EXPO TUN

04/06/2023

حدث اليوم بالسوق الأسبوعية ب #عقارب
دخل راجل لرحبة متاع أغنام و قاللهم يا جماعه عندي 500 دينار لا يزيدو لا ينقصو و نحب نشري علوش نعييد بيه عندي عيله كبيرة و هذاكا الي نقدر عليه و راني لا باش نبيع لا نشري في السوم هذا الي عندي نمدهم أعطوني بيهم علوش و كهو ...
سمعو راجل كبير عندو تقريبا 7 علالش كبار قلو ولد عمي أدخل وأختار الي تحب عليه و الي يحلا في عينيك هزو ...
حط ايديه على علوش باهي بڨرونو و قالو هذا عجبني ...
لكن العلوش يعمل عالاقل مليون...قالو خويا موش شوية عليه هذا 500 دينار
قالو مولى العلالش مبروك عليك خويا و خلي فلوسك عندك مصروفك و مصروف عيلتك في العيد و ان شاء الله عيدكم مبروك
خرج الراجل يكركر في العلوش من ڨرونو و فرحان ...
لين يسمع في مرتو تعيّط .سيبلي شعري سيييب يا راجل شبيك هبلت...!
طلع راقد و يكركر في مرتو من شعرها ...جاب ربي ما حلمش بروحو يذبح🤧🤧منقول

23/09/2022

بذور الخروب... عندها دائما نفس الحجم و نفس الوزن تقريبا (200 مليجرام)... الشيء اللي جعل الناس في القديم يستعملونها كوسيلة لقيس الوزن.. "القيراط" le carat.. وحدة قيس وزن المجوهرات و نقاوة المعادن الثمينة..

بذرة الخروب كذلك هي المصدر الطبيعي لصنع لوبان الخروب.. مضاف غذائي معروف تحت رقم E410 .. يستعمل في الصناعات الغذائية كمثخن طبيعي و حلال عوض المثخنات المستخلصة من الخنازير... و يستعمل كذلك في الصناعات الصيدلية و مستحضرات التجميل و صناعة الورق...

ثمار الخروب تعتبر كذلك كنز ثمين في الصناعات الغذائية.. في تونس يستعملوها مثلا لصناعة المشروبات الغازية كيف "البوڨا سيدر" و في بلدان أخرى يصنعو منها بديل الشكلاطة و بديل للقهوة..

شجرة الخروب متأقلمة مع مناخ بلادنا.. تغذي الأرض و تحميها.. و تمثل مرعى ممتاز للنحل... لكن رغم كل ذلك التونسي مزال يلوج باش يغرس أنواع دخيلة متاع أشجار.. غير متأقلمة و غير مقاومة و تستهلك برشة ماء.. و يقلع في الخروب باش يعمل الفحم
منقول

30/08/2022

"Il successo, non è quando sei in cima, ma quando tocchi il fondo e sei in grado di riprenderti."
- Platone-

20/06/2022