنانی گشتگیر وەربگرن بۆ ئەوەی بە ستراتیژی وانەوتنەوە جۆراوجۆرەکان تەیاریان بکەن و هاوکاری لەگەڵ دەروونناس و چارەسەرکەرانی قسەکردن بکەن , جگە لەوەش، پێویستە تەکنەلۆژیا بە شێوەیەکی گونجاو یەکبخرێت لە ڕێگەی بەکارهێنانی بەرنامەکانی فۆنیکس، ئاماژە زیرەکەکان بۆ فێربوونی بینراو و ئەپی تایبەتمەند بۆ فێرکردنی خوێندنەوە و نووسین هەروەها زۆر گرنگە پلانی پەروەردەی تاکەکەسی بۆ هەر خوێندکارێک دابڕێژرێت بە پشتبەستن بە پێداویستییە تایبەتەکانیان، بە پشتیوانی خێزانەکان و مامۆستایان و پسپۆڕان, پێویستە پۆلەکانی گشتگیری بە ووردی جێبەجێ بکرێن بۆ ئەوەی دڵنیا بین لەوەی کە ئەو خوێندکارانەی پێویستی تایبەتیان هەیە لەگەڵ هاوتەمەنەکانیان دەمێننەوە، لە هەمان کاتدا پشتگیری زیاتر لە ناو پۆلەکەدا پێشکەش بکەن،جگە لەوەش پێویستە هۆشیاری کۆمەڵگا لە ڕێگەی چالاکییە زانیارییەکانەوە بەرز بکرێتەوە کە دایک و باوک و کۆمەڵگا دەکەنە ئامانج بۆ کەمکردنەوەی چەواشەکاری کۆمەڵایەتی و پشتگیریکردنی خێزانەکان...
لەکۆتاییدا پێویستە حکومەت و وەزارەتی پەروەردە بودجەی تایبەت بۆ خوێندنی تایبەت تەرخان بکەن و پابەندبن بە یاساکانی زامنکردنی مافی خوێندکارانی خاوەن پێداویستی تایبەت، چونکە بەبێ پاڵپشتی دارایی و یاسایی هیچ چارەسەرێکی تر سەرناگرێت.
دەشتی مغدید
2026/7/24-23
