ENNEMM

22/04/2026

Við erum að leita að textaliprum sköpunargleðipinna með gott auga fyrir máli málanna í stafrænum miðlum.

Sendu okkur umsókn sem sýnir hvað þú getur á íslensku og ensku á [email protected] fyrir 30. apríl. Væri það ekki hugmynd?

15/04/2026

Kannt þú að META góðar hugmyndir?

Við leitum að metnaðarfullum og gagnadrifnum sérfræðingi með þekkingu og reynslu af tæknihlið META og Google ásamt færni í bestun herferða, gagnalæsi og skýrslugerð 🧑‍💻

Ef þig virkilega langar að ná í gegn skaltu senda okkur umsókn með ferilskrá á [email protected] fyrir 24. apríl!

09/04/2026

Við tókum heim þrjá Lúðra! 📣

COLLAB x Birnir hlaut Lúður í flokknum bein markaðssetning og sjónvarpsauglýsingin Sögulegur samruni landaði tveimur Lúðrum; í flokknum lengri kvikmyndaðar auglýsingar ásamt sigri í flokknum Val fólksins.

Við óskum Ölgerðinni og Sýn innilega til hamingju með Lúðrana og þökkum frábært samstarf í þessum skemmtilegu verkefnum! ✨

21/07/2025

Hér segja Jóhannes Páll hjá Ölgerðinni og okkar allra besti Finnur frá endurhönnun eins af elstu drykkjarvörumerkjunum á Íslandi!

Sjaldgæft er að neysluvörur lifi góðu lífi í meira en öld og ekkert lát sé á vinsældum þeirra. Sú er þó raunin með Egils Pilsner en nýverið var umbúðum þessa vinsæla léttbjórs breytt í fyrsta skipti í rúm 20 ár.

20/06/2025

Hefur þú brennandi áhuga á að skapa efni og vinna með samfélagsmiðla?
Við erum að leita að hugmyndaríkri og drífandi manneskju til að stökkva inn í fjölbreytt verkefni með teyminu okkar. Starfið felur meðal annars í sér hugmyndavinnu, upptöku á myndböndum og myndatöku, úrvinnslu og ​önnur tengd verkefni.

Sæktu um á 👉
https://alfred.is/starf/skapari-fyrir-samfelagsmidla-a-ennemm

13/06/2025

Alltaf gaman að byrja samstarf við nýjan viðskiptavin með hvelli og þegar þrjú af sterkustu vörumerkjum landsins sameinast undir einu nafni, með öflugu og metnaðarfullu fólki að baki, verður til eitthvað sannarlega sögulegt!
Það var okkur sannur heiður að fanga þessa umbreytingu í glæsilegri auglýsingu sem endurspeglar bæði arfleifð og framtíðar-Sýn.
Við þökkum markaðsdeild Sýnar fyrir traustið og óskum öllu starfsfólki fyrirtækisins innilega til hamingju með þessar spennandi breytingar. Um leið þökkum við öllu því frábæra fagfólki sem kom að því að skapa minnisstætt upphaf nýrrar Sýnar.

Framleiðandi: Skot SKOT Productions
Leikstjórn: Samuel & Gunnar directors
Framleiðslustjóri: Eiður Birgission
DP: Óttar Guðnason
Leikmynd: Sveinn Viðar Hjartarsson og Hlynur Helgi Hallgrímsson
Stílisti/búningar: Margrét Einars
Eftirvinnsla: Trickshot
Hljóðvinnsla: Birgir Tryggvason
Tónlist: Veigar Margeirsson
Ljósmyndari: Leifur Vilberg
Ofl. Frábært fólk!

12/06/2025

Með skemmtilega rómantísku ívafi kynnum við byltingu í þjónustu N1. Í fyrsta skipti á Íslandi geta viðskiptavinir, hvar sem er á landinu, valið sína uppáhalds N1 stöð og fengið þar lægsta eldsneytisverðið í allt sumar. Því lá beinast við að spyrja: Hvaða N1 stöð elskar þú mest? ❤️

Við þökkum öllu frábæra fólkinu sem tók þátt í þessari léttu rómantík með okkur og hjálpaði til við að gera eldsneytiskaup aðeins skemmtilegri.

Framleiðandi: SKOT Productions
Leikstjórn: Samuel & Gunnar directors
Framleiðslustjóri: Eiður Birgisson
DP: Baldvin Vernharðsson
Eftirvinnsla og hljóðsetning: Trickshot
Stílisti/búningar: Hulda Halldóra
Tónlist: Birgir Stefánsson og Bjarki Ómarsson
Ljósmyndari: Óli Már
Ofl. frábært fólk!

19/03/2025

Ertu klár í markaðssetningu á netinu? Vegna fjölgunar mannkyns viljum við fá öflugan sérfræðing í Google og Facebook Ads til liðs við okkur til að stýra markaðssetningu á netinu fyrir viðskiptavini stofunnar. Ath! Ráðningin er tímabundin en möguleiki á framtíðarstarfi er þó fyrir hendi.

Sæktu um á 👉 https://www.hagvangur.is/jobs/markadssetning-a-netinu-ennemm

11/03/2025

Við fengum Lúður og silfur! 📣
Þinn fallegi dagur með COLLAB vann Lúður í flokknum gagnvirkar stafrænar auglýsingar og COLLAB HYDRO vann silfur í flokknum lengri kvikmyndaðar auglýsingar.
Við þökkum Ölgerðinni fyrir frábært samstarf og förum spennt af stað í næstu verkefni!

04/03/2025

Okkar eigin Emilia Bjarkar vann gullverðlaun FÍT í nemendaflokki fyrir útskriftarverkið sitt; Lok í Reykjavík. Við erum ekkert smá stolt af henni en FÍT verðlaunin eru fagverðlaun Félags íslenskra teiknara og eru veitt þeim sem skara fram úr í grafískri hönnun og myndlýsingum. Það er ljóst að framtíðin er björt með Emilíu í okkar frábæra hönnunarteymi ✨