أبسّطهالك - Weather Simplified

أبسّطهالك - Weather Simplified Contact information, map and directions, contact form, opening hours, services, ratings, photos, videos and announcements from أبسّطهالك - Weather Simplified, Amman.

28/09/2026

ابسطلكم جو الثلاثاء، ٢٩\٩

عُدنا والعود أحمدُ باذن الله … الخريف جاي مشمّر عن ايديه ومبلش شغل من اولها.

بكرة مبدئياً انخفاض بدرجات الحرارة (تقريباً درجتين) مع غيوم اكثر من اليوم.

في احتمال ضعيف تشتي خفيف بمحافظات الشمال (عجلون واربد وجرش) بفترة الفجر او قبل بشوي.

عدا عن ذلك، بكرة يوم خريفي طبيعي بس ابرد من العادة بفرق لطيف.

متوقع يكون في نسمة هوا باردة برضه ف ديروا بالكم.



الصبح بكير وبالليل جاكيت متوسط وتحته بلوزة خفيفة. بالليل الاحسن نلبس Hoodie.

بالنهار بدنا جاكيت خفيف وتحته بلوزة خفيفة.

يُنصح باللفحة الخفيفة/السكارف عشان في نسمة خفيفة.

25/09/2026

الكل يطول اواعيه الخريفية (ما عدا بالعقبة والبحر الميت)

24/09/2026

ابسطلكم لبس أول فترة من فصل الخريف … تحديداً لما يبلّش يبرّد شوي الجو!

مبدئياً الخريف بعتمد نظام الطبقات؛ يعني بدنا نلبّق البلايز الصيفية على القمصان الخريفية او الجاكيتات الخفيفة.

تنويه: بنعتمد اللبس هاد لما الجو يبرّد. انا بكتب هاد الحكي عشان تجهزوا مشترياتكم/اللي بدكم تنزلوه من الاواعي الخريفية.

فترتي الصباح والنهار:

البلوزة: صيفية (مش اخف اشي) نص كم وبنقدر نعتمد الألوان اللي بدنا اياها.

جاكيت: الجاكيت الخريفي الخفيف. ما بدنا اشي مبطّن او ثقيل او طبقات. ممكن قبّة عالية خاصة انه الرياح رح تشد شوي.

القميص: القميص الخريفي بقدر يكون بدل الجاكيت بس ما بنفع بالليل لانه ما بدفي كفاية.

بالليل:

بلوزة: بلوزة Hoodie او خفيف مع جاكيت متوسط!

22/09/2026

يلا يا محبّي فصل الصيف 👏🏼👏🏼

بلشوا لمّوا اغراضكم ووسعوا الطريق لمحبّي فصل الخريف … خلص وقتنا 💔

مبدئياً ممنوع حدا يطلع بفترة المساء وبعد الا ومعه جاكيت خفيف/متوسط حسب قديش برّيدة وحسب وين قاعدين.

ملاحظة: متوقع من منتصف الاسبوع القادم ينخفض معدل درجات الحرارة ليصير ما بين ٢٧ - ٢٩ … يعني فرق ٤ درجات عن الوضع الحالي.

18/09/2026

صباح الخير وجمعة مباركة جميعاً

اليوم في هوا قوي طول الوقت. حتى ممكن نشوف غيوم.

سببه هو انه في احتمال تشتي خفيف بمحافظات الشمال.

مش انسب اشي لرحلة وما بنفع سهرة بمكان عالي ومفتوح.

ملاحظة: ضايل ٤ ايام للخريف (اذا حسبنا اليوم معهم)

12/09/2026

١١ يوم لبداية فصل الخريف.

29/08/2026

ابسطلكم جو الاحد، ٣٠\٨

بكرة في انخفاض بدرجات الحرارة بمقدار ٣ - ٤ درجات. الجو خريفي لطيف الحرارة مع هبات رياح قوية خلال اليوم وممكن معها غبرة.

متوقع تشتي بشكل خفيف بفترة الفجر والصبح بكير (قبل ال ٨ الصبح) في محافظات الشمال وممكن اجزاء من الوسط.

معظم المحافظات رح تكون فيها غيوم، بس متوقع المفرق ومعان يكون فيهم غبرة اكثر من غيوم.

المنخفض هاد عابر سبيل وبنتهي بكرة الظهريات. بعد هيك بنرجع للشوب 🫶🏼



الصبح بكير لمحافظات الشمال والوسط بدنا جاكيت waterproof خفيف او جاكيت خفيف (خاصة للاطفال)
باقي المحافظات بنفع جاكيت خفيف (ما عدا العقبة والبحر الميت والاغوار)

بالنهار ممكن شماغ/حطة خفيفة عشان الرياح القوية، بس اللبس صيفي مش خفيف ولا قصير.

بالليل (اذا سهرانين بمكان عالي/مفتوح) بدنا لبسة خريفية مش ثقيلة وجاكيت خفيف/متوسط. ابعدوا عن الخفيف والقصير.

29/08/2026

الجو شوب بس نسمة الهوا عليلة وجميلة

الليلة في نشرة باذن الله

28/08/2026

تذكير

ليلة السبت بدنا جاكيت خفيف فوق اللبسة الصيفية

لا تلبسوا قصير او خفيف كثير.

27/08/2026

يعطيكم العافية جميعاً … تنويه بخصوص الطقس بداية الاسبوع

صباح السبت وصباح الاحد بدكم جاكيت خفيف فوق لبستكم الصيفية.

ليل السبت وليل الاحد بدكم جاكيت متوسط فوق لبستكم الربيعية/الخريفية.

لا تلبسوا قصير، لا تلبسوا خفيف. توقعوا يكون في غيوم وجو لطيف.

ممكن ليلة السبت او فجر الاحد تشتي خفيف بالشمال والوسط والغرب.

هاد الحكي لا يشمل البحر الميت والعقبة.

Address

Amman

Website

Alerts

Be the first to know and let us send you an email when أبسّطهالك - Weather Simplified posts news and promotions. Your email address will not be used for any other purpose, and you can unsubscribe at any time.

Contact The Business

Send a message to أبسّطهالك - Weather Simplified:

Shortcuts

Share