Blek - Skapandi norðlensk auglýsingastofa

25/02/2026

Um miðjan febrúar hélt Byggðastofnun ásamt fleiri aðilum, málþing í Hofi undir yfirskriftinni „Aðlögun sveitarfélaga að áhrifum loftslagsbreytinga - Frá áskorunum til aðgerða: leiðarvísir, verkfæri og reynsla sveitarfélaga.“ og þar var fyrsta útgáfa leiðarvísisins kynntur sem var settur upp hér í Hafnarstrætinu. Leiðarvísirinn er yfirgripsmikið rit sem mikil þörf var á að hafa í vel skipulögðu, áhugaverðu og lesvænu umbroti þar sem virkir tenglar eru notaðir til að flakka frá efnisyfirliti yfir á viðeigandi kafla og aftur til baka með því að smella á bls. nr. í fæti.

Eins gerði ég nokkrar teikningar sem styðja við textann.
Leiðarvísinn má finna á vef Byggðastofnunar (undir Útgefið efni > Skýrslur) og á vef Veðurstofunnar á gottvedur.is (undir Loftslagsbreytingar neðst).

Verkefnið má finna hér:
➡️ https://blekhonnun.is/project/leidarvisir-sveitarfelog/

Leiðarvísinn í heild sinni má finna hér:
➡️https://www.byggdastofnun.is/static/files/Adlogun/leidarvisir-loftslagsmal_2026.pdf

15/01/2026

Þorrinn gengur í garð í næstu viku og í dag hófst salan á Þorrabjórnum. Þorra Kaldi frá Bruggsmiðjan Kaldi er því fáanlegur með Valkyrjunni í nýrri og flottri dós - og líka á flösku! 🥳🍻

09/01/2026

Nú eru jólin komin og farin og rútínan farin að detta aftur inn og vonandi allir endurnærðir. ❤️ Hérna eru tvö jólakort sem ég teiknaði fyrir síðustu jól, fyrir annars vegar Fjármála- og efnahagsráðuneytið og hins vegar fyrir UMBRU -þjónustumiðstöð Stjórnarráðsins. Starfsfólk þessara stofnana fékk kortin og ég reikna með að þau séu komin í ramma á flestum þeim heimilum. ☺️😊 Nánar um kortin undir hvorri mynd.

18/12/2025

Verkefnið Brothættar byggðir á vegum Byggðastofnunar er ætlað að styrkja þær byggðir landsins sem standa frammi fyrir áskorunum þ.e. viðvarandi fækkun íbúa og erfiðleikum í atvinnulífi. Mikilvægt er að táknið fyrir verkefnið sé sterkt og jákvætt. Hringurinn er verndartákn, þríhyrningurinn þarf fyrir innan er fjall sem táknar landið og landsbyggðir en er líka tákn stöðugleika og athygli. Hafflöturinn vísar í sjávarbyggðir en færir hreyfingu í merkið þannig að það er ekki staðnað heldur lifandi og á hreyfingu. Misstór húsin tákna hið manngerða; fólk og samfélag.

Bæði fjallið og húsin mynda örvar upp á við, báðir endar hafflatarins vísa upp á við. Öll þessi atriði búa til jákvæð og bjartsýn teikn.

Merkin má nú þegar finna á facebook síðum nokkurra verkefna.

Takk fyrir samstarfið! ☺️

05/12/2025

Nú hefur tillaga að nýrri samgönguáætlun verið lögð fram. Hér í Hafnarstrætinu settum við upp Samgöngu- og innviðastefnu SSNE árið 2023, þar sem greint frá helstu verkefnum sem samtökunum þótti brýnt að ráðast í á Norðurlandi eystra, og lögðum fram á myndrænan hátt.
🔗 Hlekkur í athugasemdum.

19/11/2025

Á dögunum var samningur Sameinuðu þjóðanna um réttindi fatlaðs fólks samþykktur á Alþingi. Undanfari hans var Landsáætlunin en það var viðamikið verkefni sem átti langan aðdraganda með samráði ólíkra hópa um allt land, og var liður í innleiðingu og lögfestingu samningsins. Skýrslan og markaðsefni fyrir herferð landsáætlunarinnar var sett upp hjá Blek hér fyrir norðan, bæði sem almenn niðurstaða sem og auðlesin útgáfa sem var unnin hjá Miðstöð um auðlesið mál. Sem fyrr eru virkir tenglar í efnisyfirlitinu og tengill í blaðsíðutali til baka í efnisyfirlit. Það var mjög áhugavert að fá að koma örlítið að þessu verkefni og ég hvet alla til að fletta í gegnum skýrsluna og skoða niðurstöður hennar.
Skýrsluna má finna í hlekk í fyrstu athugasemd.

18/11/2025

18/11/2025

Jólaboxin frá ChitoCare beauty eru komin! Þau prýða falleg hús úr íslenskum sjávarbyggðum og minna okkur á uppruna vörunnar, en þessar snyrtivörur eru afrakstur mikillar þróunar og nýsköpunar í sjávarútvegi, þær innihalda kítósan sem er unnið úr rækjuskel og hefur reynst einstaklega vel fyrir húðina, gefur bæði raka og græðir og róar.

Jólaboxin eru fjögur og innihalda mismunandi vörur.
Allar umbúðir frá ChitoCare beauty eru hannaðar hjá Blek í Hafnarstrætinu á Akureyri 💙

ChitoCare Iceland

06/11/2025

ÞJÓNN, ÞAÐ ER GLIMMER Á BJÓRNUM MÍNUM!!
✨😏✨
Jólabjórinn Litlu Jól frá Bruggsmiðjan Kaldi er, frá og með deginum í dag, kominn í valdar verslanir á Íslandi í uppfærðum umbúðum, með g***s í stíl við hátíðina framundan. Takk fyrir geggjað samstarf! 🍻
Varist eftirlíkingar – Eins og menn segja; ef það er verið að apa eftir þér, þá ertu að gera eitthvað rétt 😊

Gleðileg Litlu jól! 🎄⭐️

03/10/2025

Fyrir síðustu jól hannaði ég miða á nýjan jóla léttbjór frá Bruggsmiðjunni Kalda sem fékk heitið Litlu jól. Fyrir mér eru "Litlu jól" alveg einstök nostalgía þannig að miðinn varð að innihalda einhver minni úr fortíðinni, þaðan kom þessi krúttlega jólatrés og pakkateikning, svolítið gömlujólalegt, 40's/50's (þó ég sé ekki alveg svo gömul). Það tókst mjög vel og teikningin féll vel í kramið en í fyrra brunnum við inni á tíma með að klára fráganginn, þannig að miðinn varð svolítið flatur. Síðast létum við prenta á óhúðaðan pappír til að fá hlýleikann við snertingu á kaldri dósinni, en hann ýtti líka undir flatleikann í grafíkinni. Salan gekk samt afbragðsvel og varan kláraðist á þessu stutta sölutímabili, enda afbragðsgóður léttur bjór. Núna höfðum við meiri tíma til að gera prufur í samvinnu við frábæra starfsfólkið hjá PMT og komum niður á frábæra lausn og erum mjög ánægð með útkomuna. Í rauða litnum í merkinu var prentað glitrandi glimmer sem fær rauða merkið til að standa upp úr á einfaldri línuteikningunni, og hvað er jólalegra en smá glimmer? Hann er væntanlegur í verslanir Vínbúðanna á næstu vikum.

Vintage og glimmer, frábær nostalgíublanda á virkilega góðum jóla léttbjór.

📽️ Bruggsmiðjan Kaldi

30/09/2025

Umbúðir fyrir - ný íslensk bætiefnalína m.a. meltingargerlar sem eru sérsniðnir að konum á breytingarskeiðinu og eftir það. Umbúðirnar undirstrika léttleika og frelsi en sýna jafnframt litrófið og leitina inn á við - og út á við, þar sem hver einstaklingur upplifir sig á sinn hátt. 💗
Fæst í apótekum.