Blek - Skapandi norðlensk auglýsingastofa

16/06/2026

Þjóðhátíðardagurinn verður haldinn hátíðlegur um allt land á morgun 17. júní. Á Akureyri verður mikil gleði og vonandi að veðurblíðan haldi sér eins og síðustu daga, en þó það þurfi kannski að vökva blómin smá 🌺🌻🌸

16/06/2026

16. júní er alltaf merkisdagur í hugum Menntskælinga fyrir norðan. Þá fagna stórafmælisárgangar, frá 1 árs og upp í 70 ára stúdentar úr MA saman og rifja upp gamla tíma. Bærinn hreinlega iðar af lífi á þessum degi og ekki slæmt þegar veðrið leikur við okkur eins og í dag.
Það er mikil áskorun að ná að höfða til svona fjölbreytts og breiðs aldurshóps en það sem sameinar þennan hóp sannarlega er söngurinn. Í skólanum er rík hefð fyrir söngsal og þó svo það séu tískusveiflur í lagavali þá hafa mörg lög náð að brúa kynslóðabil. Grafíkin fyrir hátíðina sýnir því smá útúrsnúning á lögunum sem hafa verið sungin í gegnum árin.

Lausnin á "myndagátunni" má finna í hlekk í athugasemd 😊

28/05/2026

Ársfundur Byggðastofnunar hefst kl 13:00 í dag á Kirkjubæjarklaustri. Hægt er að kynna sér ársskýrsluna sem var unnin hér í Hafnarstrætinu, á vef Byggðastofnunar. 📖 🧡

Ársskýrsla Byggðastofnunar fyrir árið 2025 hefur verið gefin út. Í skýrslunni er farið yfir helstu áhersluþætti í starfi stofnunarinnar yfir starfsárið

21/05/2026

Ársskýrsla Byggðastofnunar fyrir árið 2025 er komin út. Fjórða árið í röð er hún sett upp hér í Hafnarstrætinu á Akureyri og eingöngu gefin út rafrænt. Ársfundur stofnunarinnar verður haldinn á Kirkjubæjarklaustri þann 28. maí n.k.
Athygli er vakin á því að efnisyfirlit er með virkum tenglum í kafla og bls. nr. á hverri síðu vísar aftur í efnisyfirlitið. Þannig þarf minna að skrolla. 🥳
Þakka kærlega fyrir frábært samstarf nú sem fyrr! 😊

Skýrsluna má finna hér:
https://www.byggdastofnun.is/is/frettir/category/1/arsskyrsla-byggdastofnunar-2025

25/02/2026

Um miðjan febrúar hélt Byggðastofnun ásamt fleiri aðilum, málþing í Hofi undir yfirskriftinni „Aðlögun sveitarfélaga að áhrifum loftslagsbreytinga - Frá áskorunum til aðgerða: leiðarvísir, verkfæri og reynsla sveitarfélaga.“ og þar var fyrsta útgáfa leiðarvísisins kynntur sem var settur upp hér í Hafnarstrætinu. Leiðarvísirinn er yfirgripsmikið rit sem mikil þörf var á að hafa í vel skipulögðu, áhugaverðu og lesvænu umbroti þar sem virkir tenglar eru notaðir til að flakka frá efnisyfirliti yfir á viðeigandi kafla og aftur til baka með því að smella á bls. nr. í fæti.

Eins gerði ég nokkrar teikningar sem styðja við textann.
Leiðarvísinn má finna á vef Byggðastofnunar (undir Útgefið efni > Skýrslur) og á vef Veðurstofunnar á gottvedur.is (undir Loftslagsbreytingar neðst).

Verkefnið má finna hér:
➡️ https://blekhonnun.is/project/leidarvisir-sveitarfelog/

Leiðarvísinn í heild sinni má finna hér:
➡️https://www.byggdastofnun.is/static/files/Adlogun/leidarvisir-loftslagsmal_2026.pdf

15/01/2026

Þorrinn gengur í garð í næstu viku og í dag hófst salan á Þorrabjórnum. Þorra Kaldi frá Bruggsmiðjan Kaldi er því fáanlegur með Valkyrjunni í nýrri og flottri dós - og líka á flösku! 🥳🍻

09/01/2026

Nú eru jólin komin og farin og rútínan farin að detta aftur inn og vonandi allir endurnærðir. ❤️ Hérna eru tvö jólakort sem ég teiknaði fyrir síðustu jól, fyrir annars vegar Fjármála- og efnahagsráðuneytið og hins vegar fyrir UMBRU -þjónustumiðstöð Stjórnarráðsins. Starfsfólk þessara stofnana fékk kortin og ég reikna með að þau séu komin í ramma á flestum þeim heimilum. ☺️😊 Nánar um kortin undir hvorri mynd.

18/12/2025

Verkefnið Brothættar byggðir á vegum Byggðastofnunar er ætlað að styrkja þær byggðir landsins sem standa frammi fyrir áskorunum þ.e. viðvarandi fækkun íbúa og erfiðleikum í atvinnulífi. Mikilvægt er að táknið fyrir verkefnið sé sterkt og jákvætt. Hringurinn er verndartákn, þríhyrningurinn þarf fyrir innan er fjall sem táknar landið og landsbyggðir en er líka tákn stöðugleika og athygli. Hafflöturinn vísar í sjávarbyggðir en færir hreyfingu í merkið þannig að það er ekki staðnað heldur lifandi og á hreyfingu. Misstór húsin tákna hið manngerða; fólk og samfélag.

Bæði fjallið og húsin mynda örvar upp á við, báðir endar hafflatarins vísa upp á við. Öll þessi atriði búa til jákvæð og bjartsýn teikn.

Merkin má nú þegar finna á facebook síðum nokkurra verkefna.

Takk fyrir samstarfið! ☺️