14/04/2025
Bókin okkar, Matti og Maurún, hlaut tvær tilnefningar
til Barnabókaverðlauna Reykjavíkurborgar!
Í flokkunum myndskreytingar og þýðingar, en bókin er tvítyngd á ensku og íslensku.
Takk kærlega fyrir okkur!
Umsögn dómnefndar, myndlýsing:
Laufey Jónsdóttir tekur hér efni bókarinnar um maura á Íslandi og myndlýsir með fögru handbragði og nákvæmni. Formin leggjast yfir og undir hvort annað og litirnir flæða á milli. Hér er líka leikið með stærð og smæð, við sjáum Matta í gegnum sjónarhorn Maurúnar og Maurúnu í gegnum sjónarhorn hans. Í myndlýsingunum er að finna mýkt, þar sem vinátta og fróðleikur skín í gegn.
Umsögn dómnefndar, þýðing:
Síðasta tilnefnda bókin var svolítið flokkunar vandamál því hún hefði allt eins getað tilheyrt hópi frumsamdra skáldverka og í ákveðnum skilningi orðsins þá erum við að viðurkenna verk Marco Mancini sem skapandi höfundar og Andreas Guðmundssonar Gähwiller og Laufeyjar Jónsdóttur þýðenda með því að tilnefna bókina Matti og Maurún eða Matti and Antie, hulinn heimur íslenskra maura en í henni lýsir líffræðingurinn Mancini leynilegri mauranýlendu á íslenskum leikskólavelli en tilvist þeirra kemur eflaust flestum innfæddum íslendingum á óvart.
Höfundur: Marco Mancini
Myndhöfundur: Laufey Jónsdóttir
Þýðing og samhæfing texta: , Laufey Jónsdóttir og Marco Mancini
Útgáfa:
