13/06/2026
طبعاً هواي ناس حچت عن العطل 🛠️ اللي صار اليوم بمنصة الفيسبوك، بس شنو قصة الإشعار اللي ظهر ببعض الحسابات والصفحات بالقائمة الرئيسية؟ وهل أحد وضّح معناه شنو؟ ⁉️
خل أوضحلكم الموضوع 👇
✨️ شركة Meta بدت تبلغ بعض المستخدمين بتغيير إعدادات "النشاط خارج Meta".
ببساطة: فيسبوك كان يستلم معلومات من بعض المواقع والتطبيقات اللي تستخدمها خارج المنصة، ويستفاد منها حتى يخصص الإعلانات والمحتوى اللي يطلعلك حسب اهتماماتك.
هسه Meta دا توضح إنه راح توقف أو تلغي ربط جزء من هذي البيانات بحسابك، وهذا ممكن يخلي الإعلانات اللي تشوفها أقل ارتباطاً باهتماماتك.
وهنا كلامي مو عن الإعلانات اللي تظهر على محتواك للمتابعين.
كلامي عن الإعلانات اللي إنت تشوفها أثناء تصفحك للمنصة، واللي كانت تظهر حسب اهتماماتك.
يعني إذا كنت تبحث عن نوع سيارة معين 🚗، كنت تلاحظ بعدها تطلعلك إعلانات هواي تخص السيارات. هسه هذا الشي ممكن يقل بشكل واضح.
👈 وحتى بعض التطبيقات أو المواقع اللي كنت مسجل بيها عن طريق تسجيل دخول الفيسبوك، ممكن تلاحظ إنه انحذف الربط وتحتاج تسجل دخول من جديد.
بالمختصر المفيد:
Meta كأنها سوت "إعادة ضبط" لهالبيانات والاهتمامات القديمة، ولهذا راح تلاحظ إن الإعلانات المخصصة إلك صارت أقل من قبل.
طيب إذا أني صانع محتوى وعندي صفحات ومتابعين، شنو المفروض أفهم؟
✅ ماكو أي مخالفة على حسابك.
✅ ماكو خطر على الحساب أو الصفحة.
✅ ما يأثر على الصفحات ولا على الأرباح.
💬 سؤال إليكم:
هل ظهر عندكم هذا الإشعار اليوم؟ لو لحد هسه ما وصلكم؟
شاركونا بالتعليقات حتى نعرف شكد من الناس وصلهم التنبيه 👇
محمد ادلبي لمسة تواصل #فيسبوك #تقنية #الخصوصية
