Brandenburg - auglýsingastofa

04/05/2026

Skemmtilegt viðtal þar sem meðal annars Hrafn Gunnarsson, einn af eigendum Brandenburg, fer yfir breytingar á félagsmerkjum íþróttafélaga ásamt Þorgeiri K. Blöndal, en þeir tóku til í merki KR á sínum tíma 🏀⚽

Sál íþróttafélaga býr í félagsmerki þeirra. Mikið fjaðrafok varð þegar Leiknir í Reykjavík skipti um merki. KR breytti merki sínu, sem talið er vera það flottasta á landinu, og enginn tók eftir því. Hvað liggur í merki og má breyta því?

31/03/2026

Ert þú að sóa öllum tímanum í símanum? 🍌

Þegar við fórum af stað með Nova í geðræktarvegferðina fyrir s*x árum þá var fyrsti fókusinn settur á ábyrga símanotkun með herferðinni Vertu á staðnum.

Í þeirri vinnu fæddist lítið hugmyndafræ sem var einfaldlega hvað ef allir væru ekki að stara á símann sinn allan daginn heldur bara eitthvað fáránlegt eins og banana? Við hlúðum rækilega að þessu fræi í nýrri herferð fyrir Nova - Það er eitthvað bogið við þetta.

Samfélagsmiðlar og snjallsímar eru frábærir og órjúfanlegur hluti af okkar daglega lífi. Símtækin einfalda okkur vissulega lífið en þau mega aldrei taka það alveg yfir. Það er nefnilega eitthvað verulega bogið við það að sóa öllum tímanum sínum í símanum 🪩

Framleiðsla fyrir sjónvarp: Skot
Leikstjóri: Samuel & Gunnar
Framleiðsla: Eiður Birgisson
Tökumaður: Ottar Gudnason
Eftirvinnsla: Trickshot
VFX: Pétur Karlsson
Tónlist: Andri Ólafsson
Búningar: Hulda Halldóra Tryggvadóttir
Hár & Förðun: Katrín Árnadóttir
Ljósmyndir: Svenni Speight
Aðalhlutverk: Kjartan Logi Sigurjónsson

15/03/2026

Hjá Brandenburg starfar samansafn mikilla snillinga 🙏🏻 Ein af þeim er Þóra Ólafsdóttir sem hefur sinnt starfi kúltúrkveikju undanfarin misseri og við erum ótrúlega lukkuleg að fá hana í hópinn ✨

Brandenburg hefur ráðið Þóru Ólafsdóttur í stöðu Kúltúrkveikju, en um er að ræða nýtt lykilhlutverk sem styður við vaxandi áherslur fyrirtækisins á sköpun menningartengdra samskipta, skapandi auglýsinga og eftirminnilegra vörumerkja. Hugmyndafræði Kúltúrkveikju hefur þr....

10/03/2026

„Ég er sennilega eini framkvæmdastjórinn á landinu sem er betri í Word en Excel.“ 📈

Fyrir síðustu helgi birtist skemmtilegt viðtal í Morgunblaðinu við hugkvæmdastjóra Brandenburg, Braga Valdimar Skúlason. Viðtalið kom til í tilefni ÍMARK dagsins og Lúðursins, en Bragi hefur safnað saman í gagnabanka um 40 ára sögu Lúðursins.

Hann fór einnig yfir þróun bransans og hvers vegna hugmyndavinnan skiptir enn höfuðmáli, hvar sem auglýsing birtist 💡

Ímark-dagurinn fer fram á morgun í Háskólabíói en þá verða veittir Lúðrar fyrir bestu auglýsingar og markaðsefni síðasta árs. Bragi Valdimar Skúlason hugkvæmdastjóri auglýsingastofunnar Brandenburg segir að hátíðin sé mikilvæg auglýsingafólki.

06/03/2026

Athyglisverð eftirtekt hjá Arnar Halldórsson

Undanfarið hefur mátt greina ákveðið viðhorf í umræðu um markaðssetningu: að keppnin um athygli fólks sé í raun töpuð. Í heimi þar sem símar, skjáir og endalausir straumar af efni fylla hvert augnablik virðist það við fyrstu sýn trúlegt. Ef allt talar í einu er auðvelt a....

03/12/2025

Garðurinn mathöll hefur opnað og Smáralind bragðast betur🍴

Brandenburg útbjó merki og ásýnd fyrir Garðinn, ásamt markaðsefni sem gegndi lykilhlutverki í að kynna mathöllina til leiks á dögunum. Til hamingju Smáralind með þessa stórfínu viðbót, það er svo sannarlega þess virði að kíkja við og kanna nýjan keim 🥂

26/11/2025

Er íslenski fjárhundurinn í útrýmingarhættu? 🐕
Herferðin Missum ekki málið átti sér ýmsar ólíkar birtingarmyndir sem fóru víða um samfélagið. Valdir aðilar fengu sérstaka gjöf með orðum í útrýmingarhættu, Morgunblaðið varð mállaust og íslenskum orðum var gert hátt undir höfði. Allt til þess gert að fá okkur til að hugsa málið og huga að íslenskunni.

Takk fyrir skemmtilegt samstarf Heimar 🤝

26/11/2025

Missum ekki málið 💬

Íslenskan lifir ekki af nema við hlúum að henni, tölum hana og skrifum. Við þurfum að leggja okkur fram við að nota tungumálið, halda því að börnunum okkar og styðja við þau sem tileinka sér það á uppbyggilegan máta. Heimar minntu okkur á þetta á dögunum í samfélagsverkefninu Orðheimar sem snýr að tungumálinu okkar og birtist í kringum dag íslenskrar tungu. Brandenburg tók að sér að miðla skilaboðunum sem eiga erindi við okkur öll, enda berum við sameiginlega ábyrgð á að halda íslenskunni á lífi.

19/11/2025

Vissir þú að Opal átti örlítinn þátt í stofnun Epal? 👀

Til að heiðra söguna og fagna 50 ára afmæli Epal fléttuðum við þessi sígildu íslensku vörumerki saman í eina heild þar sem rauði liturinn og hringformið voru í aðalhlutverki. Takk Epal og Opal fyrir skemmtilegt samstarf – og húrra fyrir Epal í 50 ár ❤️

17/10/2025

Stundum þarf að hugsa stórt 🪤
Í dag er alþjóðlegur baráttudagur gegn fátækt og við það tilefni reis fátæktargildran við Alþingi til að vekja athygli á óviðunandi aðstæðum örorkulífeyristaka á Íslandi. Um helgina stendur fátæktargildran í Smáralind þar sem hún fær að vera óáreitt og miðla skilaboðunum sem eiga sannarlega erindi.