03/06/2024
Thaayû mbarî ya mûro?rekei tûrung'e igîrî kana ithatû ciîgiî mbakí ya mûgîkûyû na mûno ûrîa îteithagia harî ûhoro wa gwîthahûra na nongorio yaayo.
1.Gûthahûra nyumba/gîikaro
Gaaya mbakî îrîa îkûigana mbata waku wa gwîthahûra na ûmîkíre gwokoinî gwaku kwa ûmotho rûma pinch ithatû waambe ûhe ngomi cianyu ûkiugaga baba thaai*3ûcoke uge ûû mbakî îno nîyagûthahûra thaahu owothe ûngîkorwo wanaingîra gîikaro gíîkî,thaahu ûcio ûngîkorwo waingîririo na iratû,indo ciumíte múingîiní ta thoko,nguo,indo cia kûría,indo cia ûturi,andû kíúmbe kana nî thaahu wa thakame,wa tíîri mathaahú moothe ingíkorwo njúí kana itoî ndamathahûra moothe nginya wariga
Urogi woothe wanarongorerio aikari a mûciû ûyû,makíûnyita na mooko kana makîûkinya na magûrû kana makíûtagarara,makíûrîa kana makîûgîa na njîra oyoothe túî kana tûtoî nî ndaweheria
Ndarongoreria mûciî ûyû ûthere waage thaahu na ûtúîke wagwîkîra magongona makinyanîru,Ngai tûhandíre kírathimo giaku gûûkû,tûhe thaayû,tuteithie kûiga ûthingu tûkîrangîra ûgatûtongoria,tûrotherema,twehererie mîrimû,ndirû na njaaî mîtûríreinî iitû,indo twamatha ikanyita mooko ûgîî na ûtonga irogía rûgwata
Baba thaai
2.ûgíthahûra wee mwene
Ûkongerera ciugo ici,ingîrotuika wa kwendwo nî andû,indo ona Ngai,ndîrotuîka wakûrathimwo na atumia na ciana,ndírotuîka wa gûtonga na ûrîrî,ng'ûndû na mahiû,ingîrotuîka wa kwendwo nî arîa tûciaranîirwo nao,aciari ona maithe maitû
Baba thaai
3.Rîrîa waigua ngunyîrírí rûgendoinî
Kunya pinch ithatû wiite thíî ûkiugaga Baba thaai*3 na ûge ndarongoreria ûûru owothe wî mbeere yakwa ndûkanyite,kana nî thaahu,ciira,ndirû,mûrimû kana ûrogi ûûru owothe njúî kana itoî woothe nîndawatha ndûkanyiite onakana ûnyite arîa tûciaraníirwo nao,ndahanda ûgitîri waaku na ûtongoria waaku Ngai
Baba thaai*3
Kabirû mwîthaga no mwano wakwa ndîrabíra
