Kolofon

23/02/2026

Stundum getur verið erfitt að gefa sér tíma fyrir sjálfan sig … en það er búið að taka okkur 8 ár að koma upp almennilegum vef sem getur sýnt ykkur verkefnin sem við erum svo stolt af að hafa unnið í hér á Kolofon.

www.kolofon.is

Það er nóg eftir í arkívunni sem við höldum áfram að láta leka inn á síðuna, en það er líka slatti kominn inn!

Takk fyrir forritunina Arnór.

21/02/2026

🤩 Tilnefningar í FÍT keppninni 2026 kynntar og við í skýjunum með tilnefningar í flokkunum Firmamerki og Mörkun fyrirtækja.

Firmamerki — Vesturbyggð
Mörkun fyrirtækja — Umboðsmaður Alþingis

Félag íslenskra teiknara
Vesturbyggð

23/12/2025

Kæru vinir ✨
Við óskum ykkur notalegra jóla og þökkum fyrir fyrsta árið okkar hér á Laugaveginum. Einstaklega ljúft ár sem nú er að líða enda ekki annað hægt með góðu samstarfi og samskiptum. Takk fyrir okkur.
Hlökkum til að sjá ykkur sem flest á nýju ári💫
Kærleikskveðja,
Rúna, Hörður, Saga, Davíð og Vera.

15/09/2025

Stundum þarf líka að taka til heima hjá sér. Eftir tæp átta ár leggjum við gömlu ásýnd Kolofon á hilluna og tökum upp nýtt merki, letur og uppfærða ásýnd — sem endurspeglar breytingarnar á stofunni síðustu mánuði og stefnuna framundan.

Kolofon hönnunarstofa — ásýnd og upplýsingahönnun.

25/08/2025

Vesturbyggð hefur tekið nýtt merki í notkun eftir sameiningu Vesturbyggðar og Tálknafjarðarhrepps í fyrra. Dómnefnd segir merkið sem varð fyrir valinu skýrt og einfalt en bjóða upp á mismunandi túlkanir.

22/08/2025

Til hamingju með nýtt byggðarmerki Vesturbyggð.

Tillaga frá okkur var valin af dómnefnd, úr 52 innsendum hugmyndum og staðfest af sveitarstjórn.

09/03/2024

💥 Mikil gleði með fjórar tilnefningar til FÍT verðlaunanna 2024, takk FÍT! Til hamingju hæfileikaríku hönnuðir okkar og takk Landsvirkjun Isavia Neurotech EU Háskólinn í Reykjavík og Fjölmenningardeild Vinnumálastofnunar fyrir einstaklega gott og skemmtilegt samstarf

Og Davíð okkar, innilega til hamingju með tilnefninguna fyrir fallega albúmið hennar Nönnu í flokknum geisladiskar og plötur.

Félag íslenskra teiknara

22/12/2023

🌲⭐️🌲 Við óskum ykkur öllum gleði og friðar um jólin. Njótið daganna og gerið sem minnst annað en það sem veitir ykkur og ykkar nánustu hamingju.
Með kærleikskveðju frá Kolofon.

03/11/2023

Við bíðum spennt eftir úrslitum Hönnunarverðlauna Íslands sem verða veitt í næstu viku. Merkingakerfið Vegrún sem hannað var af okkur ásamt frábæru þverfaglegu teymi, er eitt af þremur verkum sem tilnefnd eru í flokknum verk ársins.

Úr rökstuðningi dómnefndar: “Vegrún er umfangsmikið og mikilvægt verkefni, leyst á næman og faglegan hátt, þar sem hugað hefur verið að hverju smáatriði sem skilar sér í fallegri, sannfærandi og heildstæðri lausn”.
Við erum stolt af verkefninu og þakklát fyrir tilnefninguna.

Á ferð ykkar um landið og á www.vegrun.is getið þið séð afrakstur verkefnisins.

13/10/2023

Vegrún tilnefnd sem verk ársins til Hönnunarverðlauna Íslands 2023

Við erum gífurlega stolt að taka á móti tilnefningu til Hönnunarverðlauna Íslands 2023, fyrir merkingarkerfið Vegrúnu, í flokkinum verk ársins. Kerfið er þverfaglegt verkefni sem við unnum að með frábærum hópi einstaklinga, kerfi sem í dag er komið í notkun um allt land.

„Vegrún er gott dæmi um afrakstur þaulhugsaðrar hönnunar, samræmt merkingakerfi innblásið af litbrigðum íslenskrar náttúru og veðurfari, sem fellur vel að fjölbreytilegu umhverfi landsins. Letrið er íslenskt og sérhannað og leitast er við að nýta íslenskan efnivið eins og kostur er.“

Takk fyrir okkur — og til hamingju öll tilnefnd verkefni til þessara glæsilegu verðlauna.

Umsögn dómnefndar og nánari upplýsingar:
https://www.honnunarmidstod.is/ha-frettir/vegrun-tilnefnt-sem-verk-arsins---honnunarverdlaun

Stefán Pétur Sólveigarson, Gerður Kristný, Kristján B. Jónasson, Guðmundur Jónsson, Birna Lárusdóttir, Sigthrudur Stella Johannsdottir og Gísli Gíslason.

20/09/2023

Hann Hörður Lárusson okkar á afmæli í dag og byrjaði auðvitað daginn á Bessastöðum að ræða ma. fána við forsetann, svona eins og fólk gerir þegar það á afmæli. Innilega til hamingju Hörður og við hlökkum til að fylgjast með vinnslu bókarinnar 🇮🇸

Forseti Íslands