24/08/2023
زبون بسألني عن تكلفة تصميم لوجو
قلت له 250$
قال ليش غالي كثير
سألته انت مفكر كم بكلف؟
قال يعني بالكتير 50$.. أصلا الشعار سهل وما بده وقت
قلت تمام .. انت بتقدر تصممه ب50$ ؟
قال بس أنا ما بعرف أصمم!
قلت مش مشكلة أنا ممكن أعلمك تصممه مقابل 50$ وبتوفر 200$ وكمام بكون صار عندك معرفة بتصميم الشعارات
وافق فوراً.. فقلت له جهّز لابتوب إمكانياته عالية واشتري حزمة برامج التصميم
فرد أنه ما عنده كمبيوتر او برامج ومش من المعقول يشتري واحد بتكلفة شي 2500$ عشان شعار واحد
فعرضت عليه أني أعطيه جهازي اجار مقابل 100$
ووافق
ف قلت حلو جداً .. بنتظرك يوم الثلاثاء
رد علي وقال أنه مشغول جداً يوم الثلاثاء
قلت له آسف لأني مش متاح غير الثلاثاء عشان أعلمك وأعطيك الكمبيوتر فإضطر يعمل إجازة من شغله ويترك مصالحة عشان اعلمه كيف يعمل التصميم وهذا كلفه خصم يوم للأسف
ولما قال متى الموعد؟!
قلت له بنتظرك عالساعة 8 الصبح نبدأ إن شاء الله
هنا إعترض بشدة لأنه متعود ينام ويقوم بوقت متأخر
فجأه قال خلص يا أستاذ أنا فهمت منك الرسالة وصلت
خذ الـ 250$ انا هيك هيك حتى لو تعلمت ما رح يطلع التصميم معي نفس تصميمك, لانك متخصص ودارس المجال وعندك خبرة سنين فيه
قلت الله ينور عليك, خليك دايما متذكر أنك ما بتدفع ثمن المنتج او السلعة فقط, أنت بتدفع للأمور إلي ورا النتيجة النهائية:
دورات
دراسة
أدوات
أجهزة
برامج
كهربا
وقت
مجهود
تجارب
إحترافية
نفس لما تشتري موبايل وتدفع 500 دولار مثلا, انت ما دفعت ثمن المنتج فقط, لانه فعليا المنتج نفسه ما بتزيد تكلفة الاسلاك والمعادن والاجزاء اللي بتكون منها عن 50 دولار, ولكن انت بتدفع ثمن براءات الاختراع والتكنولوجيا, والتطوير والمصانع والمهندسين والشحن والتسويق ...الخ
منقول ..
التصميم مش لعبه
