Hann er fyrrum forstöðumaður Höfuðborgarstofu, stærstu markaðsstofu landsins. Hann er jafnframt fyrrum rekstrarstjóri Reykjavík Excursions, ferðaskrifstofu Kynnisferða, sem er eitt umsvifamesta ferðaþjónustufyrirtæki landsins. Hann gegndi stjórnarmennsku í Inspired By Iceland og sat sem varamaður í stjórn Iceland Naturally, eins umfangsmesta viðvarandi markaðsverkefnins Íslendinga í Bandaríkjunum
og Kanada. Þá hefur hann átt sæti í Fagráði ferðaþjónustunar og ferðaskrifstofunefnd SAF svo eitthvað sé nefnd. Einar hafði yfirumsjón með stærstu markaðsrannsókn sem unninn hefur verið fyrir áfangastaðinn Reykjavík. Rannsóknin var unnin fyrir Samband sveitarfélaga á höfuðborgarsvæðinu, á árunum 2013 til 2015. Niðurstöður þessa starfs; slagorðið og myndmerkið “Reykavík Loves”, var tilnefnt til ÍMARK verðlaunanna 2015. Hann hefur haldið fjölda kynninga, hérlendis sem erlendis, á sérstöðu ferðaþjónstunnar í Reykjavík og á Íslandi og hefur árum saman gegnt margþættu ráðgjafahlutverki á vettvangi ferðaþjónustu, viðburðahalds og markaðsmála, auk þess að gegna starfi framkvæmdastjóra og umboðsmanns fjölda víðþekktra listamanna, þeirra á meðal Garðars Thor Cortes og Kiri de Kawana. Einar var um árabil einn umfangsmesti tónleikahaldari landsins og hefur sú reynsla aflað honum yfirgripsmikillar reynslu í markaðssetningu og stjórnun viðburða, stærri sem smærri. Hann átti og rak Concert hér heima á Íslandi frá árinu 2001 til 2012 og Beliver Music í London á árunum 2005 til 2009. Platan Cortes sem Einar framleiddi og hafði yfirumsjón með upptökum á sat þrjár vikur á toppi lista yfir söluhæstu klassísku plötur Bretlands í apríl 2007 og var tilnefnd til Bresku tónlistarverðlaunanna árið 2008 í flokki klassískra platna. Hann var framkvæmdastjóri Íslensku tónlistarverðlaunanna frá árinu 2001 til 2005. Einar var formaður dómnefndar í Idol Stjörnuleit og X Factor á Stöð 2 á árunum 2005 til 2007. Hann er farsæll lagahöfundur og á árunum í kringum aldamót átti hann fjölda topplaga á Íslandi og framlag Íslands til Eurovision 2001.
Árið 2009 stofnaði Einar útvarpsstöðina Kanann sem breyttist síður í K100. Einar seldi Símanum stöðina í byrjun árs 2011 sem seinna seldi Árvakri eiganda Morgunblaðins og Mbl.is stöðin sem nú rekir hana. Einar hefur stýrt vinsælum útvarpsþáttum bæði á Bylgjunni og nú aftur á K100 eftir að hann seldi stöðina frá sér.
Árið 2018 stofnaði Einar Facebook hópinn Plokk á Íslandi sem telur í dag rúmlega 7000 þátttakendur en hópurinn samanstendur af fólki sem tínir og tekur rusl úr umferð í nær umhverfi sínu og deilir árangrinum með jákvæðum formerkjum. Í gegnum þennan hóp hefur Einar staðið fyrir og skipulagt stóra Plokkdaginn sem haldin er í kringum sumardaginn fyrsta og dag jarðar í lok apríl og hefur verið haldin árlega síðan 2018
Einar var ráðgjafi Símans og Helga Björns við framleiðslu þáttanna Heima með Helga og það er komin Helgi. Þættirnir hlutu verðlaunin Tónlistarviðburður ársins 2020. Einar er aðaleigandi Víkingamótaraðarinnar en meðal keppna í henni eru KIA Gullhringurinn, Hengill Ultra, Landsnet fjallahjólakeppnin og Now Eldslóðin. Hengill Ultra er stærsta utanvega hlaup á Íslandi og KIA Gullhringurinn er stærsta götu hjólamót á Íslandi en bæði fagna 10 ára afmæli í ár. Einar er giftur Áslaugu Thelmu Einarsdóttur MBA og þau eiga saman tvö börn, Klöru 15 ára og Einar 13 ára. Hann nam markaðsfræði við Mesa Community Collece og Arizona State University á árunum 1997 til 2000 og lauk MBA- prófi frá Háskólanum í Reykjavík árið 2012 Einar Bárðar
